¹ Ma maqa li ni galala? Au maqa li ni Apositolo i Jisu Karisito a oda Turaga? Dou maqa lini caacaa vei oya a oqu Turaga? ² Eu sa maqa ni Apositolo vei edra a tani au sai Apositolo dina vei emudou, ni sai vadinadina niu sai Apositolo ni dou sa tuvata ei na Turaga. ³ Au sa aya ve ai vei edra sa turogi au. ⁴ E maqa li ni dodonu me tou ana se somi. ⁵ E maqa li ni dodonu me aou dia e dua a yalewa lotu, me wati eitou, me tautauvata ei edra ai Apositolo ei edru a taci oya a Turaga ei Kipa? ⁶ Se oi rua ga ei Panapasa, me oirua uwa bea ni caacaa. ⁷ O cei a Sotia e dau lai valu in a dau si ga, qa saumi oya vai oya? O Cei e tea a were ni vaini qa maqa ni Somia a vuana? Se o cei e vaania a qele ni Sipi, qa maqa ni Somi ina wai ni sucu ni qele ni sipi? ⁸ Au sa vasatainia li, a vei a ai me tautauvata a tamata? Sa maqa li ni aya ai vunau? ⁹ Ni sa volai ina i vunu i Mosese, mo ua ni vesuia a gusu ni bulu mokau ni sa tuburainia a ona Sila. Sa dau na numa bea a bulumokau a Alou? ¹⁰ Se vosa bea o oya ina vuci i eitou ga? Ia sa volai ai ina vuu i eitou ga; ni sa dodonu me cui were i na i nuinui o oya sa dau cui. O oya sa buturainia a sila me buturainia nai i nuinui ni sa rawatia a a. ¹¹ E rou sa butia oti, vei emudou a veiavayalo sa levu bea me itou umunia a omudou vei a ni vavaravera. ¹² E sa donu mai vei emudou a vei a ai io tou maqa li ni dodona leqa vei eitou? Ia aitou sa maqa ni vetalia tainia ve ai, oi tou sa vosotia a a taucoo, laolao oi tou na tarovia ai tuutuure re i Jisu Karisito. ¹³ Dou maqa li ni ila, ni dra sa ona ina ani vale ni soro, a odra sa dau caacaa? E dia sa rawatia a edra mai nai cabocabo ni soro, o odra e dra sa douqarava ai cabocabo ni soro? ¹⁴ Sa lesi ina a Turaga me dra bula inai tuutuu re o odra edra sa aya ai tuutuu re. ¹⁵ Ia au sa maqa ni vagavagatainia e dua a a ai, au maqa leqa ga ni vola, ni sa vala ina vei au, ni sa are vei yau meu mate, qa a ca ni dua a tarovia a acu sa da ai yau. ¹⁶ Eu sa vunau tainia ai tuutuu re, qa maqa niu doai ina: niu sa vasautatatai; qa a sara vei yau, ni maqa ni vunautainia ai tuutuu re. ¹⁷ Ia e tautauvata ni tau sa velee ai, o oya ai sa gutia a yaloqu, niu sa saumi, io e sa maqa ni are a yaloqu, sa qai soli vei au e dua a caacaa vaitalatala. ¹⁸ A cava sa qai ena i sau vei yau? Na oqu vunau tainia ai tuutuu re meu ua ni volitainia, meu ua ni vele e me tautauvata sa dodonu vei au inai tuutuu re. ¹⁹ Dina ga niu sa galala mai vei edra a tamata, ia au sa qisia meu ubu bula vei edra a tamata a taucoo meu rawai edra ina a lewe vuqa. ²⁰ Ia qai sa yaco meu tautauvata ei na dua a Jiu meu rawai edra ina a Jiu, vei edra sa vauci ina; vunau, me tautau vata niu sa vauci i na dua ai vunau, ia qau maqa ni vauci inai vunau, meu rawai edra ina sa vauci ina i vunau. ²¹ Vei edra sa maqa ina ai vunau, meu tautauva e dua sa maqa ina ai vunau, meu rawai edra ina sa maqa ve edra ai vunau, qa maqa ni reva vei yau ai vunau ni Alou, qau sa muria ga ai vunau i Karisito. ²² Vei edra sa malumalumu, qau sa yaco me dua sa malumalumu, meu rai edra ina sa malumalumu: qau sa yaca me dua a a vei edra taucoo a tomata meu vabulau i edra ina e sa ina a taucoo. ²³ Io au sa velee a taucoo ga i nai tuutuu re, meu rawatia ina vala ei emudou a ena i sau. ²⁴ Dou sa maqa bea ni ilo ni dra sa ovu taucoo o odra sa ovusia a cere, ia da ledua ga sa matai tania a cere? Dou ovu leqa ga ina mo dou rawa ni wini ina. ²⁵ Ia o oya yadua sa gumatua, sa no vomalua ina a taucoo, ni dra sa velee o odra ari, me odra e dua ai sala sa ca rawarawa; ia o oda, me dua sa maqa ni caca rawarawa. ²⁶ Me ve ai a oqu ovu, qa maqa ni dua e ilai yau. Au sa usoia, ia sa tautau vata e dua s-uosia a cagi: ²⁷ qau sa vamalumalumu tainia a oqu gau, qa vabobulatainia e dua, niu sa vunau vei edra a tamata tani, qau sa qai biu wale tu.