¹ Sa qai oya o Jisu vei edru a ona tisaipeli , "Sa dua a tamata vutuniyau, sa notu a ona douniyau qa sa beitai o oya ni dau varevania a ana i yau ² Sa qai acivi oya a tamata vutuniya qa oya ve eya, a cava ai, nu sa mairogo a a e baleti io? Solia mai a omu caaca va dauniyau taucoo, qo sa na maqa ni dou ni yau leqe. ³ Sa qai aya i lomana a dau ni yau ai, "A cava bea meu velee, ni sa dia tani vei au a ogu turaga a oqu caacaa va dou ni yau? Au maqa ni rawa ni dau rawatia a elieli, au madua ni ereere. ⁴ Au sa ila a cava me velee, niu sa lao tani mai na oqu caacaa va dau ni yau, o odra a tamata edra na acivi au na odra vale. ⁵ Sa qai acivi edra yadudua tauco a tamata edra maqa ni Saumia a odra dinau vei oya a ona Turaga, sa qai tarogi oya ma sa matai mai, E vica mada a omu dinau vei oya a omu Turaga. ⁶ Sa qai aya o oya, "E dua a drau ai varauwaiwai. Sa qai aya ve eya, Sa qai aya ve eya, Tauria a omu i vola, qo no vatotolo ira, qa mo vola valimasagavulu. ⁷ Sa qai tarogia leqa e dua, E vica a omu dinau, sa aya, E dua drau ai varau sila, sa qai aya ve eya tauria a omu i vola qo vola va walusagavulu. ⁸ A turaga sa qai varotica a dau ni yau e maqa ni dau caacaa va dodonu, i na vuu ni ona i valavala va vuu, ni dra sa vuu valevu a gone ni vuravura ina a sa baleti edra, qa dra sa vu'u valailai ga a gone ni rarama. ⁹ Au sa oya ve emudou, mo dou voyagatai ni ya e so a weamu'dou i nai yau vavuravura e maqa ni dina; me dra na di emudou ina ni dou na mate ina veinono ei maqa ni oti rawa ¹⁰ O oya sa dina ina vei alalai, e na dina leqa ga ina a levu. ¹¹ Ia e dou maqa ni dina ina i yau e maqa ni dodonu, o cei ena vararavi vei emudou ina vuu ni yau sa dina ¹² E mudou maqa ni dina ina odra i yau a tani, ocei ena solia vei emudou a a sa omudou? ¹³ E maqa ni dua a tamata me qaravia e vua a turaga; ni na catia e dua, qa loma ni ya e dua, se a bitia e dua, qa beci oya e dua. Dou sa maqa ni qaravia rawa a Alou ei nai yau. ¹⁴ Ia a Farisi, e dra sa daulomania a Sede, ni dra sa rogo a a tauco o ai dra sa qai valialiai Jisu. ¹⁵ Sa qai, aya ve edra, "O mudou sa vadonui e mudou ina odra mata a tamata; sa ila a Alou a lomamu-. doui ni sa a ca sara i na mata ni Alou a a e are sara vei edra a tamata. ¹⁶ Sa yaco a gauna i Joni a vunau vei edra a Parofita: mai na gauna a na sa vunautai ina matanitu ni Alou, qa dra sa gu Sara me dra curu ina o odra a tamata taucoo. ¹⁷ Ni sa tawarawa me taali tani o lomalagi ei vuravura, qa dredre me lutu wale e dua a ti i ni vunau sa a lailai sara. ¹⁸ O oya yadua sa biutia a watina, qa lai vawati ei dua leqa, sa dau yalewa; io o oya edru sa veiwatini vata qa sa biutia a watina, sa dauyalewa. ¹⁹ E dua a tamata vutuniyau, sa vaisulu ina i sulu loaloa ei na lineni mata i lalai, qa sa dau marau velevu ina vei siga ²⁰ E dua a tamata dravudravua a ona yacaca o Lasarusa, sa dou vaotori ina matamata ni ona vale, sa robotia o ona gau a vidioso. ²¹ Sa dau garovia me ania a meremere ni magati e lutu mai na ona teveli a tamata vutuniyau: Sa lao leqa ga mai a ori qa dranaicia a ona vidioso. ²² "Na gauna sa mate ina o oya a tamata dravudravua, sa qai di oya a Agilosi ina lomasarei Eparaama. Sa mate leqa ga o oya a vutuniyau qa sa bulu; ²³ qa sa tacae mai etesi, ni sa vararawa tai tu, sa i gavi Eparaama vayawa, ei Lasarusa e lomaserena. ²⁴ Sa qai aci, qa aya I tamaqu Eparaama, lomani au mai, qa talai Lasarusa, me tonisua a vuso ni ona i qaqalo i na wai, me mai valiwaliwa ina a ona meme; niu sa vararawatai ina yameyame ni quto ai ²⁵ Sa aya o Eparama, Na luvequ, na numia nomu rawatia a veiarere nomu bula no. Sa tautau vata leqa ga ina o Lasarusa na vei a ca; ia ni uwa sa qai vacegui i ei o oya, ia o io, o sa vararawatai; ²⁶ i ai leqa ga sa Wavio tainiya a eda maliwa e dua ai eli titobu sara; ia o odra sa mata lao tani ei vei emudou, e dra maqa ni rawatia; ia o odra sa notu mai eri, e dra sa maqa ni lao rawa mai vei eimami. ²⁷ "Sa qai aya o oya, Au vamasuti io ina, tamaqu, mo talai oya ina vale oi tamaqu: ²⁸ E dru lewe lima a taciqu, me lai vasalatai edru, laolao ni dru na lao leqa ga mai ina vanua ni rarawa ai ²⁹ "Sa qai aya ve edru o Epararama, Sa notu ga vei edru o Mosese ei edra a parofita; medru varorogo ga ve edru. ³⁰ Sa qai aya o oya, E maqa tamaqu Eparama; e dua vei edra a mate me lao ve edra, e dru na qai veivutuni; ³¹ Sa qai aya ve edru o Eparama, e dru na maqa ni varorogo vei Mosese ei edru a parofita, e dra na maqa ni varorogo, e sa tu cae e dua mai na mate"