¹ Me notu ga a veilomani vaveitaeini. ² Dou uwa ni nuidai tainia mo dou vaani edra a vulagi: e so e va ani edra a Agilosi qa dra maqa tu ni ila. ³ Mo dou nanumi edra edra vesu tu, me tautauvata ni dou sa vesu vata, ei edra leqa ga a valoloma, me tautau vata ni dou sa yago vata. ⁴ Sa iliili vei edra sa tamata taucoo sa va wati, ei nai mocemoce e maqa ni veibutaoci: ia o odra a dau daro edra a Alou. ⁵ Mo dou uwa ni dau o covia a sede: ia dou lomare ina a sa tu vei emu dou ni sa aya o oya. Au na maqa ni biuti io se daini io. ⁶ Ni da sa vosa ina vadoudou me da aya, sa oqu i vuevue a Alou, qau na maqa ni rere, se ena i vei a a edra na vele vei you a tamata? ⁷ Dou nanumia a veiliutai, e dra sa aya vei emudou a veiliutai a vosa ni Alou; dou vamumuriya a odra vabauta, qa nanumia ai oti oti ni odra i valavala. ⁸ Sai oya oya no ga o Jisu Karisito, mai na noa, ni uwa ei na vei siga mai muri. ⁹ Dou uwa ni veidiyainia ai vavuvuli e so sa lao vatani. Ni sa yaga me vataudei tai ina a o da bula ina loloma sa soli, ia me uwa ga ino ana magiti, ni sa maqa ni yaga vei edra sa oga oga in a ¹⁰ Sa dua a oda i cabocabo ni soro, sa maqa ni dodonu me dra ana ina o odra sa qaravia a vale tabu. ¹¹ Ni sa vayavuni i nai bili ni oro a yago ni manumanu ari, sa di a ena dra ina loqi tabu, ve eya a bete levu mei soro ni valavala ca. ¹² O oya ga ai sa mate ina o Jisa ina taudau ni matamata ni oro, me vasavasava tai edra a tamata i na ona dra. ¹³ Ina vuu ni a ai, me da iao ina vei oya inai biii, qa vasotia vata ei oya a vei valialiai. ¹⁴ Ni sa maqa ei a oda oro, me da motu ina vadua, ia eda sa na va igavia ga e dua ena muri mai. ¹⁵ O oya ana meda qai vacaboria no ga ina ai madrali ni veivaaretai ve eya a Alou ina vuuna, i yari a vua ni oda gusu ni da vatusa a ona yaca. ¹⁶ Mo va ni nuidai tainia mo caa re qa wase ve edra e so, ni sa gutia sara a Alou ai madrali. ¹⁷ Dou talairawarawa vei edra sa vei liuta veiemudou, qa dou vamalumalu mutai emudou: ni dra sa yadravia a lomamudou, me tautauvata ei edra sa ai tai ni edra ina, me dra velee ina marau, qa maqa ina vutugu: ni sa maqa ni yaga vei emudou me ve ari. ¹⁸ Dou masulai ei tou, ni tou sa vadinatia ni sa are a oitou lewa i loma, qa tou ila ni sa na are a oitou lewa i loma, qa tou gutia me oitou vala vala dodonu ina a taucoo. ¹⁹ Ia au sa vamamasu me caa ga a, a ai, meu vatotolo tai waqe ina vei emudou. ²⁰ Ia a Alou ni veivacegui, o oya e dia leqa mai a mate ni oda turaga o Jisu Karisito, a o dai vatawa levu ni sipi, ina vuu ni dra sa iya ina a veiyalayalati tawa mudu. ²¹ me vavinavinaatai emudou mada o oya inai valavala re taucoo, mo dou velee a lewa, qa me velee o oya i lomada a are ve eya, in a vuu i Jisu Karisito; me caa ve eya a varooroo sa maqa ni tawa mudu. ²² Ia au sa masuti emudou, a vei weani, mo dou vosotia a vosa ni vei vadreti: niu sa vola vei emudou ai vola, ina vosa e vica wale ga. ²³ Dou ila ni sa marau leqa ga a weada o Timoci; e sa basia va totolo mai o oya, ni oi rua na igavi emudou vata. ²⁴ Au sa lloloma waqe vei emudou taucoo sa veiliutai vei emudou, vei e dra taucoo sa lotu. Sa loloma waqe vei emudou o odra ma Itali. ²⁵ Me rotu vei emudou taucoo a loloma. Emeni.