¹ Sa ysco ni dua a siga ana, ni sa vavulici edra no a tamata o Jisu i na vale ni soro, qa vunautainia ai tu'utu'u re, edra sa qai lai mai a bete levu, ei edra a vunivola, vata ei edra a qase, ² a dra sa qai tarogi eya, qa dra aya, "Aya mai ve eitou se kaukauwa cava o vele'e rawa ina a a ai, se o cei o oya e ma solia ve io a kaukauwa ai?" ³ sa qai vosa o oya, qa aya ve edra, "Au na tarogi emudou leqa ga i na dua a a, ia mudou aya mai vei au: ⁴ A papitaiso i Joni sa vu mai lomagi, se vu mai na tamta? ⁵ Dra sa qai vivosai vai edra, qa dra aya, "E da aya, "Mai lomalagi, ena qa aya, Ia a cava mudou maqa ni vabauti eya ina? ⁶ Ia eda na aya, mai na tamata, edra na qai virilai ni eda i na vatu a dra tauco'o a tamata ni dra sa vadinatia ni sa parofita o Joni. ⁷ E dra sa qai aya, ni dra maqa ni ila si sa vu mai vei. ⁸ Sa qai aya ve edra o Jisu, Au na maqa leqa ga niu aya se sa vu mai vei a kaukauwa au velee rawa ina a a ai. ⁹ Sa aya o oya a vosa vatautauvata ai, sa dua a tamata e lea e dua a were ni vaini, qa lisitainia ve edra seo ai vatawa ni were, sa qai lao ina vanua tani qa lai notu vabalavu ina. ¹⁰ Ia ni sa yaco a ena gauna, sa tala o oya e dua a tamata ve edra a vatawa ni were, me dra solia ve eya e so a vua ni vaini, dre sa warolai ni ni eya odra ai vatawa ni were, qa dra vatala tani wale. ¹¹ Sa qai tala leqa e dua a tamata ca'aca'a, qa dra warolai ni eya leqa qa dra vamaduatai nia qa vatalai eya lala leqa waqe. ¹² Sa qai tala leqa a e nai a tolu, o oya, dra sa qai vamauotainia leqa qa dra uti eya tani waqe. ¹³ Sa qai aya a tau ei ni were ni vaini, "A cava meu velee? Au na tala a oqu gone vamareqeti: e dra na doai eya bea ni dra sa igavia. ¹⁴ Ia ni dra sa igavia ai vatawa ni were, e dra sa qai vivosai vai edra, qa dra aya, o oya ai ena enaitau ei mai muri, tou vamate qa me oda a vanua. ¹⁵ Dra sa qai bilirai ni eya i dau ni were ni vaini qa dra vamate. A cava b ea ena qai velee ve edra o oya ai tau ei ni were ni vaini? ¹⁶ E na lao mai qa vamatei edra ai vatawa ni were ari, qa solia a were ni vaini vei so leqa. Ia ni dra sa rogo, e dra sa aya, "Me ua ga!" ¹⁷ Sa qai vaigavi edra o oya, qa aya, "A cava ai balebale ni a sa volai, A batu edra sa catia a dau tara vale, sa qai yaco mei vadei i na tutu ni vale?" ¹⁸ O oya va yadua ena lutu i na vatu ana a a vuruvuru vamatalalai. ia o oya ena lutuia ena dasila. ¹⁹ Ia odra a vuni vola ei edra a bete levu edra saga me dra tarai eye i na gauna vata ana, ni dra ila ni aya a vosa vaibaleble ana me baleti edra, ia e dra qai rerevai ni edra a tamata. ²⁰ Dra sa vadievi eya rare, qa dra tala e so a yamata me dra tautauvata a tamata yalo dodonu, me dra igavia eso a cala i na ona vosa, me rawa ni dra soli waqe ina ve eya a dou ni lawa qa ve eya a kouana. ²¹ Dra qai vosa qa aya, "Oi mami sa ila ni sa vosa qa vavuvuli