¹ Ni sa curu waqe o Jisu me sivi i Jeriko. ² Igouvia mo no tu ina e dua a tamata a ona yaca o Sakiusa. E turaga ve edra a dau soqoni vacavacava qai vutuniyau. ³ Qai mata igavia se o cei o Jisu, ia e maqa ni rawa veleti edra a lelevu, baleta ni sa rui tamata lealea. ⁴ Sa qai oou i mada o oya me lai aba i na dua a vuni lolo me rawa ni igavi eya, baleta ni ea varau tavali mai ene o Jisu ⁵ Ni sa yaco mai ene, sa qai iga cae qa. aya ve eya, "Sakiusa mo siro sobu mai, niu na notu i na omu vale ni i ua" ⁶ Sa qai siro totolo mai qa tavai ni eya i na yalo e marau. ⁷ Ni dra sa igavia a ai, dra sa qai vasa udru'udru,, qa dra aya, "O oya sa lao me sotavi eya a tamata i valavala ca." ⁸ Sa qai tucae o Sakiusa qa aya ve eya a Turaga, "Igavia Turaga a vi mama ni oqa a tauco'o au sa solia i na dravudravua, ia eu lawaitai ni dua i na dua a a, au na va vatainia lesu leqa a ena levu ve eya me ena i sosomi." ⁹ Sa qai aya ve eya o Jisu, "Niu a sa yaco a bula i na vale ai, beleta ni o oya leqa ga ai leive i Eparama. ¹⁰ Ni sa lao mai a luve ni tamata me va igavia qa vabula a tamata sa reva." ¹¹ Ni dra sa rogo a a taucoo ai, sa qai tomania a ona vosa, qa aya aedua a vosa vatautauvata, baleta ni sa volea i Jeruselemi, qa dra nanumia ni na basia mai vasauri a matanitu ni Alou. ¹² O oya ai sa qai aya ina o oya, "sa dua a turaga sa lao i na dua a vanua yawa, me buli me tui, me qai lesu leqa mai ¹³ Sa qai tarogi edra ma a ona tamata ca'a ca'a e le tini, qa solia ve edra e tini a paudi, qa aya ve edru, "Dou veliveli no me yacovia a oqu lesu leqa mai. ¹⁴ Ia o odra a ona lewe ni oro edra sa cati eya, qa dra tala mata me dra muri eya, qa dra aya, "io mami maqa ni gutia a tamata ai me mai liutai ni eimami." ¹⁵ Ni sa yaco a gauna me lesu leqa mai ni sa buli me tui, sa varotia me dra lao mai a ona taiuata ma solia ve edra ai lavo, me rawa ni ila se sa ana i vei a ena tubu ni viveli edra velee. ¹⁶ Sa qai lao mai a ena matai, qa aye, "Turaga au sa rawatia leqa e tini mai na dua a paudi ma soli vei au. ¹⁷ Sa qai aya ve eya a ona turaga, "Vinaa valevu, tamata re. Ni o sa dina no a lailai sara, o na lewa a oro e tini." ¹⁸ Sa qai lao mai a e nai arua qa aya, "Turaga au sa ratatia leqa e lima mai na dua a paudi ana." ¹⁹ Sa qai aya ve eya a ona turaga, "O io na lewa e lima oro. ²⁰ Sa qai lao leqa mai e dua qa aya, "Turaga, I ai a omu paudi au ma maroro no va re i na dua ai tavoi, ²¹ niu ma rerevai ni e miau, ni miau sa rui tamata dredre. Miau sa tari cae a a e miau, ma maqa ni biutia ina, qa miau tamusuia a a e miau maqa ni aburainia." ²² Sa qai aya a o na turaga, "Mai na na omu vosa ga, au na lewai io ina, tamata ca. O sa ila niu tari cae a a au maqa ni biutia ina, qau tamusuia a a au ma qa ni aburainia. ²³ Ia qa cavao maqa ni biutia ina i na baqe ai lavo, niu lesu mai sa rawa niu rawatia leqa mai ina e so a ena tubu? ²⁴ Sa aya a ona turaga ve edra edra tu vata tu, dia tani