¹ Ia inai matai ni siga ni wiki, ni sa roaroa caca, dru sa dia a yalewa ai saluwai voire ei nai lumi madru sa varautainia tu qadru dia inai bulubulu. ² E dru sa igavia ni sa vaqiqici tani a vatu mai nai bulubulu. ³ Ia ni dru sa curu waqe, dru sa maqa ni qai igavia e dua yago ni Turaga o Jisu. ⁴ Na gauna dur sa lamaleqa tainia tu ina a a ai, va sauri dru sa igavia e rua a tamata dru sa tu volea vei edru, dru vaisulu tu inai sulu lumilumisa. ⁵ ia e dru sa rere, o odru a yalewa e dru sa teicuva sobu i na sosomo, ia sa qai aya veedru a tamata ana, "A cava dou sa vaigavi oya sa bula na edra m'aliwa sa mate. ⁶ E maqa ni qai notu ei o oya, o oya sa tucae leqa, dou sa nanumia a ona vosa vei emudou, na gauna ma notu ina vata ei emudou mai Kalili. ⁷ Ni na qai soli waqe a luve ni tamata ina odra liga a tamata ca, qa na vaoti ina Kauvelatai, qa tucae leqa inai atolu ni Siga. ⁸ E dru sa qai nanumia a ona vosa. ⁹ Ni dru sa lesu leqa mai nai bulubulu dru sa qai mai tovelee a atauco vei edru a lewe tini a dua, qa ve edra a ena vo. ¹⁰ O odru ma mai tovelee a a ai vei edru a i apositolo, o Meri a yalewa ni Mikitala ei Joana, ei Meri a tinai Jemesa, ei edra e so leqa a yalewa. ¹¹ E tautauvata e dua ai tuutuu wale vei e dra a odru vosa, ni dra sa maqa ni vabautia. ¹² Sa qai lao o Pita qa ovu inai bulubulu, ia ni sa cuva sobu, sa igavia ai sulu lineni sa tu wale tu, sa qai lao tani, sa urabui a lomana ina vuu ni a sa yaco. ¹³ Na siga vata ga ana, e lewe rua veedru madru lao ina dua a Oro lailai a e na yaca o Emeo, e tautauvata ni vitu a maile mai Jerusalemi. ¹⁴ Dru sa veitalanoa tainia a vei a taucoo sa yaco. ¹⁵ Na gauna dru sa veitalanoa tainia no in a vai edru a vei a sa yaco, sa to so volea mai o Jisu qa lao vata ei edru. ¹⁶ Sa qai vabuwawa tai a odru mata medru uwa ni ilai oya. ¹⁷ Sa qai tarogi edru, "A cava mudru sa veitalanoa tainia no, na omudrua lao bale? Dru sa tu vadua, qa dru sa vaveveumata. ¹⁸ E dru vei edru a ona yaca o Kaliposo, sa aya ve eya, O io e dua bea a vulagi mai Jerusalemi, a maqa bea ni ila a veia sa qai yaco ina na gauna ai? ¹⁹ Sa qai, "A cava?" dru sa qai aya, a vei a me baleti Jisu a ai Nasareci, "O oya a Parofita, o oya sa kaukauwa a ona caacaa ina mata ni Alou, qa veedra a tamata tauco. ²⁰ O odra a bete levu ei edra a turaga dra sa soli oya waqe me veilewai qa mate, qa vaoti oya in a Kauvelatai. ²¹ Oi mami sa nuitaini a ni o oya ga ai ena vabulai edra a Isireli ia i gai leqa ga, sa ena i atolu ni siga a ena caa oti a a ai. ²² E dru sa urabui o odru a yalewa, ma dru lao i nai bulubulu na rawarawa ai. ²³ ni dru sa maqa ni igavia a ona gau, dru sa qai aya ni dru sa igavia eso a Agilosi sa basia vei edru, qa aya sa bula o oya. ²⁴ qa so vei edra o oimamitoani, ma dra lao i nai bulubulu, qa dru igavia a vei a madru sa mai aya a yalewa; qadra maqa ni igavia e dua. ²⁵ Sa qai aya ve edru, Dou sa be lialia sara vacava, qa sa malumalumu ina a omudou vabauta, a a taucoo ga sa aya o odra parofita. ²⁶ E maqa bea ni iliili vei