¹ Ai vunau sai vataaraara ni vei are ena muri mai, ia, qa maqa ni o oya ai yaloyalo dina, qa maqa leqa ga ni rawa in ai soro e dra cab oria no ni vei yabai, me vasavasavatai edra, e dra toso volea vei oya. ² Ia e sa rawa sa maqa li ini mudu a odra vacabori ni dra sa maqa ni beitai no i nai valavala ca o ara sa dausoro, ni dra sa vasasavatai vadua? ³ ia i nai soro ari sa vananumi leqa ina ai valavala ca i ua viyabai. ⁴ Ni sa dredre sara me dia tani ai valavala ca a dra ni bulumakau ei na me. ⁵ O ya ana sa aya ina o oya ni sa lao mai i vuravura. "Ai soro ei nai madrali o sa maqa ni retia, ia o sa varautai nia ga vei au a yago. ⁶ Ai soro kama, ei nai soro ga leqa sa soro vai ina ai valavala ca, o sa maqa ni marau ina. ⁷ Au sa qai aya, "Igavia, au sa lao mai, (Au a velai i nai vela vivigi) meu velee a a o sa retia, a Alou. ⁸ Sa aya i mada o oya, "Ai soro ei nai madrali ei nai soro kama ei nai soro sa sorovai ina ai valavala ca, o sa maqa ni retia, se marautainia, (o oya sa vacabori me tautauvata ai vunau. ⁹ sa qai aya o oya "Igavia au sa lao mai meu velee a a o sa gutia," a Alou. Sa dia tani o oya ai matai, me vacaboria a kenai arua. ¹⁰ Ia eda sa vasasavatai i na vuu ni a lewa ai, e na gau i Jisu Karisito ni sa caboni vadua. ¹¹ Ia o odra taucoo a bete edra tu qa caacaa i na visiga, qa vacaboria ina vigauna ai soro ana sa maqa ni dia tani rawa ai valavala ca. ¹² Ia o oya ni sa vacaboria oti vadua ai soro e dua ga i na vuu ni valavala ca, sa qai no sobu i na liga i matau ni Alou. ¹³ e sa qai warainia no me vala o o dra a ona meca mei tutu ni ona la ¹⁴ Ni sa vacabori vadua ai soro sa velee ina o oya a a taucoo e yaga ve edra sa vasavasavatai no. ¹⁵ Ia sa vadinadina ga leqa ve eda a Yalo Tabu: 10, ni sa aya oti o oya. ¹⁶ "Ai a viyalayalati au na velee ve edra, ni sa oti a gauna ana, sa qai aya a Turaga, Au na tugana a oqu vunau i na yalodra qa vela i na lomadra. ¹⁷ Ia a odra i valavala ca ei na odra talaidredre au na maqa ni nanumia leqa. ¹⁸ Ia e sa boeci a a taucoo ari, sa maqa ni vacabori leqa ai soro ni valavala ca. ¹⁹ O oya ai o mudou a viweani, ni da sa qai doudou rawa me da curu i na loqi tabu sara e na vuu ni dra i Jisu. ²⁰ i na salevu va bula, o oya sa qai vatara ve eda o oya, ia sa a e curu ina ai lati, ari a ona gau. ²¹ qa ni sa dua ga leqa a oda bete levu i na vale ni Alou. ²² me do toro velea waqe i na yalo dina ei na vabauta dina sara, ni sa ureitai tu a oda yalo me da ua ni beitai ni eda i na ca, qa sa va silimi ta a oda gau i na wai mataa. ²³ Meda tauria vare a vatusa ni oda vabauta me kua ni yavala, ni sa yalodina o oya sa yalatainia ²⁴ me da vivananumi vai eda me da vi vaataatai me dau loloma qa valavala re. ²⁵ me da kua ni biutia a vasoqoui vata, me e ai valavala ni tamata e so, me da vi vamasuti no, ia me valevu, ni dou sa igavia sa toro volea mai a siga. ²⁶ Io, e da sai valavala ca qa sa yaloda ina, ni da sa kila oti ai vavuvuli dina, sa qai maqa leqa e dua tani ai soro ni valavala ca. ²⁷ sa ve ga a oda warainia i na rere a siga ni lewa, ei na civo ata ata ga leqa, o oya ari ena ani edra a meca. ²⁸ o oya sa becia ai vunau i Mosese sa mate ga, sa maqa leqa ni lomani, ni sa buitainia ve eya e le rua se le tolu ai vadinadina. ²⁹ Dou vaasa se na enaivei a ena levu cae ni civoti sa dodonu me yalo ve eya, sa butuia a luve ni Alou, e sa va awaletoinia a dra ni viyalayati sa vasavasatai ina qa sa beci eya a yalo ni loloma? ³⁰ Ni da sa ilai eya sa aya, "sa oqu i tavi meu civotia, au na saumia ga." Qa sa aya leqa, "E na lewai edra a ona tamata o Jiova ³¹ sa a rerevai me lutu i na liga ni Alou bula. ³² Ia dou vananumia a visiga i mada, dou sa vararamatai ina qa dou qai vosotia a vivala ina rarawa vai dina. ³³ E so ni dou a va civoti i na vi varara watai, qa so, ni dou ma notu vata ei edra sa veana. ³⁴ Ni dou ma lomani edra ga edra sa vesu tu, qa marau ni sa butaoci a omudou i yau, ni dou sa ila i na loma mudou sa tu ga mai lomalagi a omudou i yau e are cae qa maqa ni na oti rawa. ³⁵ O oya ai mudou qai ua ni biutia a omudou dinatia, ena levua enai sau. ³⁶ Ni sa yaga ve emudou a vosota, mo velee a a sa lewa a Alou, qa me omudou ina a a sa yalatai. ³⁷ Ni na maqa ni yawa, ena qai lao mai o oya, e na lao mia, ia e na maqa ni yawa sara. ³⁸ Ia ena bula a tamata yalododonu i na vabauta. I e sa sua tani leqa, ena maqa reti eya a oqu yalo. ³⁹ Ia o oda, e eda maqa ni tautauvata ei edra sa sua leqa waqe i na rusa, e da sa mataqali vata ga ei edra sa vabautia no me bula a yalo.