¹ Ia a vabauta e tautauvata ni sa vayacori a veia sa vanuinuitai, qa varaitainia a veia e maqa ki igavi. ² Ni o oya ai sa rogo re ina imada o odra a qase. ³ A vabauta eda sa ila ina ni sa caa a veibuli ina vosa ni Alou, ia sa maqa ni caa ina veia sa rairai mai ina vei a sa une. ⁴ Ni sa vabauta sa vacabora ina o Epeli ai soro sa are vei oya a Alou, qa a ca a oi Keni, qa sa rawatia ina ai vadinadina ni sa yalo dodonu, ni sa varaitaini a a Alou ni sa gutia a ona i madrali: ia o a ai sa vosa no ina o oya ni sa mate tu. ⁵ Ni sa vabauta sa diwaqe ina o Inoki qa maqa ni mate; qa dra maqa ni uhei oya, ni sa di oya waqe sa tuga vei oya ai vadina dina ni sa guti oya a Alou. ⁶ Ia e samaqa a vabauta, sa dredre sara meda taleitai, o oya sa toso waqe ve eya a Alou e dodonu me vabauta ni sa bula o oya, ni sa saumi edra leqa ga e dra sa dau vai gavi oya. ⁷ A vabauta o oya sa rere ina o Noa, ni sa vasalatai oya oti a Alou ina veia e sebere ni rairai mai, sa qai taiya e dua a waqa o oya, me vabulai edra ina a ona lewe ni vale; dra sa qai va lewai oya ina a ai vuravura, qa yaco mei tau ei ni veivadonui sa yaco ina a vabauta. ⁸ A babauta sa talairawarawa ina o Eparama, ni sa acivi me lao ina vanua e se bere ni soli ve eya me tauena, qa sa lao waqe, qa maqa ni ila a vanua sa lao ina. ⁹ Ni sa vabautia, qa sa lai no vulagi ina, ina vanua yalatai, ni tautauvata ni maqa ni one, qa notu wale ga ina vei valelaca, o Aisake leqa ga ei Jekope, e dru qai tauena vata leqa ga i muri, a a sa yalatai. ¹⁰ ni sa nuitainia o oya a oro sa tauyavutai, na oro ma tara a Alou qa velee. ¹¹ A vabauta o oya sa vakaukauwa tai Sera ina me uneune tainiya a awa, qa vasucu gone ni sa oti a ena gauna, ni sa nanumia ni sa yalodina o oya, sa yalatai. ¹² O oya sa tubu mai vei oya e ledua, o oya sa mate, e lewe vuqa me tautauvata a vei aloalo ni lomalagi, e tautauvata leqa ga a nuu mai matasara e maqa ni wili rawa. ¹³ Sa mate ina vabauta o odra taucoo ga ai, iya sa maqa ni o dra dina a vei a sa yalotai, e dra sa igaviya vayawa, qa ciqomia, qa ai tai ni edra ni dra sa notu vulagi ga qa veilaoyaivoli ivuravura. ¹⁴ Ia e' odra sa vosa ve ana, e dra sa vataila sara ni dra sa vaigavia a odra vanua. ¹⁵ E dina ga, edra sa nanumia a vanua ana, e dra sa dainiya tani tu, sa rawarawa cae medra lesu leqa ina. ¹⁶ Ia edra sa qai gutia sara e dua a vanua re, o oya me valomalagi: Alou, me vato ai me odra Alou: ni sa tara o oya e dua a oro me odra. ¹⁷ A vabauta, o oya sa vacabori Aisake ina o Eparama, ni sa vatovolei oya a Alou, o oya sa vasatai ino ai yalayala sa vacabori oya ina a luvena e le dua bauga sa va tuburiya. ¹⁸ Ia sa qai aya ve eya a Alou, "Ina awa i Aisake ena vatoai me omu awa. ¹⁹ O Eparama sa vadinatia ni o oya a Alou sa rawa ve eya me vabulai edra mai na mate; ga vataudei tainia a ona vosa, o oya ana sa ciqomi Aisake lesu ina mai na mate. ²⁰ Ni sa vabauta sa vasavaalougata tai Jekope ei Iso ina o Aisake ina vei