¹ Dra sa cavu tu o odra taucoo a lewe vuqa, qa di oya vei Pailato ² Dru sa teivu medra beitai ni oya, dra sa aya, "Oimami ma igavi oya a tamata ai ni sa veisautainia a oi mami vanua. Sa vatavuya me soli a vacavacava vei Sisa, qa aya ni o Karisito a tui ³ Sa qai taroi Jisu o Pailato, "O i o a odra tui a Jiu?" "Io, me tautou vata ga a a o sa aya" sa oya o Jisu. ⁴ Sa qai aya o Pailato vei edra a bete levu ei edra a lewe vuqa, "Au maqa ni igavia e dua a meu beitainia ina a tamata ai ⁵ E dra sa qai gumatua valevu mai qa aya. Sa vauavalati edra a tamata i Jutia taucoo o oya na ona i vavuvuli, me vateivu ma Kalili qa yaco ina dua leqa a yasana. ⁶ Ni sa rogo mai sa qai tarogia o Pailato, e ai Kalili a tamata ai. ⁷ Ia ni dra sa ila ni sa dau notu o Jisu i na yasana sa lewe o Eroti sa talai oya vei Eroti, ni o oya leqa ga ma notu mai Jerusalemi na gauna ana ⁸ Ni sa igavi Jisu o Eroti, sa qai marau ni sa dua gauna balavu a ona wawa me igavi oya. Na ona rogo a vei a me baleti oya, Sa nuitainia ni na igavi oya ni na velee eso a caacaa mana. ⁹ Dra sa qai vatarogia ve eya e levu a taro, io o Jisu me qa vadua ni aya e dua a a ¹⁰ Ma dra tuina o odra a bete levu ei edra a vnivola, e dra sa qai beitai oya ga valevu. ¹¹ Ia o Eroti ei edra a ona mataivalu, e dra sa qai vasewasewani oya ga qa dra valialiai oya, dra sa qai vaisulu tai ni oya ina dua i sulu lumilumisa, qa dra tala leqa vei Pailato. ¹² Na siga ana dur sa qai veitau leqa ina o Eroti ei Pailato, imada madru a dau veicati. ¹³ Sa qai acivi edra tauco a bete levu ei edra turaga ei edra a tamata o Pailato. ¹⁴ qa aya ve edra, "Dou dia mai vei au a tamata ai, me tautauvata a ona veisautai ni edra vatani a tamata, au na qai tarogi oya na omudou mata, io au a maqa ni igavia ve eya a tamata ai edu a a ca dou sa beitai ni oya ina." ¹⁵ Se o na vatalai oya lesu leqqa mai vei edatou o Eroti; omudou sa rawa ni igavia, ni maqa ni dua a, a e velee me dodonu me mate ina. ¹⁶ o oya ai au na totogitai ni oya ina, qau na qai serei oya. ¹⁷ Na veigauna taucoo ni Solevu e dodonu me dau serei dua ve edra, o Pailato. ¹⁸ Dra sa qai elavainia mai na domo levu Me detani o oya a tamata ai, qa serei ga mai vei eimami o Pailato. ¹⁹ Ma ona biu i vale ni veivesu o Parapa baleta ni ma vatubu vei vala i na Oro qa laba leqa ga. ²⁰ Sa qai vosa leqa vei edra o Pailato ni gutia me serei Jisu. ²¹ Dra sa elavainia ga "Va oti oya ina Kauvelatai, vaoti oya ina Kauvelatai," ²² Sa aua vatolu vei edra "Baleta a cava? A a ca cava e velee? Au maqa ni igavia ve eya edua a aca ie velee me dodonu me mate ina; o oua ai au na motulaini oya ina, qa serei oya. ²³ E dra sa qai elavainia ga mai vakaukauwa ni dra sa ere me vaoti ga o oya ina Kauvelatai sa qai kaukauwa ga a odra aci. ²⁴ Sa qai lewa ga o Pailato me yaco me tautauvata ga a odra ereere. ²⁵ Sa serei oya ma olotai i loma ni vale ni veivesu ina vuu ni veiba ei na laba qo oya ma gutia sa qai soli Jisu waqe me dra qai lewa. ²⁶ Ni dra sa di oya waqe, qadra tauri Saimoni e dua a ai Kirini, o oya ma lao bale na ona vanua, qa dra vacolatia ve eya a Kauvelati, qa muri Jisu. ²⁷ Dra sa lewe levu sara dra sa muri oya, bau yaco vei edra a yalewa dra sa tagi qoqolou tai ni oya. ²⁸ Sa qai vui mai o Jisu qa aya ve edra "Omu dou a yalewa ni Jerusalemi, dou uwa ni tagicai ni yau; dou tagi cai emudou