¹ Ia ni lao ta tu o oya ina ona vale e dua rutaga vei edra io Farisi, me ana madai ina dua a siga ni vacecegu, e dra sa vaigavi eya vamalua. ² Sa igavia, e dua sa tu cae tu na ona tutu e dua tamata sa tauvi eya a buete vatu. ³ Sa qai tarogia o Jisu, ve edra a tamata vu'u me baleta a odra i vavuvuli a Jiu ei na Farisi, "E tara li me ia a vi vabulai ino siga ni vacecegu se maqa?" ⁴ E dra sa varorogo. Sa qai tauri eya cae o Jisu qa vabulai eya, qa vatalai eya tavu. ⁵ Sa qai aya ve edra, "O cei ve emudou e notu a luveria tagane se asa e lutu i loma ni Kiovu ni siga tabu, e na maqa li ni dreti eya mai vatotolo ni siga tabu?" ⁶ E dra maqa ni Saumia rawa a ona taro me baleta a a ai. ⁷ Sa qai aya e dua a vosa vatautau voata o Jisu vei edra a sureti, ni igavi edra ni dra sa digi tainia ai no no vaturaga; ⁸ ni sa sureti io edua na soqo ni vamau, ua ni o no inai nono vaturaga laolao e notu leqa e dua e uwasivi cae mai ve io ve edra ma sureti ⁹ Sa qai lao mai a tamata ma sureti e mudrua, sa qai aya ve emudrua, solia ve eua a tamata ai a vanua ari; o sa na qai madua ni o sa lai notu leqa mai ra sara ¹⁰ ia ni o sa sureti, lao oai notu ga ira, ni sa lao mai o oya ma sureti ia sa na qai rawa ni aya ve io, "Oqu i tau, toso cae," o sa na qai doai mai ve edra sa notu vata ei io i na teveli me dra ana. ¹¹ Ne edra tauco'o edra dau didi edra cae edra na vamalumalumutai, ia o oya e na vamalumalumutai ni eya e na laveti cae. ¹² Sa qai aya leqa ga o Jisu ve eya a turaga ma sureti eya, ni o sa velee a magiti ni vasigalevu, se vataranavi, uwa ni sureti e dra a omu i taoni se tacimu, se o odra a weamu se io odra a vutuniyau, laolao e dra na qai sureti io leqa qo sa na qai Saumi leqa ina ¹³ Ni o sa vala magiti, sureti edra a dravudravua, a loiloi, a gera, a mata bobo. ¹⁴ o na qai vaalougata tai ina, baleta ni dra maqa ni Saumi io rawa. Mo na qai Saumi ga ni dra sa tucae leqa mai na mate o odra a yalododonu. ¹⁵ Sa qai rogo e dua ve edra ma notu vata ei Jisu ina teveli a a ai, ni sa aya ve eya, "Sa alougata o oya sa ania a madrai ina mata ni tu ni Alou!" ¹⁶ Ia sa qai aya o Jisu ve eya; dua a turaga e varoutainia e dua ai vataranavi levu qa sureti edra va lelevu. ¹⁷ ni sa varau oti a vataranavi, sa qai talai edra a ona tamata caacaa me aya ve edra a sureti, mi ou laoma, baleta a a taucoo sa varou tu ai, ¹⁸ Dra saqai vaulubale tauco o . O oya e matai mai e aya ve eya, au mo volia e dua a vanua, qa dodonu meu lai igavia ereere mo vosoti au. ¹⁹ E dua leqa e aya, "Au ma volia e tini a Asa, au sa lao meu lai votovolei edra mada, ereere nia vosoti au. ²⁰ E eua leqa a turaga e aya, Au sa qai vawati, o oya ana au maqa ni lao rawa waqe ina. ²¹ Sa qai mai aya ve eya a ona turaga a tamata caacaa a taucoo ai. ba qai rarawa valevu a turaga ni vale, qa aya ve eya a ona tamata caacaa, lao vatotolo ina vi tamo ni Salevu, ei na ui Saqata ni oro, qa di edra mai a dravudravua, a loiloi, a mata bdoo ei edra a gera ²² Sa qai oya o oya a tamata caacaa, "Miau," a a taucoo o miau ma aya sa vala ia se vo ga a vunua ni no ²³ Sa qai aya turaga ve eya a tamata caacaa, mo lao ina vi tamo ni salevu ei na vi salevu sa viribai, qa tarogi edra medra lao mai, me rawa ni oso a oqu vale. ²⁴ Niu sa aya ve emudou, e na maqa ni dua ve edra ma sureti e na tovolea oqu i vataranavi." ²⁵ E dra sa lelevu sara dra sa lao vata aya sa qai vui ve edra qa aya ²⁶ E dua sa lao mai vei au, qa maqa ni catia a tamana, se tinana se watina se luvena se tuaana, tacina, se ganena se ona bula sara mada o oya, e na maqa ni rawa ni oqu tisaipeli ²⁷ Oi oya leqa ga e maqa ni colatia a ona Kauvelatai, qa muri au e maqa ni rawa ni oqu tisaipeli. ²⁸ Ia ocei vei emudou, e mata tara vale, ena maqa li ni no ira me caacaa tainia a ena i sau, se rautia a a e tu ve eya me vaotia ina se maqa? ²⁹ Laolao ni na qai tara a ena yavu qa maqa ni vaotia, edra na qai valialai eya o odra edra na igavia. ³⁰ dra na qai aya. "A tamata ai e sa taravale qa maqa ni vaotia!" ³¹ SE o cei a tui e lai valutia leqa e dua a tui, e na ma qa lii ni no mada ira se taro vasala se na rawa ni qaqa baleta ni tini ga udolu a ona tamata qa dur sota vata ei dua a tui e ruasagavulu a udolu a ona tamata? ³² E ila ni maqa ni rawatia, e na tala mata ni dra se yawa tu ga mai me ere me dua a salevu me dra vivameojautai ina. ³³ Sa veana ina o oya yadua ve emudou e maqa ni dainia a ona a taucoo ga sa maqa ni rawa ni oqu tisaipeli. ³⁴ A masima e are, lo e sa reva mai na. masima a ena onaona e na qai va onaonatai leqa va cava? ³⁵ Sa na maqa ni yaga i na sosomo se ina i binibini va bulabula ni somo. sa na olotai tani. O oya e tu a ona taliga me rogo ina, e dodonu me rogo sara vare."