¹ Omudou a gone dou talairawarawa vei edru a omudou qase ina a sa are vei oya a Turaga, ni sa a dodonu ai. ² Mo varooroo vei eru a tamamu ei na tinamu ni o oya ai, a i matai ni vunau ni sa dua ina a vosa ni yalayala. ³ mo are ina, mo bula balavu leqa ga i na vuravura ai. ⁴ Omudou leqa ga a tama, dou uwa ni vacivoti edra a omudou gone; dou vavulici edra ina i vunau e i na i vavuvuli ni turaga. ⁵ Omudou a tamata, dou talairawarawa vei edra a omudou turaga vayago, i na rere ei na Sautaninini, ei na dina ni yalomudou, me tautauvata vei Karisito. ⁶ Mo dou dau talairawarawa, mo dou uwa ni mautu ga na odra mata a turaga, mo dou rawa ni talei tai ina, vatamata, io me tautauvata sa tamata i Karisito, mo dou velee a lomani Alou mai na vu ni yalomudou. ⁷ mo varautainia mai na vuni yalomu, me tautau vata a omu varautainia a Alou, qa maqa ni tamata. ⁸ ni dou sa ila a a re edra na velee a tamata yadua, e na saumia ve eya a Turaga, vei talia e bobula sei tauei, ⁹ Omudou a turaga, dou vavulici edra elqa ga veana a bobula, dou uwa ni vosa vakaukauwa ve edra, mo dou ila ni notu mai lomalagi a omudou ei na odra turaga, qa maqa ni gutia vailoa e dua. ¹⁰ Meu tinia vei emudou a veiwweani, mo dou kaukauwa no i na turaga ina levu ni ona kaukauwa ¹¹ Dou vaiyaragi ina i yaragi taucoo ga ni Alou mo dou tudei ina qa vorata ina ai lawai ni tevoro. ¹² Ni da maqa ni veivala walega ei edra a tamata, e da veivala leqa ga ei edra sa matai, e edra sa kaukauwa, e i edra sa veitaliatainia iloilo ei vuravura ai, ei edra ai vavaoso yaloca ina veiyasana valomalagi. ¹³ O oya modou vaiyaragi ina i iaragi taucoo ni Alou, mo dou vorata ina a vei siga ca, io ni sou sa velee taucoo mo dou na ai tu dei. ¹⁴ O oya mo dou qai tudei ni sa vauci a tolomudou ina lomadina, qa sa tu ina lomaseremudou ai sasabai ni valavala dodonu; ¹⁵ qa vai vava a omudou la ina caacaa ni tuutuure ni veiaretai. ¹⁶ me qai ena i uri modou dia a vabauta mei sasabai, dou na qai booca rawa ina a gasau vidi taucoo ni tevoro. ¹⁷ qa dou dia a bula mei varuru ni ulu, ei na i sele i wau ni yalotabu, i yana a vosa ni Alou. ¹⁸ dou masa no ga ina masumasu taucoo ei na dau ereere i na Yalo Tabu, qa yadravia no ina a ereere taucoo ei na gumatua ina vuudra taucoo a tamata lotu. ¹⁹ Dou qai masu lai ni au leqa ga, in a a vuu ni tuutuu me na soli mai vei au, me rawa niu dolavia a oqu gusu, qa doudou ni niu aya a a vuni ni tuutuu re. ²⁰ o oya au sa talai meu vunautainia ni o au ma vesu tu, meu vosatainia vadoudou, me tautauvata sa iliili vei au meu vosa. ²¹ O Tikiko, a weaqu lomani, ei na i talatala yalodina ni turaga, au na aya vei emudou a a taucoo, ei na oqu i valavala taucoo. ²² O oya au sa vatala ina vei emudou ina vuu ni a ai, me rawa ni dou ila a oi tou notu, me rawa ni vacegu in a a yalomudou. ²³ Me qai sobuti emudou a vei weani a vacegu, ei na loloma e i na vabauta mai vei oya a Alou a tamada ei na turaga o Jisu Karisito. ²⁴ Me omudou a loloma qa vei edra taucoo sa lomania a turaga o Jisu Karisito ina lomadina.