¹ Vei emudou, o mudou sa mate tu i na caa cala ei na i valavala ca; ² ni dou a muria no i mada me tautau vata ai valavala ei vuravura, ni dou a muria no a odra turaga e dra sa kaukauwa: na macawa, a yalo sa caacaa i na lomadra a luve ni tamata qa dra sa dautalaidredre. ³ Ni da sa notu vata ei edra a mataqali tamata veai, e dra vasumuca vei eda yalo ca ei na gagadre ca ni yago, ni da sa muria na a a dodomo ni yago ei na talo; ia a odai tovo eda sa civoti ma, me tautauvata ei edra a tani. ⁴ Ia a Alou sa vutuniau na loloma, ina vuu ni ona loloma levu. Sa lomani eda ina ⁵ ni da sa mate tu na oda caa cala, sa qai vabulai eda leqe a Karisito, mai na ona loloma walega dou sa vabulai ina. ⁶ Sa vaturi eda cae vata a Karisito, a Allou sa qai vanosi ede vata ina vei yasana valomalagi vata ei Karisito Jisu. ⁷ me vataila ina a gauna ena muri mai, na ona loloma levu sa uasivi sara ni sa lomare vei eda ina vuu i Karisito Jisu: ⁸ ina loloma walega dou sa vabulai ina, ina vuu walega ni vabauta, e maqa ni lao mai vei emudou, ai solisoli ga ni Alou. ⁹ e maqa ina vuu ni caacaa, me uwa ina ni dua ne vadoadoai oya. ¹⁰ O oda a ona tamata caacaa a Alou, sa caa meda tu vata ei Karisito Jisu, me da ia a i valavala re, o oya sa varautainia imada a Alou vei eda me da velee. ¹¹ O oya mo dou nanumia, ni dou ma maqa ni lotu tu i mada, ni dou sa sucu me tautau vata aya, ia dou sa vatoai na tawacili vei edra sa vatoai sa cili, ni sa velee a liga ei na yago: ¹² Mai na gauna ana omudou ma se tawase tani ina mai vei Karisito, mudou ma maqa ni matanitu vata ei Isireli, qa se maqa ni omudou a a sa yalatai na veiyalayalati, qa maqa vei emudou a i nuinui qa maqa vei emudou a Alou ma vuravura. ¹³ Ia na gauna ai o Karisito Jisu ma se tu yawa mai vei oya a Alou, qa dou sa qai di volea ga mai na vuu ni dra i Karisito. ¹⁴ Ni sai oya ga a vuni oda vei lomani, ni o oya ma velee a vua me dua bau ga. Sa qai basia a bai ma caa tu ina a vei tawasei, ¹⁵ Sa qai dainia vatiitii a lawa ei na ena i varo, ei nai valavala ni lotu me rawa ni buliya ga e dua a tamata vou mai na dua me lewe vua me rawa ni dru dua bau ga. ¹⁶ A Karisito sa qai vaaretai e dru a tamata ni tautauvata ni dru sa dua bou ga ina vuu ni Kauveilatai, ni sa voatia ina a odru veicati. ¹⁷ Sa qai lao mai o Jisu qa vunautainia ai tuutu re ni loloma vei emudou sa tu yawa, vei edra leqa ga sa tu volea, ¹⁸ mai vei Jisu sa qai rawa mao toso waqe ina vei Tamada mai na yalo e dua bauga. ¹⁹ O oya ai omudou sa maqa ni notu vavulagi ina se ai tani, dou sa ora vataga, ei edra sa lotu, qa dou sa lewe ni vuvale va Alou. ²⁰ ni dou sa tara cae a odra yavo ai apositolo, ei edra a parofita, i asai oya o Jisu Karisito e ena i vadei in a tutu ni vale. ²¹ O oya sa sema vata ina a vale taucoo, qa sa tubu cae ina me vale tabu ni sa tu vata ei na turaga. ²² O oya dou sa vatautauvata tai leqa ga ina me vale ni Alou ni sa notu ma a yalotabu.