¹ Ina vuu ni a ai o au o Paula, au sa vesuta ina vuu i Karisto Jisu, ma vesu tu ina vuumudou sa matanitutani. ² ni dou sa vogo bea se sa enaivei a loloma ni Alou sa soli mai vei au e na vuumudou. ³ i yana a caacaa mana sa vataila ina o oya vei au, a a savunitu, me tautau vata au sa vola tu valailai i mada. ⁴ ni dou sa wiliia a vei a ai, dou na qai ila rawa ina, a oqu vuu ei na a Jini io Karisito. ⁵ ina so leqa ai tabatamata e dredre me vatailai vei edra a luve ni tamata, io na gauna ai sa qai varaitainia ve edra a yalotabu a ona i apositolo yalo savasava ei na parofita. ⁶ ai tuutuu vuni iyana ni dra sai tauei vata a matanitu tani, qadra mata vei weani vata, qa dra sa rawatia leqa ga a a sa yalatainia o oya, ina vuu i Karisito Jisu, me tautauvata ai tuutuu re. ⁷ o oya au sa lesi ina meu ena i talatala, me tautauvata ai Solisoli ni loloma ni Alou, Sa soli mai vei au ina caacaa yaco ni ona Kaukauwa. ⁸ Vei au, io vei au au sa uasivi sobu sara vei edra tauco sa lotu, sa soli ina a loloma ai, meu vunautainia ve edra a veimatanitu tani ai yau i KArisito sa maqa ni ilai. ⁹ me dia mai a rarama inai tuvatuva sa vunitaitu mai nai vateivu ei vuravura ni Alou, o oya sa bulia na ka kecega. ¹⁰ ai tavatuva ai sa qa vele sara ga ai, ina loma ni soqosoqo lotu, a lewa ei na kaukauwa ina vei yasan'a valomalagi ni sa veirauti sara ei na vuu ni Alou. ¹¹ me tautauvata ai nai sa tu no ga ve eya, sa naitia o oya ina vuu i Karisito Jisu a oda Turaga ¹² o oya, ni da sa vabauti oya, ni da sa doudou ina qa tosa volea ina vararavi. ¹³ o oya sa yaloqu ina, mo dou uwa ni ceguoca niu sa vararawatai ina vuumudou, o oya a nia mo dou marou ina. ¹⁴ Ina vuu ni a ai au sa teiduru ina vei oya a tamada. ¹⁵ o oya edra sa vayacani ina a mataqali taucoo mai lomalagi ei vuravura. ¹⁶ Me solia vei emudou o oya, me tautauvata a levu ni ona are, me vakaukauwatai emudou i na Yalona mo dou Kaukauwa. ¹⁷ me notu ga ina lomamudou a Karisito e ina vabauta; mo dou vawaana qa tauyavutai ina loloma. ¹⁸ qa rawatia ma mo dou ila vata ei edra taucoo edra sa lotu, se cava a ena raraba ei na ena balavu, ei na ena titobu, ei na ena cecere: ¹⁹ qa mo dou ila a loloma i Karisto, o oya sa uasivi cae ina a e ilai rawa; mo dou sinai ina a taucoo sa sinai ina a Alou. ²⁰ Ia vei oya, sa rawatia me velee a a sa uasivi cae valevu sara ina a taucoo e da sa ere se vaasama ina, me tautauva a kaukauwa sa caacaa yaco i lomada. ²¹ me ia vei oya a varooroo ei nai soqosoqo lewe ni lotu ina vuu i Karisito Jisu, me yacova a veitabatamata taucoo qa uwa ni mudu. Emeni.