¹ Au maqa ni gutia omudou a vi weani, mo doiu lecava ni dra sa tu ina ruu ni o, o odra taucoo a oda qase, madra sa lao tauco loma ni waidui, ² E da sa papitaisotai taucoo vei Mosese i na o ei na waidui, ³ e dra sa ania vatataucoo ga a magiti vayalo, ⁴ e dra sa somia vata taucoo ga a wai ni somi vayalo, ni dra sa somi mai na vatuvayalo sa muri edra, ia a vatu ana a Karisito. ⁵ Ia sa lelevu ve edra sa maqa ni guti edra a Alou, ni dra sa vi biugai i na loma ni vi acuacu. ⁶ Ia a vi a ai sa i vataaraara ve eda me da uwa ina ni dau gutia a vi aca, me tautauvata ei edra a dau gutia. ⁷ Dou uwa leqa ga ni qaravia a vi matakau, me tautauvata ei edra e so, me tautauvata sa volai. E dra sa no sobu a tamata me dra ana qa somi qa dra sa tucae leqa me dra qito. ⁸ Me da uwa leqa ga ni dau yalewa me tautauvata sa dau velee eso, edra sa mate ina a le ruwa sagavulu a tolu a udolu ina loma ga ni dua a siga. ⁹ Me da uwa leqa ga ni dau vatavolei Karisito me tautauva edra sa dau vatovolea e so, sa ati edra mate ina a vi gata. ¹⁰ Dou uwa leqa ga ni dau didi, me tautauvata sa didi e so, e dra sa varusai ina dau vi varusai. ¹¹ Ia a a taucoo ai, sa yaco me i vataaraara, me sa volai me da va vulici ina a, o oda sa yacovi eda a i vataotioti ni vi gauna. ¹² O oya me qai dievi eya o oya sa na numia sa tu dei, de laolao qa bale ga mai. ¹³ E maqa leqa ni dua a veretani sa yaco vei emudou, o oya ga so voratia rawa a tamata, ia sa yalodina a Alou, o oya e maqa ni daini emudu mo dou veretai va levu cae, ma tautauvata ga a omu dou kaukauwa, qa na veleeleqa. Ga a ena vere mo dou ubu tani ina, me rawa ina ni mudou tudei ina. ¹⁴ O oya aiomudou sa lomani mo dou ubutani mai na qaravi a matakau. ¹⁵ Au sa vosa me tautauva ei edra a tamata vuu, dou dievi emudou mai na a au sa aya. ¹⁶ A bilo ni vavinavinaa io tou sa va tonai nia, sa maqa lii ru a ni sa oda vata ina a dra i Karisito? Ai buli madrai e da sa dovia sa maqa lii ni a, sa o da vata ina a gau i Karisito? ¹⁷ Baleta ni sa dua bulu ga a madrai, o da eda lelevu, e da sa dua ga a yago, e da sa vaivotavota taucoo ga ina dua bulu ga a madrai. ¹⁸ I gavi edra a Isireli vayago, o odra sa ania a vi madrali ni sa maqa ni odra ai votavota vata ei na i cabocabo ni soro? ¹⁹ A cava a a au sa aya? sa dua li a a dina a matakau, se a dina a a vacabori ina matakau? ²⁰ Ia a a taucoo sa vacabori a maqa ni lotu sa vacaboria vei edra a tevoro qa maqa ve eya a Alou, qau maqa ni guli a mo dou votai vata ei edra a tevoro. ²¹ Dou sa maqa ni somi rawa i na bilo ni turaga ei na odra bila leqa ga a tevoro, dou sa maqa ni ana rawa ina teli ni turaga, ina odra teveli leqa ga a tevoro. ²² E da sa vacivotia li a Turaga? E da sa uwasivi bea ve eya ina kaukauwa? ²³ Sa tara ga vei yau a a taucoo, ia sa maqa ni yaga a a taucoo, ia sa tara a a taucoo, ia sa maqa ni ani vatataicae a a taucoo ga. ²⁴ Me uwa ni dua me vaigavia a, a e yaga ga ve eya, a a leqa ga sa yaga ve eya a tani. ²⁵ A a tauco oga sa voli tai ina rara ni vi voli, dou ania qa uwa ni tarogia ina vuu ni lewa i loma. ²⁶ Ni sa ona a Turaga o vuravura ei na taucoo sa sinai ina. ²⁷ E dua sa maqa ni lotu sa sureti e mudou, qa dou sa utia me lao, dou ania ga a a taucoo sa dai na omudou mata, mo dou uwa ni tarogia na vuu ni lewa i loma. ²⁸ Ia e dua sa aya vei emudou, a a ai sa racabori ina matakau, dou uwa ni ania, ina vuu i eya sa aya, ina vuu leqa ga ni lewa i loma, ²⁹ Au sa cavutia a lewa i loma, ia qa sa maqa ni omu, sa ona ga a tani. Ni sa lewai va cava a oqu lewa i loma a aqu vitalia, ina lewa i loma e dua tani? ³⁰ ia eu sa ana qa va vinavinaa ina, me sa vosa vacacatai ena vuu ni cava, mai na a au sa va vinavinaa ina? ³¹ O oya ana, o dou ana se dou somi se cava ga dou velee, mo dou velee ga me varooroo tai ga ina a Alou. ³² Dou uwa ni vocala edua vei edra a Jiu, se vei edra a lewe ni vi matanitu tani, se ve edra a soqosoqo lewe ni lotu ni Alou: ³³ Me tautauvata au sa velee a vi ataucoa e dra gutia a odra a tamata taucoo, ia au sa maqa ni vaigavia a vi a e baleti yau ga, a a leqa ga e sa yaga ve edra a lelevu me dra vabulai ina.