¹ Ai matai ni vei yalayalati ma vayacori matai sai oya ai varo ni lotu ei na vale ni soro vavuravura. ² ni sa varautai tu a vale tabu, na vei matai ni rumu sa tu ina ai tutu ni cina, a teveli ei na madrai dau i gavi sa vato ai me ti ina tabu. ³ Nai arua ni rumu i muri e notu ina a vale tabu, sa vato ai me loqi tabu sara. ⁴ Sa notu ina a miqa koula, ei na ato ni veiyalayalati, qa sa botani a ena tutu na Koula, sa notu ina a bilo koula sa tawa e na mana, e i na titioo leqa ga i Eroni, o oya sa Kubu, ei na vatu raraba ni vei yalayalati. ⁵ Sa notu ga i cae o odru a Jerupi vaiu,u,u,u sa varurugu tainia ai cabocabo ni bulubulu, ia sa a dredre ni uwa me ai tai va yadudua a vei a ai. ⁶ Ia ni sa varautai oti a vei a tau coo ai, dra sa qai curu o odra a bete ino veisiga ina i matai ni vale tabu, qa vala ina a lotu. ⁷ Ia sa curu na ena i arua a bete levu duaduaga, qa me vadua ga na dua a yabai, qa dia a dra, qa vcaboria ina vuuna, ei na vuu dra leqa ga a tamata sa vacala. ⁸ Ni sa vataila a Yalotabu, a vei a ai, ni sa maqa ni varaitai mai na sala ina loqi tabu, ina gauna se tu ina a vale tabu i mada. ⁹ Sa ena i vataaraara wale ga ari, qa yacovia a gauna ai, qa sa vacabori ina ai madrali ei na i soro, o oya sa maqa ni vasavasa tai rawa a ona lewa e loma o oya sa mai lotu. ¹⁰ Ni dra sa awai tainia ga a magita, a ani somi, ei na vuivui e levu, e i na veivaro va vuravura, sa lesi me yaco mada a gauna ni vei vadodonutai. ¹¹ Ni sa lao mai a Karisito, a bete levu ni vei a rere sa notu ina sa curumia a vei a cecere qa vei a rere ina valetabu, o oya sa maqa ni caa ina liga, a a e aya, ni sa maqa ni caa me tautau vata ina. ¹² Sa amqa leqa ga ina dra ni me ei na luve ni bulumakau, ina o dra dra ga sa curu vadua ina loqi tabu sara, ni sa rawatia me solia a bula tawa mudu. ¹³ Ia a dra ni me ei na bulumakau ei na dravusa ni bulumakau yalewa sa ureitai vei edra sa dukadukali me savasava ina a odra gau. ¹⁴ E na vavica vata tai, me qai dra i Karisito, o oya sa vacabori oya ve yea a Alou ina vuu ni yalotabu tawa mudu qa maqa ve eya a ca, e na maqa ni rawarawa sara me vui tani ina a omudou lewa e lama mai na caacaa sa a ni mate, mo dou qarava a Alou bula? ¹⁵ Sa ena i balebale, o oya sa dautataro ina veiyalayalati vou, vei e dra sa acivi me dra ciqomia ai yalayala tawamudu, sa yalatai ina vuu ni ona mate, mei soro ni vala valaca sa caa oti ina gauna ni veiyalayalati matai. ¹⁶ Ia e sa dua a veiyalayalati, sa yaga, me mate o oya sa velee a veiyalayalati. ¹⁷ Ni sa mate, sa vataudeitai ina a veiyalayalati. Ia sa maqa ni yaga valailai ni sa bula no o oya sa veiyalayalati. ¹⁸ O oya ai sa maqa ina ni vatabui wale a veiyalayalati sa vala i mada, sa caa ga ina dra. ¹⁹ Ni sa cavutia oti o Mosese, ai vavuvuli taucoo ni vunau vei edra taucoo a tamata, sa qai diya o oya a ena dra a luve ni bulumakau ei na em, ei na wai ei na vuti ni sipi sa vadamudamutai, ei na isopa, qa ureitai in ai vola, vei edra tauco leqaga a tamata. ²⁰ Sa qai aya iyai a dra ni viyalayati sa velee vei emdou a Alou. ²¹ Sa ureitainia leqa ga ina a dra ina vale tabu, ei na bilo taucoo ni lotu. ²² Ia e vica a a e maqa ni vasavasava tai ina dra me tautauvata a vunau, e tautauvata ni maqa ni vadavei a dra, sa maqa ni booci ai valavala ca. ²³ Ia sa dodonu ina me vasavasavatai ai vataaraara ni vei a mai lomalagi i na vei a ai, ia a vei a dina sa valomalagi sa vasasavatai i na i soro e uasivi cae vei edra. ²⁴ E maqa ni curu a Karisito ina loqi tabu sa caa ina liga, iyari sai vataaraara ga ni a dina, sa curu ina lomalagi dina, me basia ni uwa ina mata ni Alou, ina vuuda. ²⁵ sa maqa leqaga ni vacabori iya va levu, me taitauvata sa curu a bete levu i na loqi tabu i na viyabai, qa dia a dra ni a tani. ²⁶ ia e sa veana e sa dodonu me mate va levu mai nai vateivu ei vuravura, sa qai varaitai vadua o oya e nai vata oti oit ni gauna sa louci me dia tani ai valavala ca ni sa vacabori eya. ²⁷ Ia me tautauvata sa lesi me mate va yadua o odra a tamata, qa me qai muri a siga ni lewa, ²⁸ sa vacabori va dua ga leqa ina a Karisito me civoti i navuu ni valavala ca ni lewe levu, e na qai basia mai varua o oya ve edra sa warai ni eya me dra bula, ia ena maqa ga mei soro.