¹ O oya ai, emudou a veiweani yalosavasava, sa tarogi mei tou ei ni a valomalagi, dou nanumia ai Apositolo eina Bete Levu eda sa tusanainia no, i Jisu. ² O oya mo lomodina vei ea sa talai eya, me tautauvata ei Mosese leqa ga ena ona mataqali tauco o. ³ Qa sa dodonu me do ai valevu oya qa me valailai o Mosese, ni sa doai valevu o eya e tara a vale, qa valailai ga a vale. ⁴ Qa ni sa dua leqa e tara vale yadua; qa o oya e tara a a taucoo e Alou. ⁵ Qa dina ga ni lomadina no o Mosese ena ona mataqali toucoo, me ena ni oya ai talatala, me varaitainia ina a a ena tovoli mai muri; ⁶ ia a Karisito e a dina me tautauvata a Driadria esa ona oa mataqali; qa sa ona mataqali o eda, e ena wakga eda tauria matua a oda doudou ena rei ni nuinui me tudei me yacova a i vataotioii. ⁷ O oya ai, me tautauvata sa aya a Yalo Tabu, Ena siga ai e mudou sa mata rogo a domona, ⁸ Dou ua ni vakau kauwatainia mudou yalo me toutouvata a veivacivoi, Me tautauvata a siga ni veitemai ena veiacu. ⁹ Edra a dautemai au ina o odra omudou qase, era sa vatovolei au va'ca. Edra sa une no oqu ca'aca'a qa yabai vasagavulu. ¹⁰ O oya ai au a covo ina vei edra a i tabatamata ana, qa aya ve ai, e dra ca cala no ga e lomadra; qa dra sa maqa ni ila a oqu i valavala. ¹¹ Qau a qa bubului ina oqu civo, Ni dra na maqa sara ga ni curu i na oqu i vavacegu. ¹² Dou igavi rmudou vare no a veiweani de no tu na odra lovaga eso veimudou a yalo e a ca e maqa a vabauta, dou sa biutia tani ina a Alou bula. ¹³ Ia dou dui veivatavulici vataini emudou va ai emdou ena veisiga taucoo, ni sa vatoai ga, a siga ai; de vayalokaukauwatai e dua veiemudou ena vuu ni dauveivaai sini ai valavala ca. ¹⁴ Ni sa oda ga a Karisito, e eda tauria matua ai teiteivu ni oda dinata me tu dei, me yacovia ai vataoti ¹⁵ Ni sda aitai no ve ai, Ena siga ai, e mudou mata rogo ona domo, mudou qai ua ni vakaukauwatainia a mudou yalo, me tautauvata a veivacivoi. ¹⁶ Ia o cei o odra edra vocivota ni dra sa rogoca oti? O odra taucoo edra sa lao vata ei Mosese mai Ijupita se maqa? ¹⁷ Ia o odra sa civo no vei cei qa yaba vasagavulu? vei edra sa i valavala ca, qa bale odra gau ena veiacu se maqa? ¹⁸ Ia o cei sa bubului ina o oya medra ua ni curu ina ona i vavacegu, vei edra ga edra maqa ni vabauta? ¹⁹ Ia eda sa igavia no, ni dra sa maqa ni curu rawa ina, ni dra sa maqa ni vabauta.