a e sa bere mai. ²¹ Ni sa vabauta sa vasavaalougata tai edvu ina a luvei Josefa ei Jekope, ni sa volea ni mate; qa sa cuva sobu na ona i titoo. ²² Ni sa vabauta, sa aya ina o Josefa, ni sa volea ni mate, e dra na lao tani o odra a luvei Isireli; sa qai tatau tainia a ona Sui. ²³ Ni sa vabauta, sa vinitai ina o Mosese qa vula tolu mai vei edru a ona qase, na gauna ma sucu ina edru igavia ni sa gone igaigare o oya, a gone, qadru maqa ni rere vainia ina ai varo i oya a tui. ²⁴ Ni sa vabauta na gauna ma tubu cae ina o Mosese, sa qai vatoai ni luvena a luvei fero, a gane yalewa. ²⁵ Ni sa digitai me voso tia a vosa vacacatai vata ei edra a tamata ni Alou, ni sa maqa ni talei tainia me bau marau tainia walega ai valavala ca ena so a siga. ²⁶ ni sa vadinatia ni sai yau levu me vali ali ai ena vuu i Karisito, ia sa a lailai ai yau mai Ijipita: ni sa vaigavia tu a ena i sau. ²⁷ Ni sa vabauta, sa biuti Ijipita ina o oya, qa maqa ni rerevai ni ya a civo i oya a tui, ni sa igavi oya ni sa maqa ni igavi. ²⁸ Ni sa vabauta sa velee ina a ana vata ni lao sivia, ei na va miri i ni dra, me uwa ni tari edra o oya sa vamatei edra a ulumatua. ²⁹ Ni sa vabauta, e dra sa lao ina i loma ni wasawasa damudamu ina loma ni vanua mamaca, ia ni sa vatovolea o odra a ai Ijipita me dra tautauva ei edra qa dra sa luvu. ³⁰ A bavauta sa bale ina a bai mai Jeriko, ni sa buu a druadrua qa bogi vitu. ³¹ Ni sa vabauta, sa maqa ina ni rusa vata ei edra sa maqa ni vabauta o Reapi, a yalewa dautagane, ni sa di edru na veiva cegui o odru a yamata. ³² Ia a cava leqa meu qai aya, Ni maqa ni dua a oqu gauna meu aitai kitioniei Peleki, Jefica ei Tevita ei Samuela, ei edra a Parofita. ³³ ni dra sa vabauta e dra sa vamalumalumutainia, a matanitu e so, e dra sa velee a a e dodonu, edra sa rawatia me odra a vei a sa yalatai, qa dra Sogotia a gusu ni laioni, ³⁴ edra sa booaa a buawaqa rerevai, qa dra sa bula mai nai seleiwau, qa dra vakaukauwa tai ni dra sa malumalumu, e dra sa qaqa ina i valu, qa dra uti e dra ai valu ni ai tani. ³⁵ Sa tauri edra leqa a yalewa e so a ai no dra, ni dra sa tucae leqa mai na mate: ia e so sa vararawatai valevu, qa dra sa vita ga ni bula; me rawa ni are cae ina a odra tucae leqa mai na mate; ³⁶ Ni sa vatovolei e so ina veiva lialiai ei na veivubilai, ei na veivesu leqa ga, ei na dai i vale ni veivesu. ³⁷ E dra sa virilai; e dra sa musui rua, e dra sa vamatei ina i seleiwau; e dra sa veilaoyai voli qa vaisulu ina uli ni sipi ei na uli ni me; ni dra sa dravudravua sara, e dra sa vararawatai, e dra sa vacacani. ³⁸ ni sa maqa ni yaga o odra a ai vuravura me dra notu vata ei edra: edra sa se ina veivanua lala, ina veiulu ni vanua, ei na qara eso, ei na veiqaravatu i vuravura. ³⁹ Ia o odra taucoo e dra sa rogo re ina vuu ni vabauta, ia qa maqa ni odra dina a sa yalatai. ⁴⁰ Ia sa varautainia a Alou vei eda a vei arere me dra uwa ni vavinavinaa tai e cega, me da vavinavinaatai vata ga.