¹ I na gauna ana, e so e dra ma aya re ea baleti edra a ai Kaleli ni ma va davea o Pailato a edra dra qa wa'ia vata ina odra i soro. ² Sa qai vosa o Jisu qa oya ve edra, "Dou nanumia ni o dra a ai Kaleli ai e levu cae a odra i valavala ca mai ve idra a vo ni ai Kaleli baleta ni dra lao curumia a vi a rarawa ai? ³ Emaqa, ni u sa aya ve emudou. Ia e mudou maqa ni veivutuni, o mudou na rusa leqa sa tautauvata ei edra. ⁴ Se o dra a le tiniawalu ma obani edra a vale rewa i cae mai Sailoama, dou nanumia ni lev-u cae a odra i valavala ca mai ve edra tamata i Jeruselemi? ⁵ E maqa, au Sa aya. "Ia e maqa ni dou veivutuni dou na rusa leqa ga." ⁶ Sa qai aya a vosa vatatau vata ai o Jisu. "e dua a tamata sa tei i na ona were ni vaini e dua a vu ni lolo sa qai lao mai me igau-ia a ena vua qa maqa ni une rawa e dua. ⁷ Sa qai aya a tamata ana ve eua ai vatawa ni were, "Igavia, sa i a tolu ni yabai ai niu dau lao no mai meu saga meu igavia a vua ni lolo ai qa maqa saraga niu iga via rawa e dua. Musu ia tani. A cava e va lucia ina a sosomo? Sa qai vosa ai vatawa ni were qe aya, "Biutia leqa mada i na yabai ai meu cuitia wavo i mada qa biu ina e so a vabulabula ni so mu. ^{8 9} E na vua ni yabai vau, i asa are, ia e maqa, musu ia tani." ¹⁰ Sa qai vi vavulici o Jisu i na dua a vale ni soro ni siga tabu. ¹¹ Igavia, ma qai notu ina e dua a lewa ma notu ve eya edua a yalo dau vamalumalumutai ni eya sa tauta ni tini a walu a yabai. E varoro tu ga qa maqa ni tu cadra rawa vadodonu. ¹² Ni sa igavi eya o Jisu, sa qai tarogi eya qa aya, "Yalewa osa serei mai na omu dau malumalumu." ¹³ Sa qai taba i eya i na ona liga, vasauri sa qai tucae vadodonu qa va lagilagia a Alou. ¹⁴ Sa qai vosa va civocivo a turaga ni vale ni lotu, ni sa vi vabulai o Jisu i na siga ni vacecegu, qa a ya ve edra a tamata, e ono a siga ni ca'aca'a . Dou lao mai modou vabulai ina, qa maqa i na siga ni va cecegu." ¹⁵ Sa qai vosa ve yea a Turaga qa aya, "A dau vivaaisini dou sa maqa ei i ni dou dui sereia yadua a ona bulumakau ei na ona asa i na siga ni vacecegu mai na ena vale qa lai vasomia? ¹⁶ Ia a lewa ai a luve i Eparaama, sa vesuia o Setani qa sa yacovia mai ai e tiniawalu a yabai, e maqa li i ni dodonu me serei mai nai vesu ai ina siga ui vacecegu? ¹⁷ Ia ni sa aya a vosa ai o oya, edra sa madua tauco'o a ona nisca , qa dra sa marau a le levu i na vu u ni a lagilagi sa vele'e o oya. ¹⁸ Sa qai aya o Jisu, "E na qai vacava a matanitu ni Alou, se u na qai vatautavatatainia ei na cava? ¹⁹ E tautauvata a sore ni mosita e dia e dua a tamata qa lai aburainia i na ona were, sa qai tubu me vuni scu levu, dra sa qai lao mai a manumanu, vua qa dra mai va sova ina ina ena ba" ²⁰ Sa qai aya leqa o oya, "Au na vatoutou vata tainia ina cava a mata ni tu ni Alou? ²¹ E na tautau vata ei na isi sa tari e dua a lewa qa ulia me tolu ai varau ni valawa yacovia ni sa vi wai vare tauco ei na valawa ²² Sa qai lao o Jisu ina vi orooro va valagi eni na vi orooro, ga vi vavulici no ina, qa lao tu veana i Jerusalemi. ²³ E dua sa qai aya ve eya, "Turaga, e dra sa le vica ga a tamata sa vabulai?"j io sa qai aya ve edra. ²⁴ Dou vakaukaua sara mo dou curu i na matamata qi qa; nniu sa aya vei emudou, e na lewe levu edra na vatovolea me dra curumia, qa dra tamu rawatia. ²⁵ ni sa tucae a tauei ni vale, qa loka tainia a taari, o sa na qai tuituba qa tuitui tu i taari qo aya "Turaga, Turaga dolavia a taari me oi mami curu waqe. Sa na qai Saumia o oya qa aya ve cidra, Au maqa ni ilai emudou, Se mudou lao mai vei ²⁶ Dou sa na qai aya, Oimami ma ana qa Somi ina o mu mata, qo sa dau vivavulici leqa ga ve eimomi ina visalevu ²⁷ E na qai aya, " Au sa aua ve emudou au maqa ni ila dou sa lao mai vei, dou lao tani vei au, dou sa dau velee- ai valavala ca." ²⁸ Dou na qai dau tagi qa vasequruquru bati ni dou sa igvavi Eparama, Aisake, ei Jekope ei edra Taucoo a Parofita i na matanitu ni Alou, ia o mudou sa na olo tai tani i tuba ²⁹ Edra sa na qai lao mai o odra mai na tui cae, mai na va, mai na toalau, ei na ceva, qa dia na no sobu ina odra i nono ina ana vata i na matanitu ni Alou. ³⁰ Dou igavia, e so sa muri edra na matai, e so leqa ga e dra na matai e dra na qai muri. ³¹ Ni oti ga ana, ma dra qai lao mai e so a Farisi qa dra aya a eya, "Lao, qo lao tani eri baleta o Eroti sa mata ramatei io." ³² Sa qai aya, o Jisu, "lao qo lai aya ve eya a fokisiana." Ogavoa. ai sa utia tani a tevoro, qau sa vi vabulai ni ua qa ni mataa, qa Sigatarava, nai a tolu ni siga au na vaetia a a e dodonu me vala. ³³ Sa iliili, qa are vei au meu tomania tu ga ni ua ni mataa qa Siga tarava, ni sa dredre me mate e dua a parofita mai na dua a oro tani mai Jerusalemi ga. ³⁴ Isa! Jerusalemi, Jerusalemi, o io sa vamatei e dra a parofita aa virii e dra i na vatu o odra ma talai waqe ve io. e levu a siga au mata vasoqoni edra vata a luvemu me tautauvata a tina ni toa ni dau ovia a luvena ina ona tabataba, io o mudou maqa ni gutia. ³⁵ Igavia, a omu vale sa lalatu, Au sa aya veio, oi o ona maqa leqa ni igavi au, me yaco via a siga dou na qai aya ina "Sa alougata oya sa lao mai ina yaca ni turaga."