¹ Sa qai aya ve edru a tisaipeli o Jisu, E dredre sara me maqa ni yaco a veivacalai: ia sa na aca sara ve eya, sa va vuna a a ai! ² Sa are cae ve eya me vesu na ona domo e dua a vatu i qaqi levu, qa dai ina wasaliwa, qa a ca ni vacala e dua ve edra a gone lalai ai. ³ Dou igavi emudou vare: e sa i valavala ca a ganemu, varoti oya, e sa vei vutunia vosoti oya. ⁴ E sa valavala ca leqa vei io va vitu ina dua siga, qa vei sau va vitu vei io, "Au sa veivutuni; e dodonu mo ciqomi oya." ⁵ Sa qai aya ve eya Turaga o odru a Apositolo, Valevu tainiya a omu Vabauta," ⁶ Sa qai aya a Turaga, e sa tautau vata a sore ni mosita a omu vabauta, o na aya ina vuni lolo ai, "Mo tacavu tani qo na lai tei i wai dui, e na qai talairawarawa vei io. ⁷ O cei vei emudou, sa dau siviyava a ona tamata se dau vaigavia a ona sipi, me aya ve eya mo lao vatotolo mai qo no ira mo ana? ⁸ E na maqa bea ni aya ve eya, Narautainiya vei au e dua a a meu ania, qo vabeleti tainia a omu i sulu, qo qaravi au me yacovia niu sa ana qa somi oti, qa oti mo na qai ana qa Somi? ⁹ E na vavinavinaa tai oya li a tamata ai se maqa? ni sa vele'e a a sa varoti ve eya? ¹⁰ me tautauvata ina o mudou, ni dou sa vele e a a tauco o sa varoti vei vei emudou, dou aya; Oi tou sa tamata tawayaga: Oi tou sa velee ga a a sa ili ili vei eitou, me oi tou velee. ¹¹ Ni sa lao veana o oya i Jerusalemi, sa lao voli ina loma loma i Samaria ei Kalili. ¹² Ni sa curu waqe i na oro, sa qai sotavia- e tini a tagane vuavua, e dru tu sara tumai va yawa ve edru; ¹³ Dru sa qai aci ena domo i levu qa aya Jisu Turaga mo lomani ei tou mai. ¹⁴ Ni sa igavi edur o oya, qa aya ve eru, dou lao qa varaitai emudou vei oya a bete, ni dru sa loo waqe dru sa qai savasava. ¹⁵ E dua ve edru sa igavia ni sa vabulai, sa qai vui i muri, qa aci i na domolevu, me vacerecerei a Alou. ¹⁶ Sa qai cura sobu ina lai Jisu, qa vavinavinaa tai ni eya. Ia o oya a ai Samaria. ¹⁷ Sa qai aya o Jisu, " e maqa li ni dou lewe tini ma vubulai? qai vei o odru a lewe ciwa. ¹⁸ E maqa leqa ni dua ve edru e lesu mai me mai va vinavinaa tainiya a Alou, vavoga o oya a ai vanuatani ai? ¹⁹ Sa qai aya ve eya, "Tucae qo lao. Sa vabulai io a omu vabauta." ²⁰ Ni sa tarogi oya o odru a Farisi, e na qai yaco mai na gauna cava a matanitu ni Alou, Sa qai Saumia ne edru o Jisu, qa aya, A matanitu ni Alou maqa ni yaco mai me tautauvata a a e varaitai. ²¹ E dra na qaai aya i gavia ai, i gavia ai, se o oya ana! I gavia a matanitu ni Alou e notu vata ga ei io." ²² Sa qai aya ve edru a tisaipeli, E na yaco mai a Siga, dou na gutia mo dou igavia e dua a luve ni tamata, ia dou na maqa ni i gavia. ²³ E dru na qai aya ve emudou, i gavia ai! i gavia ana! dou ua ni lao ina se ovu muri edru. ²⁴ Me tautauvata ga a tibini liva e rarama mai vare, ni cila mai na dua a yasani lomalagi ina dua leqa a ena tutu ni lomalagi, e na tautauva leqa ga ina a luve ni tamata ina o na siga. ²⁵ E na Sotavia mada e levu a dredre o oya, e na qai ritavai oya leqa ga ai tabortamata ai ²⁶ Me tautau vata a mayaco na siga i noa, e na yaco leqa ga ina Siga ni Luve ni Tamata. ²⁷ E dra na ana qa somi qa dra na vamou qadra na soli medra vamau, me yacovia a Siga sa curu ina o Noa ina waqa, qa yaco mai a watuvu qa varusai edra taucoo. ²⁸ E na tautauvata Leqa ei na gauna i Loti, e dra na ana no, edra na Somi, e dra na veivoli, e dra na teitei, qa dr taravale; ²⁹ ia ina Siga e na lao tani mai ina o Loti i Sotoma, sa na qai tou mai lomalagi a buawaqa ei na Sulifure qa varusai edra taucoo. ³⁰ E na tautauvata leqa ga ina a Siga e na basia mai ina a luve ni tamata. ³¹ ina siga ana, o oya sa notu i dela ni vale, qa tu a ona i yau i loma ni vale, me ua ni lao sobu mai me mai dia tani, o oya leqa ga e notu ina were, me ua ni lesu leqa mai. ³² Dou nanumia a Wati Loti ³³ O oya yadua sa sago me maroro a ona bula, e na varevania; ia o oya ena varevania, ena maroro. ³⁴ Au sa aya vei emudou, ina bogi ana e dru na lewe rua dru na notu i nai oto oto; e na ditani e dua qa biu tu mai e dua. ³⁵ e na lewe rua a yalewa dur na qaqi sila; e na ditani e dua, qa notu mai e dua. ³⁶ E lewe rua a tagane e dru na notu i na were; e na di tani e dua, qa notu mai e dua. ³⁷ E dra tarogi oya, "I vei, a Turaga?" Sa qai aya ve edra, "A vanua e notu ina a yogo, e dra na soqoni vata ina ai ikeli.