¹ Iga cadra o Jisu, qai igavi edra a vutuniyau ni dra biutia a odra soli i na a to ni lavo. ² Sa qai igavia leqaga e dua a yada sa dravudravua ni sa biutia ina e rua ai lavo lalai sara. ³ Sa qai aya o oya, "Au sa aya vaidina ve emudou, a yada dravudravua ai e levu duadua a a e solia mai ve edra tauco'o ana. ⁴ O odra tauco'o ai edra solia ga yavica mai na a ae binitu ve edra. Ia o oya a yada ai mai na leda ni ona dravudravua, qai solia tu a a tauco'o e dodonu me bula ina. ⁵ Ia e so edra vitalanoatainia a vale ni letu i na ena u'utai i na vivatu rairai re, ei na soli, sa qai aya o oya ⁶ " A a tauco'o dou sa igavia tu ari, ena yaco a siga ena maqa ni vo ina e dua a vatu me vitaqataqi, ena talarai sobu tauco'o ga." ⁷ Dra sa qai tarogi ea, qa dra aya, "Vavuvuli ena yaco ina gauna cava a a ai? ia qa cava ai vatailaila ni sa velea ni yaco a vi a ai?" ⁸ Sa qai aya o Jisu, "Dou qaraunia me mudou ua ni vacalai. Ni dra na lelevu edra na lao mai i na uqu yaca, qa dra aya "O au ga o oya!, Ia sa toro volea mai a ena gauna! Dou ua ni muri edra. ⁹ Ia ni dou sa rogo ai rorogo ni valu, se visei, ua ni lomaleqa ina, ni sa dodonu me yaco mai i mada a vi a ai, ia se maqa ni yaco vasuri ai vata oti oti. ¹⁰ Sa qai aya ve edra o oya, edra na vibolebolu a vivanua ei na vi matanitu. ¹¹ Ena yaco a uneune lelevu, e na yaco a dausiga ina so a vanua ei na mate ca, ia ena yaco e so a a varerevai qa so ai vatailaila lelevu mai lomalogi. ¹² Ia ni bere ni yaco a a tauco o ai edra na tauri emudou, qa vacacani emudou, qa soli emudou waqe i na vi valenilotu ei na vale ni vivesu, ia dou na di ina odra mara a tui kei na kovana eso, i na vu'u ni oqci yaca. ¹³ Ia a a ai ena yaco me omudou i vadinadina. ¹⁴ Ia mudou qai vataudeitainia a lomamudou, qa mudou se ua mada ni leqatainia a cawa mudou na aya, ¹⁵ niu na solia ve emudou a vosa ei na vu'u e na maqa ni dua a o mudou meca me na viletitainia rawa, se voratia. ¹⁶ Ia edra na soli e mudou waqe a o mudou qase, ei na tacimudou ei na ai nomudou, ei na weamudou, qa dra na vavunia a omuduo mate eso. ¹⁷ Ia mudou na cati mai ve edra a tamata co'o ga i na vu'u ni oqu yaca. ¹⁸ Ia e na maqa ni rusa e tila a omudou drau ni ulu. ¹⁹ Mai na omudou vosota ena bula ina a yalomudou. ²⁰ Ni mudou sa igavia ni sa bu'u a druadrua mai Jeruselemi mai ve edra a matai valu esa, dou sa ila ina ni sa qai volea a ena ca sara. ²¹ ME qai vuv i na vi ulunivaua o dra sa notu i Jitia, ia o odra sa notu i na oro levu ana medra ubutani mai tuba, iao odra e vavolitia me dra ua ni curu i loma. ²² Ni sa gauna ni visausaumi ai, me vala ina a a tauco'o ma sa volai tu. ²³ Ia ena ca ve edra sa buete, ei edra e vivasucumi no i na gauna ana! Ni na ca valevu sara a vanua, e dra ni Civoti valevu o dra a tamata ai. ²⁴ E dra na mavatei i nai seleiwau, edra na di vabobula i na vivanua, e dra na butui Jeruselemi sobu o dra a vimatanitu, me yaco oia ni sa vavatuanatai a odra gauna a ai matanitu tani. ²⁵ Ena qai tu ai vatailaila e so ina mata ni siga ci na vula ei na vi aloalo, ei na vuravura, e dra na taqaya qa vilecayai i na vu'u ni waidui vata ei na uwalelevu. ²⁶ A tamata edra na aniyatedra ina rere, ni dra sa warainia a vi a sa volea ni yaco i vuravura, ni na vitosoyai a vi a ni lomagi ^{28 27} Ia ni sa teivu me yaco a via ai, dou ta cae, qa vagalegalei emudou ni sa qai volea mai a omudou vabulai." ²⁹ Sa qai aya ve edra o Jisu edua a vosa vatautauvata, "Igavia a vuni lolo ei edra a vuni acu. ³⁰ Ni sa lavouvou maia ena drau, dou sa rawa ni igavia qa ila vai emudou ni sa voka a vula i ata'ata. ³¹ E ga leqa ina, ni mudou sa une ni sa yaco a vi a ai dou sa ila sa velea a matanitu ni Alou. ³² Au sa aya vaidina re emudou, ni se bere mada ni reva ai taba tamata ai, ena vala mada i mada a a tauco'o ai. ³³ E na reva o lomalagi ei varavura ia a oqu vosa ena maqa ni taqusi tani rawa. ³⁴ Ia dou qaqarauni, de dua a siga sa na bibi ina a yalomudou ina dau ana ei na dau mateni ei na loma o caoca i na vi a ni bula ai, qai yaco vaidacala ina ve emudou a siga ana me tautau vata e dua ai cori. ³⁵ ni na yaco mai ve edra co'o e bula tu i vuravura ai. ³⁶ Mudou qai yadrayadravai no, qa masu me mudou vakaukauwatai me rawa ni doco ubu tani mai i na vi a tauco'o sa volea ni yaco qa rawa ni mudou tu i na mata ni Luve ni Tamata." ³⁷ I na vi siga o Jisu e dau vivalici i na vale ni soro, ia i na vitaranavi sa dau lao ina uluni vanua sa vauacani a ulunivanua ni vi dive qa tuina ina bogi tauco'o. ³⁸ Qa dra qai dau tao taucoo mai a tamata ni viroaroa i na vale ni soro medra rogoi eya.