¹ Ai balebale ni vei a oimami aya ai, e notu e dua a oimami bete levu, o oya e notu ina i na liga i matau ni nono i oya sa levu mai lomalagi. ² Ai talatala ina ti ina rabu ei na vale tabu, dina, sa maqa ni tara ina tamata me tari a turaga. ³ Ni dra sa lesi taucoo a bete levu me vacaboria ai madrali ei nai soro, o oya ai sa dodonu leqa ga ina ve oya a bete levu ai, me vacacaboria e dua a a. ⁴ Ia e tautauvota e notu ga i vura vura o oya, e na maqa ni bete, e na notu a bete ena vacabora ai madrali. me tautau vata ai vunau. ⁵ O odra sa velee ai vataaraara ei na i yalayalo ni vei a valomalagi, me tautauvata sa vataila vei mosese a Alou. Ni sa volea ni tara a vale tabu, qa aya, igavia mo velee a a taucoo me vatautauvata ei na i vataaraara ma vataila i ve io ina ulunivanua. ⁶ Ia a ona caacaa vabete sa are sara vaoti, me tautauva ni dau tataro leqa ga o oya ina dua a veiyalayalati e are cae o oya sa vataudeitai ina vosa ni yalayala. ⁷ E sa are ari, sa na maqa ni vaigavia leqa e dua. ⁸ Iya a Alou sa igavia a odra malumalumu a tamata qa aya "Sa yaco mai a siga, sa vosa o Jiova, 'Au ua velee ina a viyalayalati vou ve edra a mataqali oi Isireli ei na mataqali ei Juta. ⁹ E na maqa ni tautauvata a viyalayalati au ma velee ve edra a qase. Ina siga au ma tauria ina a odra liga me labeni edra mai ina vanua o Ijipita. Ni ma dra maqa ni tudei i na oqu viyalayalati au qai vui tani mai, ve edra," Sa aya a Turaga. ¹⁰ A sa aya o Jiova "Sa ve ai a viyalayalati au na velee ve edra a mataqali ei Isireli ni sa oti a gauna ana. Au na tugana a oqu i vunau i na lomadra. Ia au na yalo me o dra Alou, Ia edra na yaco me oqu tamata. ¹¹ Ia edra na maqa ni vavuliei edra yadudua me ona lewe ni oro ei edra a we a dra qa aya "Mo ila a Turaga, ni dra na ilai au taucoo ga o odra sa tamata lalai ei edra ga leqa sa Turaga. ¹² Niu na vosotia a odra caa cala qau na maqa ni nanu mia leqa o odra i valavala ca. ¹³ Ni vatoai a viyalayalati ai me "Vou" Sa vase yavutai ma o oya i mada ia o oya sa seavu waqe sa an yaco me na reva sara waqe.