¹ Ia a Melikiseteki ai sa tai selemi, a bete ni Alou cecere sara, sa tavaini Eparama ru sa lesu leqa mai ina ona ravati edra a tui, sa vosavaalouratatai ni yea. ² Sa solia leqaga ve eya a Eparama ai katini ni a taucoo ga:(ai balebale ni ona yaca a tui ni valavala dodonu, la ona yaca leqa ga i mada a Tui selemi, a enai balebale a Tui ni veivacegui. ³ E maqa ni aitai a tamana, se tinana, se ona mataqali, sa maqa ni vateivu a ona gauna, se oti a ona bula, sa vala me tautauvata a Luve ni Alou) sa notu ga me bete qa maqa ni mudu. ⁴ Dou vaasamatainia a ena uasivi a tamata ai, ni sa solia ve eya o Eparama a turaga qase ai katini ni amunaga sa to itainia. ⁵ E sa dina ve edra a lavei Livai, o dra sa bete, ni sa varoti ve edra mai na i vunau, medra vaisigana mai ve edra edra a tamata io, mai ve edra a weadra, ia sa dina ga ni dra sa lao mai i na awa i Eparaama. ⁶ ia o oya ai vaisigana mai vei Eparaama, e sa maqa ni wili vata ei na ona mataqali, sa vasavaalougatatai ni eya qa aitai ina a yalayala. ⁷ Ia sa maqa ni vatitiqatai rawa ai, ni o oya sa lailai sobu sa vosa vaalougatatai mai ve eya sa levu cae mai ve edru. ⁸ Ia e dua a e nai walewale, ai katini dau soqoni mai i na tamata sa amte, ia qa dua leqa a enai walewale, mai ve eya e vadinadinatai ni bula no ⁹ Io e tara meu vosa ve ana, o Livai ga leqa o oya sa dau tari ai sigana, e dru sa solia ei Eparaama ai sigana, ¹⁰ ni sa bere ni sucu o oya ni sa tavai ni Melikiseteki o tamana. ¹¹ Ia e sa rawa me dra a re sara i na vuu ni caacaa ni bete va Livai (vu sa aitai vata eya a vunau ve edra a tamata) e na yaga vacava me tubu e dua leqa a bete me tautauvata ai valavala i Melikisiteki, qa me maqa ni votai me tautauvata ai valavala i Eroni? ¹² Ia ni saqai vai so somitai a bete, sa dodonu sara me vaieosomitai ga leqa a vunau. ¹³ Ia o oya sa aitai ve ai, sa dua tomi a ona yavusa, se maqa ni mai na yavusa ana e se qarava ai cabocabo ni soro. ¹⁴ Ni sa ma cala sara sa tubu mai ve edra a Juta a oda Turaja ia a yavusa ana e maqa ni vosa ina o Mosese me dra bete. ¹⁵ Ia sa macala valevu sara, ni sa tubu e dua tani leqa a bete me tautauvata ei Melikiseteki. ¹⁶ o oya ma lesi qa maqa ni tautauvata a vunau vavuravuna, oya ga e tautauvata a ena mana ni bula tawa mudu. ¹⁷ Ni sa aya o oya, "O io a bete tawa mudu me tautauvata ai valavala i Melikiseteki. ¹⁸ sa dina sa mudu a vunau sa matai ni sa malumalumu qa maqa ni yaga. ¹⁹ ni sa maqa ni a re sera e dua a a e na vuu ni vunau, ia ai nuinui re sa vasavui mai, sa rawa ina me da toro volea ve eya a Alou. ²⁰ Ia e ma maqa, ni maqa a bubului! Ia o odra ana e dra ma bete ni maqa a bubului. ²¹ Ia o oya sa yalo me bete i na vuu ni yalayala ni ma aya ve eya a Alou "Sa bubului a Turaga qa na maqa ni visautania a ena vaasama: 'O io o na bete tawa mudu." ²² sa uasivi cae ve ana a viyalayalati o oya sa enai va dinadina o Jisu. ²³ Ia o odra ari edra lesi me dra bete, edra sa lelevu, ni sa tarovia a odra notu a mate. ²⁴ ia o oya ai sa maqa ni vaisosomutai a ona caacaa va bete, ni sa bula no ga qa tawa mudu. ²⁵ O oya ai sa rawarawa ina ve eya me vabulai edra sara edra sa lao mai ve eya a Alou i na vuuna, ni sa bula no ga o oya me masulai ni edra. ²⁶ Ni sa dodonu me oda e dua a bete sa ve ai sa yalosavasava, sa yalo re, sa maucoona, sa tawase tani maivei edra a tamata i valavala ca, qa sa vala me levu cae ei lomalagi. ²⁷ O oya e maqa ina ni yaga i na visiga, ma vacabonia i mada ai soro ni o nai valavala ca, ia i muri ai soro ni o drai valavala ca a tamata, me tautauvata ei edra a bete levu, ni sa velee ai vaduaga o oya ni sa vacabori eya. ²⁸ Ia sa buli i na vunau a tamata edra sa malumalumu me bete levu ia a luve ni Alou sa vala me are sara qa maqa ni mudu i na bubului sa tarava a vunau.