¹ O oya ai me da qai vo ra ni sa soli tu a rosa ni yalayala me da curu vena onai vacegu, se se maqa bea ni yaco dina ina o emudou. ² Ni sa aitai mai vei e dua a re, mo va'a leqa ga vei edra. Ia sa maqa ni yaga vei edra a vosa sa rpgpca, ni dra sa maqa ni duavata ena vabauta ei edra sa vakarogoca. ³ Ni da sa qai curu vena vavacegu o oda sa vabauta me vaa ga vosa ai: " Ma va'a au a bubului ina ona oqu civo, E dra na maqa sara ni curu vona oqui vavacegu." Ia cadina sa oti ti ca'aca'a ni sa tauyavutai oti o vuravura. ⁴ Ni sa a t'ina sa rosata'a veai o oya vena A vita ni siga. A sa vacegu a Alou mai na ona ca'aca'a tauco'o ga enai a viyu ni siga. ⁵ I ailoqa ga, Edra na maqa sara ni curu vena aqui vavacegu. ⁶ Ia ni sa qai macala me curu ina eso, Ia o odra ina aitai vei edra a rew dra sa maqa ni curu ina ena vu'u ni odra talaidredre. ⁷ A sa qei louca leqa o oya e dua a sega, a sa qai aya o tovita: "Vena siga ai ni sa mai o dua a gauna balavu me va'a sa ainai mo mudou ua ni vakaukauwata'a a yalomudou." ⁸ Io, eva'a sa solia vei edra a vacegu o Josua, ena maqa ni vosata'a leqa o oya e dua tani a siga. ⁹ o oya ai sa vo no e dua a vacegu me odra a tamata ni Alou, ¹⁰ Ia o oya sa curu ina onai vavacegu, sa vacegu mai na onai ca'aca'a me va'a sa vacegua a Alou mai na ona. ¹¹ O oya ai me da qai gumatua sara, me da curu venai vavacegu ana, se bale e dua a tamata ni sa talaidredre va'a ina. ¹² Ni sa bula a rosa ni Alou qai kaukauwa, sa gata valevu sa mucu sara a selewau batinia vena lomada ei na yaloda, ei na oda isema ei na oda uto ni sui, a sa valewa sara a nanuma ei nai nai ni yaloda. ¹³ A sa maga leqa ga ni dua a e maqa ni rairai e matana. Ia sa luvaiwale ga a vola tauco'o qa vavairaitai sara, ena matai eya eda vatusa ina. ¹⁴ Ia ni sadua a oda bete levu, o oya sa ourui lomalagi, o Jisu a luveni Alou, tou tavi matua a oda lotu. ¹⁵ Ni sa maqa ni oda betelevu o oya sa maqa ni lomani eda rawa ni daisa malumalumu. Ia sa dai vevetai vatautauvata vena a tauco'o ana sa maqa ona cala. ¹⁶ Ena vu'u ni a ari tou toro dodonu vonai tiotio vaturaga loloma, eda guti ina, me da lomani leqa ga qa da vuei ena gauna e yaga ina.