ei edra a luvemudou. ²⁹ Ni na yaco mai a gauna, dou na qai aya, Sa alougata o odra a yalewa e dra yava ei na ete e maqa ni va sucumia e dua a gone, ei na odra sucu sa maqa ni vasucumia a gone ³⁰ Ia "E dra na qai aya ina ulunivanua, "Lutuieimami mamil" ei na ulunivanua, "Ubieimami mai" ³¹ E tautauvata ni dra na velee a vei a ai ni se droadroa a acu, qa cava ena caa ni sa na qai madu?" ³² E dru lewe rua leqa a tagane e dur tamata ca, e dru sa di vata me dru vamatei. ³³ Ni dru sa yaco i na vanua sa vatoai a vanua ni qavoavoa, dra sa qai vaoti oya ina i na Kauvelatai, vata ei edru a tamata ca, e dua na ona liga i matau qa dua i na ona lega i mawi ³⁴ Sa qai aya, "tamaqu, Vosoti edra, ni dra sa maqa ni ila a a edra sa velee; qa dra sa qai wase a ona i sulu, qa dra vawiri madigi ina. ³⁵ Dra sa qai tucae tu o -odra a lewe vuqa, qa dra vaigavia, qo odra a turaga dra sa valialiatai ni oya, qa dra aya, O oya sa dau vabulai edra a tani; dainia me vabulai oya mada e aya o oya ni Karisito, qa sa digitai me Alou. ³⁶ O odra leqa ga a sotia, dra sa lao cae qa valialia tai ni oya, qa dra solia ve eya a wai wiwi. ³⁷ qa dra oya, E o io a odra tui a ai Jutia, mo vabulai io." ³⁸ E dua ai vola sa volai no vei oya i cae, ni sa volai, O OYA AI A ODRA TUI A AI JUTIA ³⁹ E dua ve edru a tamata ca sa vaoti vata ei oya sa vosavacaca tai oya, qa aya , e o Karisito o io mo vabulai io mada ei eirua ⁴⁰ Sa qai vunauci oya o oya a ena i arua, qa aya, O sa maqa bea ni rere vainia a Alou, ni o sa lewai mo motge tu ve ari? ⁴¹ E dodonu medaru totogi tagi ve ai, ni sa saumi ga vei eola vura a o darua i valavala; baleta a tamata ai e maqa ni dua a a ca e velee. ⁴² Sa qai aya o oya, "Jisu, mo qai bau na numi au i na omi matanitu. ⁴³ Sa qai oya ve eya o Jisu, Au sa aya vai dina vei io, ni uwa ga daru na notu vata ina mai na Parataisi." ⁴⁴ Ni sai a ono ni yauwa, wa qai iloilo taucoo mai a vanua, qa yacovia ai a ciwa ni yauwa. ⁴⁵ Sa vailoilo tai a mata ni siga; sa qai aseirua a i lati ni vale ni soro. ⁴⁶ Sa qai aci i na domoilevu o Jisu qa aya, I tamaqi au sa solia a yaloqu ina omu liga, ni sa vosa oti veana, sa qai ciba waqe. ⁴⁷ Ni dra sa igavia a vunivalu a a sa yaco, qa aya me varoorootai ga a Alou, E dina ga ni sa yalo dodonu a tamata ai. ⁴⁸ O odra taucoo a tamata dra sa soqoni vata, e dra sa lao mai igavia a a ai, ni dra sa igavia a a sa caa, dra sa tavia a lomasaredra qa dra lesu leqa. ⁴⁹ O odra taucoo dra ilai oya, vata ei edra a yalewa madra muri oya i Kalili, dra sa tu mai rayawa qa dra vaigania a, a ai. ⁵⁰ Sa dua a tamata a ona uaca o Josefa, sa dua vei edra a mataveilewai ga tamata re qa tamata dodonu. ⁵¹ E maqa ni lomavata se caacaa vata ei edra, e laomai ina tauni o Jutia, mai Arimacea, sa qai mai warainia leqa o oya a matanitu ni Alou. ⁵² Sa qai lao o oya vei Pailato qa lai ere a yago i Jisu ⁵³ Sa qai di oya sobu mai, qa vaotori oya ina i bulubulu, sa ta na vatu, e maqa ni se bau lai vaotori vadua ina e dua ⁵⁴ Ni sa siga ni vavarau, qa sa volea mai a siga ni vacecegu. ⁵⁵ O odru leqa ga a yalewa madru lao vata ei Jisu mai Kalili, dru sa muri waqe, qadru sa igavia ai bulubulu ei nai valavala ni ona vaotori a ona gau. ⁵⁶ Dru sa lesu leqa i vale, qadru lai varautainia e so ai saluwai boire ei na i lumi: qa dru sa vacegu ina siga ni vacecegu me tautauvata ai vunau.