oya a Karisito me vosotia mada a vei a ai, me qai curu ina ona i uuuu? ²⁷ Sa vateivu inai volai Mosese qa yacovia e dra taucoo a Parofita, qa sere ia vei edru ai vola tabu taucoo ga na vosa sa ai tai ina. ²⁸ Dru sa toso waqe ina oro laiilai dru sa lao ino, sa qai toso mada o oya me tautauva ni sa mata matai ²⁹ Dru sa qai ci evi oya vakaukauwa, qa aya, "Nootu aa vata ei eirua, ni sa volea no a taranavi, me sa ala sobu a siga" Sa qai curu o oya qa notu vata ei edru. ³⁰ Ni sa notu vata ei edru ina teveli, sa aqi ta i a madrai, qa va vinavinaa tainiya, sa qai dovia qa vateivu me vota vei edru. ³¹ Sa qai iga a odru mata qaaru sa vailailai oya, qa sa reva mai na odru mata. ³² Dru sa tovelee vai edru, se maqa li ni ataata sara a yalodarua, ni da tou sa veivosai no mai gaunisala, qa vamacala tainia leqa no ga vei edarua ai vola tabu. ³³ Dru sa tucae qa lesu leqa i Jerusalemi na tii ni gauna ga ana. Dru sa igavi edru a lewe tini adua ni dru soqoni vata tu ei-edra edra dau notu vata ga ³⁴ dra sa aya, "E a dina, ni sa tuca e leqa a turaga, qa basia vei Saimoni ³⁵ Dru sa qai aya a lewe rua a a e yaco ve edru i Salevu, ni dru sa ilai i oya ni sa dovia a madrai ve edru ³⁶ Ni dru se veivosaitainia no ga a a ai, o Jisu vai oya sa tucae tu na edru maliwa, qa aya ve edra, "Dou vacegu ga" ³⁷ Dru sa idrowa qa rere, dru sa nanumia ni dra sa igavia e dua a yalo. ³⁸ Sa qai aya ve edra, "Dou sa i drowa ina vuu ni cava? qa cava dou sa veinanuyainia na omuda vaasama ³⁹ Dou igavia a aqu lega ei na oqu la. Sa o yau dina ai! tauri yau qa igavia; a yalo e maqa a ona sui qa ona lewe, me tautauvata dou sa igavia vei yau. ⁴⁰ Ia ni sa vosa oti ve ai, o oya qa varaitainia ve edra a ona liga qa ona la. ⁴¹ Ni dra sa maqa ga ni vabauti oya baleta ina vuu ni odra marau qa urabui, sa tarogi edra, "E dua a magiti e notu ai mo dou ania?" ⁴² Dru sa qai solia ve eya a ia tavu, ⁴³ Sa qai tauria o oya qa ana na odra mata. ⁴⁴ Sa aya ve edra, "O oya ai au sa dau aya vei emudou, na gauna au dau notu vataina ei emudou, e na vayacori mada a vosa e na volai me baleti yau. ina i vola ni vunau i Mosese, a Parofita ei na same." ⁴⁵ Sa qai vararamatainia a odra vaasama me rawa ni dra ila rawa ai vola tabu. ⁴⁶ Sa qai aya ve edra, "o oya ai a, a sa volai: Sa iliili vei oya a Karisito me vosotia ina, me tucae leqa mai na mate ina i a tolu ni Siga. ⁴⁷ qa veisau, qa veivutuni, qa vunautainia ai valavala ca, ina vuu ni ona yaca. vei edra i vuravura, qa vateivu mai Jerusalemi. ⁴⁸ O mudou dou nai vadinadina ni a tau coo ai. ⁴⁹ Au sa lao, qa lai vatala mai vei emudou a veia sa yalatainia o tamaqu; dou notu ga i na ovo, me yacovia ni dou sa vasulimi i na kaukauwa ma cae. ⁵⁰ Ni sa di edru i nai bili i Pecani, sa qai lavetia cae a ona ligi qa vosa vaalougatatai edru. ⁵¹ Na gauna sa vosavaalougata tai ni edru ina, sa qai biuti edru qa di cae i lomalagi. ⁵² Dru sa qai varooroo vei oya, qa dru lesu leqa i loma lagi. ⁵³ Dru sa qai notu ga i vale ni soro, qa dur vavinavinaa tainia na a Alou.