¹ Ia o odra a betelevu yadua sa digitai mai vei edra a tamata, sa lesi mai vei eya a Alou ina vuudra a tamata, me vacaboi madoli ei nai soro ina vuu ni valavala ca. ² sa rawarawa ve eya me lomani edra sa sesewa, qa cala; ni sa notu leqa ga vei oya a malumalumu. ³ Ia ina vuu ni a ai, me tautauvata ina vuudra a tamata sa tautau vata leqa ga ina ina vuuna, sa dodonu me vacaboisoro o oya ina vuu ni valavala ca. ⁴ E maqa ni dua sa tauria vai oya a caacaa ni varo oro o ai, o oya ga sa lesi oya a Alou, me tautau vata ei eroni. ⁵ Sa tautau vata leqa ga ina a Karisito sa maqa ni doai oya me mata bete levu: vai oya; ina vuuna ga sa aya ve eya. "O io sa luvequ tagane, o yau sa na Tamamu." ⁶ Me tautau vata leqa ga a on a vosa ina dua leqa a vanua, o io sa na bete tawa mudu, me tautauvata tai Melikeseteki. ⁷ Ina veisiga ni ona notu vatamata, sa qa cabora qa lavetia cae a ona i tuvatuva vuarua ni masu a Karisito qa tagi ina domo levu qa vai wai a ona mata vei oya a Alou, o oya e dodonu me vabulai oya mai na mate, qa sa rogo i ga balete a a sa rerevai ni ya o oya. ⁸ ia sa dina ga sa luvena o oya, qa sa vatavuliki oya ina i valavala ni talairawarawa, me rawa ni vosotia ina a vei a rarawa. ⁹ ia ni va varautai oti vare, sa qai yaco me vunibula tawa mudu vei edra taucoo ga sa talairawarawa vei oya. ¹⁰ sa acivi oya a Alou me betelevu me tautauvata ai valavala i Melikiseteki. ¹¹ E levu a a e vo me tou ai tai Jisu, in a ia sa dredre ga a ena i balebale, ni sa maqa vei emudou a daliga rogo. ¹² Ia na gauna ai sa dodonu mo dou i vavuvuli, sa yaga vei emudu me dua me vavulici emudou leqa ina i vavuvuli ni Alou; sa yaga leqa ga vei emudou a wai ni sucu, qa maqa ina magiti dina. ¹³ Ni sa maqa ni ila vare ai vavuvuli ni veivadonui, o oya ai sa somia wale ga a wa-ni-sucu; ni sa gone lailai ga. ¹⁴ Sa yaga ga vei edra a qase a magiti dina, baleta o odra e dra sa yalomatua, e dra sa ila ai balebale nji a re ei na a ca.