va dodonu, qa miau maqa ni auwai i na tutu oi dua, qa miau vata vuvuli tainia a dina ni a e gutia a Alou. ²² Sa tara meda soli vacavacava ve eya a Alou se maqa?" ²³ Ia o Jisu sa ila a odra lawai, qa aya ve edra, ²⁴ "varaitainia mai vei au e dua a pene, A mata i cei, ei na yaca i cei sa volai tu ina?" Dra sa qai aya, "A oi Sisa." ²⁵ Sa qai aya ve edra, "Soha vei Sisa a a sa oi Sisa, qa soli ve eya a Alou a a e ona a Alou." ²⁶ E dra maqa ui igavia rawa e dua a cala i na a e aya i na odra mata taucoo a tamata, qa dra urabui i na vuu ni sau ni taro, qa dra maqa ni aya rawa e dua a a. ²⁷ Qa so ai lala oi Setoi e dra lao mai ve eya e dra dau aya ni maqa a tucae leqa mai na mate, ²⁸ e dra vosa ve eya, qa dra aya, "vavuvuli, o Mosese ma vola ve eda, e dua a tamata vawati e mate qa maqa luvena, me cur ina o tuwa ana se tacina me va'awa ina ²⁹ Ia e dru notu e le vitu a vitacini. E vawati a e na i matai mate ia e maqa a luvena. ³⁰ E ga leqa ina a ena i arua, ³¹ qa tauri eya a enai atolu, qa mataqali vata ga ana o odru a le vitu, e dru mate tauco'o qa maqa a luvedru. ³² Sa qai mate ga leqa i muri o lewa. ³³ I ni dru sa tu cae leqa mai na mate, o cei e na watina ve edru ari ni dru ma watina co'o co'o?" ³⁴ Sa qai aya ve edra o Jisu, o dra a gone ni vuravura ai e dra vawati qa vimusumusui tai medra vawati. ³⁵ Ia o odra edra vabau me dra yaga me odra a bula ana, ei na tucae leqa mai na mate, edr na maqa ni vawati se vimusumusui tai me dra vawati. ³⁶ qa dra na maqa ni mate rawa leqa, ni dra na tautauvata ei edra a agilosi, ni dra sa luve ni Alou, ni dra sa luve ni tu cae leqa mai na mate. ³⁷ Ia o dra sa mate ni dra sa tu cae leqa, ia o Mosese mada ga e varaitania, ina vanua e vatautau vata tainia i na vi acuacu, i na vanua e tarogi eya ina me Turaga a Alou i Eparaama, ei na Alou i Aisake, ei na Alou i Jekope. ³⁸ o oya e maqa ni Alou odra a mate, a odra ga edra sa bula no, ni dra sa bula tauco'o ga ve eya. ³⁹ Sa qai vosa eso a vunivola qa aya, totoa a vamacala vavuvuli! ⁴⁰ E maqa leqa ni dua e qai mata tarogia e dua a taro. ⁴¹ Sa qai aya ve edra o Jisu, e dra qai aya vacava ni sa luve i Tevita a Karisito? ⁴² O Tevita mada ga e aya i nei vela ni same, sa aya o Jiova ve eya a oqu Turaga, Mo notu i na oqei liga i matau, ⁴³ meu vamalumalumutai ni edra mada a omu meca mei tutu ni omula!" ⁴⁴ Mi sa taro ve eye Turaga! Me qai luvena vacava?" ⁴⁵ Na gauna dra sa varoroga tauco'o tu ina a tamata, sa qai aya ve edru a tisaipeli o Jisu, ⁴⁶ "Dou qarauni emudou mai ve edra a vunivola, dra dau guria me dra lao voli i nai sulu balavu, qa dra gutia me dra idavai i na vanua ni vivoli ei nai nono ni qase ei na vi vale ni lotu, ei nai nono vaturaga i na ana vata ⁴⁷ E dra dau ocovia a odra i yau a yada, dra dau qai masu balavu me vivaaisini, o odra ai edra na civeti valevu cae.