mai ve eya ai lavo qa colia ve eya sa tu ve eya e tini a paudi." ²⁵ Dra sa qai aya ve eya, " Turaga sa mada ga ve eya e tini a paudi! ²⁶ Au sa qya ve emudou, o oya va yadua sa tu ve eya a 'a ena soli teqa valevu ve eya, ia o oya e maqa ve eya ena qai di tani leqa mai ve eya a a sa tu ve eya. ²⁷ Ia o dra a equ meca e dra maqe ni guti au meu lewai edra, di edra mai qa vamatei edra i na oqu mata. ²⁸ Ni so vosa o ti ve ai o oya, sa qai lao waqe, qa lao i Jeruselemi. ²⁹ Ni sa toro volea waqe o oya i Pecifaki ei Pecami i na ulunivanua sa vato ai ina vi olive, sa tala edru le rua a ona tisaipeli, ³⁰ qa aya, "Mudru lao i na oro lailai i mada ari. Ni mudru sa curu in a, mudru na igavia ina e dua a luve ni asa sa vesu tu, ia e se maqa ni bau vodoi vadua. Dru sereia qa mudru dia mai. ³¹ Ni sa dua e tarogi e mudrua, "A cava vuna e mudru sereia ina? Aya ve eya, "Sa yaga ve eya a Turaga!" ³² Ni dru sa lao waqe o dru ma talai dru sa qai lai sota via a a me tautauvata ga a a ma aya ve eddru o oya. ³³ Ni dru ma sa sere ia no, sa qai taro mai a enai tau ei, "A cava mudru sereia ina a luve ni asa? ³⁴ Dru qai saumia, "Sa yaga ve eya a Turaga." ³⁵ Dru sa qai dia mai vei Jisu, dru qai tevuia a odru i sulu i na dela ni asa qa dru va vodoi Jisu ina. ³⁶ Ia ni sa lao tu waqe o oya, dra sa qai tevuia a oldra i sulu i na salevu. ³⁷ Ia ni volea mai o oya i na vanua e no tu ina a salevu e gele sobu i na ulunivanua ni vi olive, dra sa qai uwe ina marau o odra taucoo ai soqosoqo va tisaipeli ni dra sa va vinaoinaa tainia a Alou i na domo levu i na vuu ni caacaa mana edra sa une. ³⁸ Dra ela vainia, "Sa Alougata a Tui sa lao mai i na yaca ni Turaga! me tu mai lomalagi a vacegu ei na lagilagi i na yasana i cae sara!" ³⁹ Ia e so ve edra a farisi i na edra lomaloma a lelevu, e dra sa oya vei Jisu, "Vavuvali vosatai ni edra a omu tisaipeli!" ⁴⁰ Sa qai vosa o oya qa aya, "Edra na varorogo, edra na qai qoqolou mai a vatu. ⁴¹ Ia ni sa volea mai i Jerusalemi o Jisu sa qai i gavia a oro, qa tagi cai nia. ⁴² Qa aya, e o ila wale ga a siga ni ua, o io mada ga, a a e na dia mai ve io a vacegu! Qai leqa ni dra vunitai tu i na omu mata. ⁴³ Ni na yaco mai a siga, ena viribaiti io ina o dra a omu meca, qa buu druadrua qa sogolati io ina vi yasana. ⁴⁴ Qa dra na bi uh io subu ira, ei e dra a luvemu i na edra maliwa, qa maqa ni na vo ve io a vivatu me vitaqataqai, ni o sa maqa ni ila a gauna o sa laevi ina. ⁴⁵ Sa qai curu o oya i na vale ni sori, qa teiuu me uti edra tani a vi voli tu ina ⁴⁶ Sa qai aya ve edra, "Sa volai, sa vale ni musu a oqu vale: ia dou sa velee me odra qara a dau buta o. ⁴⁷ I na visiga sa dau vavuvuli voli i na vale ni soro. Ia o dra a bete levu ei edra a vunivola vata ei edra a turaga e dra saga no medra va matei eya, ⁴⁸ Ia edra maqa ni igavia rawa e dua a salevu me dra velee ina, baletia o odra tamata taucoo edra sa rui taleitainia valev u a varorogo ve eya.