¹ O oya mo dou qai vamurimuria a Alou, ni dau lomani edra a gone. ² qa dau velee no ai valavala ni loloma, me tautauva a ona lomani eda a Karisito, qa solia a ona bula ina vuu da, mei madrali qai soro ve eya a Alou me a boi re. ³ Ia a dauyalewa se vei a dukadukali taucoo, me uwa ni cavuti na emudou maliwa, ni sa a iliili vei oya a Alou ei edra a tamata lotu. ⁴ me uwa leqa ga vei emudou a vei a vasisila, se vei vosai valialia, se vei wali, o oya ari sa maqa ni iliili me caa ga a vinavinaa. ⁵ Ni dou ila vare, a dau dara, a velavela a dau ocooco qa dau qaravia a Alou matakau o oya ai e maqa a ona i votavota i na matanitu i Karisito ei na Alou. ⁶ Me uwa ni vacalai emudou a vosa wale ga, a vei a ai e yaco ina a civo ni Alou vei edra sa talaidredre. ⁷ O oya ana mo dou uwa ni malele vata ei edra. ⁸ Ni dou ma iloilo tu i mada, i yai dou sa qai rarama mai, vei oya a Alou, mo dou velee no a i valavala ni gone ni rarama. ⁹ ni sa vua ni rarama ai valavala re, taucoo ei na i valavala dodonu ei na a dina. ¹⁰ ni dou vatovolea a a re ve eya a Turaga. ¹¹ mo dou uwa ni dau lao vata ei edra a dau velee ai valavala butobuto qa maqa ni yaga, qa do dau vunauci edra. ¹² Ni sa ani veivamaduatai, me vosatai a vei a edra sa dau velee vuni. ¹³ Io e dua a a e vunauci ina rarama, sa na qai rarama a a tauco e na basia. ¹⁴ A veia taucoo sa vavotui ina rarama, sa na qai aya, o io sa moce mo yadra mai, tucae mai na mate, sa na qai vararamatai ni io a Karisito. ¹⁵ o oya mo dou qai igavi emudou vare, mo dou i valavala va yalomatua, mo dou uwa ni tautauvata ei e dra a lialia, mo dou tautauvata ei edra a vuu. ¹⁶ mo dou volia me omudou a gauna, ni sa a ca a veisiga ai. ¹⁷ o oya mo dou uwa ni dau sesewa, mo dou ila ga a loma ni turaga. ¹⁸ mo dou uwa ni mateni na waini, ni sa caa ina a vei a vasisila; dou vasinaiti ga na yalotabu. ¹⁹ mo dou veivosai vata ei edra ina same ei na sere, ei na me e va yalo, dou laga sere vare ina yalomudou re ve eya a Turaga. ²⁰ dou vavinavinaa ina vuu ni a taucoo ve eya a Alou, a tamada i na yaca ni o da turaga o Jisu Karisito. ²¹ do dau veivamlumalumutai vai emudou ina rere vei Karisito. ²² Omudou a yalewa vawati, dou dau vamalumalumu tai emudou vei edra a watimudou, me tautauvata ve eya a turaga. ²³ Ni sa ulu ni watina a tagane, me tautauvata ni sa ulu ni soqosoqo lewe ni lotu a KArisito, ia ai vabula ni yago o oya. ²⁴ me tautauvata ai soqosoqo lewe ni lotu vei Karisito, me tautauvata leqa ga ina a ualewa vei edra a watidra ina a taucoo. ²⁵ Omudou a tagane vawati, lomani edra a watimudou, me tautauva ni sa lomania ai soqosoqo lewe ni lotu a Karisito, ni sa soli eya e na vuuna. ²⁶ me vasavasavatainia qa savatia ni sa vua ina wai ei na vosa. ²⁷ me varaitainia ina soqosoqo lewe ni lotu ai serau, me uwa ni tauvidulea se sasaluilui se dua a a, me savasava qa uwa ni dua a' vanua me ca. ²⁸ E dodonu ina vei edra a tagane me dra lomani edra ma a watidra, me tautauvata ni sa ti i ni yagodra dina lomani oya vai oya. ²⁹ Ni sa maqa ni dua sa catia a o na gaudina; sa vaaniya qa maroro me tautauvata sa velee a Karisito i nai soqosoqo lewe ni lotu. ³⁰ ni da sa tii ni yago. ³¹ Nio oya ai ena dainia ina a tagane a tamana ei na tinana, qa dru dua vata ei na watina, qa dru na dua bauga. ³² Sa a levu a a vuni ai, ia au sa ai tai Karisito ei na i soqosoqo lewe ni lotu. ³³ Sa dodonu mo dou lomani edra yadua ga a watina me tautau vata ei oya, ia a yalewa me varooroo tainia a watina.