¹ I na vuu ni a ai, ni sa vavolivoliti eda leqa ga a lewe vuqa, sa tautau vata a o sa vaigavi eda, me da dainia tani tu a a bibi taucoo ei na i valavala ca e da taorawarawa ina, qa da ovusia no ga a cere sa notu ina oda mata. ² meda vaigavi Jisu matua, o oya sa teivutainia ena Saumia leqa ga a oda vabauta, o oya, ina vuu ni marau sa tu na ona mata, sa vosotia a Kauvelatai, qa maqa ni madua ni sa valialiai ina, sa qai notu o oya ina lega i matau ni nono vaturaga ni Alou. ³ Dou qai vananumi oya sa vosoti a ni sa vosavacacatai oya valevu o odra a tamata ca, laolao olou na qai oca qa waicala a lomamudou. ⁴ Dou sa maqa ni voratia mo dou vamatei, e na omudou veivala ei nai valavala ca: ⁵ ia dou sa nuidai tainia ai vavuvuli sa vosa vei emudou me tautauvata ei edra a gone, Luvesqu mo uwa ni beca ni sa civoti io o Turaga, se yalowai ni sa vunauci io o oya. ⁶ O oya sa lomania a turaga, sa vavulici oya, sa yaviti edra taucoo a luvena, sa gutia o oya. ⁷ e dou sa civoti, sa qai velee ve emudou a Alou me tautauvata ve edra a luvena; ia o cei a gone sa maqa ni civoti eya o tamana? ⁸ Ia e dou sa maqa ni civoti, sa dau vala ve edra taucoo, dou sa qa tautauvata a gone e maqa ni vatamani, qa maqa ni tautauvata a vevena dina. ⁹ Ia sa dau civeti eda a tamada vayago, ia eda sa dau doa, ena maqa lii ne levu cae a oda talairawarawa ve eya a tama ni yaloda, qa dou na bula ina? ¹⁰ Ia o odra air ma dau civoti eda i na visiga eso me tautauvata edra gutia, ia o oya me bau yaga ve eda, me da tautauvata ei eya inayalosavasava. ¹¹ Ia e maqa ni marautai a vi civoti ni vala no, a a rarawa ga, ia i muri sa qai vuatainia a vua ni yalo dodonu edra sa vacegui ina o odra sa vala ve edra. ¹² o oya ai "mudou qai vakaukauwatainia a liga sa wada mele ei na duru sa malumu. ¹³ vatautauvatatamia a lawe ve ni omudau la, me ua ni tocaqe ina o oya sa gera, me vabulai ga. ¹⁴ Dou saga me mudou vi aretai vata ei edra a tamata coo ga, ei na yalo e savasava, ni sa maqa ni dua ena igavia a Tugaca e maqa ve eya a a ai. ¹⁵ Qa dou qarauni e mudou vare de dua e oba mai na loloma ni Alou, de dua a waa gaga e tubu cae qa vala ina a a rarawa, qa va ulu wuwatai ina a lelevu. ¹⁶ Me ua ni dua a dau dara, se dua sa beca a a tabu, me tautauvata ei Iso, o oya ma velitainia a ona ulumatua ina magiti e dua bau. ¹⁷ Ni dou sa ila sa gutia i muri o oya me vosa va alougatatai ia sa batai ve eya, baleta ni maqa ni une e dua gauna me vivatuni ina, e dina ni ma va wai a ona mata ni ma saga. ¹⁸ Ni dou sa maqa ni lao mai ina ulu ni vanua sa tarai rawa, sa yameyame tu ina a vea ei na o lolo, ei na iloilo, ei na cagi laba, ¹⁹ ei na lologo ni tavui, ei na domo ni vosa, o oya sa ina o dra sa rogo, me ua ni vosatai leqa ve edra, ²⁰ ni dra sa maqa ni vosa rawa qa na sa varoti. E dua a manumanu e yova i va e tara a ulu ni vanua, i na va vini i na vatu. ²¹ sa va domobula dina a vanua ana, qa aya ina o Mosese, "Au sa domobula qa sautanini valevu. ²² Ia dou sa lao mai i na uluni vanua o saioni ga, ei na oro ni Alou bula, i Jeruiselemi valomalagi, ei na odra i soqosoqo a agilosi e maqa ni wili rawa. ²³ ve edra a ulumatua ni soqosoqo lotu o oya sa volai a ona yaca mai lomalagi. O io sa lao mai vei oya a Alou, sa lewai edra taucoo a tamta,a ei na yalodra a tamata yalododonu sa yaco toucoo ina a odra va alou gatatai. ²⁴ vei Jisu leqa ga a dautatara ni vi yalayalati vou, ei na dra sa va miri i , i yari e aya no a are qa sa cavutia a a ca a dra i Epeli. ²⁵ Dou igavia mo dou uwa ni rita ni vosa ve eya. Ia e dra maqa ni ubu bula o odra e dra rita ni vosa ve eya mai vuravura, e dredre valavu cae vei eda, e tautau vata ni da sa vui tani mai ve eya, sa vosa mai lomalagi. ²⁶ Na gauna ana sa yavalatia a vuravura a ona dama, sa qai yalatainia qa aya, "Vadua leqa au na maqa ni yavalati vuravura ga, qo lomalagi leqa ga. ²⁷ Sa qai vosa leqa vadua, leqa sa va raitainiya ni na di tani waqe a vei a sa yavalati, ei na vei a sa caa, me tu dei ina a veia sa maqa ni va yavalati rawa. ²⁸ Ia ni da sa ratwatia a matanitu sa maqa ni va yavalati tawa, me da tauria matua a loloma sa soli, ni dda sa qaravia vare ina a Alou ei na yalomatua ei na rere. ²⁹ Ni sa Alou buawaqa a oda Alou.