¹ Mi au va murimuri au, me tautauvata au sa vamurimuri Karisito . ² Au sa vacaucau tai ni e mi au ena a tauco'o ga. Au sa tari matua ai va vuvuli au sa va'dewa tai nia vei e mi au. ³ Au sa gutia mo dou ila ni sa ulu ni tamata a Karisito, qa sa ulu ni yalewa a tagane, qa ulu i Karisito a Alou. ⁴ A tagane yadua sa masu se parofisai qa ubi no a ona ulu, sa beci Karisito. ⁵ A yalewa yadudua sa masu se parofisai qa maqa ni ubia a uluna, sa beca a watina qa sa tautauvata ei ea sa tasia vadua a uluna. ⁶ E sa maqa ni ubia a uluna. "E dua a yalewa sa are cae me diva va lealea a luluna. Ia me tautauvata me sa vakamadua vei ea yalewa me otiva se tasia va dua uluna sa dodonu ga me ubia a uluna. ⁷ Sa maqa ni dodonu vei ea Tagane me ubia a uluna balera ni sa varatainia a ya a yaloyalo ena lagilagi ni Alou. A yalewa sa varaitainia a lagilagi ni tagane. ⁸ Ni sa maqa ni buli a tagane mai vei ea a yalewa. Ia sa buli ga a yalewa mai vei ea a tagane. ⁹ Sa maqa leqa ga ni buli a tagane, me baleti ea yalewa, Ia sa buli ga a yalewa me baleti ea a tagane. ¹⁰ Sa dodonu ina vei ea yalewa me ubia a uluna me va tailaila ni sa no tu o oya e na ru u ni veiliutai vei watina, e na vuudra a agilosi. ¹¹ E na oda bula e na vu'u ni turaga, sa maqa ni rawa ni tuvatainiea, na yalewa mai vei ea tagane qa sa maqa leqa ni rawa ni tuvataniea a tagane mai vei ea yalewa. ¹² me tautauvata ni sa bula a yalewa mai vei ea tagane sa leqa ina a tagane sa la'o mai vei ea tageane yalewa, sa vuniatauco'o ga a Alou. ¹³ Mo miau qai lewa mada vataini e mi au, Ni sa iliili veica a yalewa me masu vei ca Alou qa ua ni ubia a uluna. ¹⁴ Ni sa maqa ni i tovo se ona i valavala ea vavulici ina vei ea tagane, me vatubunia a ona ulu, me balavu, ni maqa ga ni vavulici vei ea. ¹⁵ Ni sa maqa ni ona i tovo se ona i valavala ca vavulici ina vei ea, e walega sa balavu a drauni uluna a yalewa sa ona i u'u'u'u ga: ni sa soli vei ea a drauniuluna me enai ubi. ¹⁶ E walega e dua sa mata veivala, sa maqa ni weitou i valavala o'ri, se odra ai soqosoqo lewe ni lotu ni Alou. ¹⁷ Ia niu sa varota no qi, au sa maqa ni doai emudou ina, Ia mudou sa maqa ni ere ca'e ni dou sa soqoni vata, Ia dou sa ca sobu no ga ina. ¹⁸ Io, ena i matai ni dou sa soqoni vata vai vava o'so lewe ni Iotu, Au sa rogoca ni dou sa dau veisei, Ia au sa vadinata e so. ¹⁹ Ni sa dredre me maqa ni tubu a dau veisei ena emudou maliwa, Ia o odra ga tamata dina edra na qai vadinadina na e mi au maliwa. ²⁰ Ni mi au sa soqoni vata mai, Ia sa maqa ni o oya na vatavanavi ni turaga ana o sa a nia. ²¹ I na gauna o ana ina, o odra yadua edra sa dui ania ga edra ni bera ni so leqa edra vataranavi. E dua e mata ana, qa so leqa edra mateni. ²² Sa bau dua vale o ana ina se somi ina? se oni imata beca be'a soqosoqo lewe ni Lotu ni Alou qa vamadua taini edra a dravudravua se maqa tu a edra? A cava mi au nanuma ee'u aya vei emiau e na a ai? Sa maqa ni ve ana ina. ²³ Niu sa ciqomia mai vei ea a Turaga a cava so au solia waqe vei io, sa aya o Jisu ena taranavi a vere tai ina, Dia a madrai ²⁴ Ni se bera ni solia na vavinavina'a, sa dovia qa aya, iai a yago qu, o oya sa tu vei io, vele e ai mo dou qai vaananumi au ina. ²⁵ E na gauna sa tari ina a bilo ni sa oti a vatavanavi, sa qai aya, abilo ai a bilo ni veiyakayalati vou ena oqu dra. ena vei gauna doi sa somia ina, do vele e ai modou vaananumi au ina. ²⁶ Ena gauna tauco'o dou ania ina a madrai qa somia ina a bilo dou sa varaitainia ina a ona mate a turaga qa yacova a ona lesu mai. ²⁷ o odra tauco'o, edra, ania madrai qa somia a bilo ni turaga, e nai valavala sa maqa ni vei doai, sai valavala ca o oya e na vu'u ni yago ni turaga ei na ona dra. ²⁸ Mo mi au dui dievi e mi au ga ni bera ni mi au ania madrai qa somia a bilo. ²⁹ E na cudruvi o oya va'a yadua e ania ga gunuva. qa maqa ni doa a yago ni turaga. ³⁰ I ana ina a vuna e so vei emudou e ra sa tauvimate qara malumalumu a, ia sa vuqa vei emudou sa moce ga. ³¹ Ia e va'a e da sa dievi eda rara eda na qai maqa ni lewai ³² Qa ni da lewai mai vei oya a Alou, e da sa qa va'avulici, sa da na qai maqa ni cudruvi vata ei edra a vuvuravura. ³³ O oya ana omudou a taciqu, ni dou sa mai ana, mo dou veiwarai mada. ³⁴ E va'a e dua vei emudou sa mata ana me qai ana ga mai vale, baleta ni dou sa lao vata mai. Dou sa na maqa ni qai veilewai. Ia na vei a leqa dou vola mai, au na qai lai varaitainia nui sa lao waqe.