¹ Ia ina vuu ni a sa vacabori ina matakau, e da sa ila ni sa tu vei eda tauco ga a vuu. A vuu sa vu ni viavialevu, a loloma ga sa vu ni vatalai cae. ² Ia e dua e nanumia ni sa ila e dua a, a, qa maqa ni ila me taucau vata ni dodonu me ila. ³ Ia e tautauvata e dua sa lomana a Alou, e na ilai vei oya. ⁴ Ina vuu ni magiti sa vacabori ina matakau, e da sa ila sa a wale duadua ga ina vuravura a matakau, ni sa dua bau ga a Alou qa maqa leqa ni dua. ⁵ Io s dina, s tu a vei a e vatoai me Alou, mai lomagi se i vuravura, me tautauvata ni dra sa lewe levu a Alou, qa lewe leqa ga a turaga. ⁶ Io vei edda e i sa dua bau ga a Alou, a tamada sa vu vei oya a a taucoo ga, e da sa ona ga a oda, qa sa dua bau ga a oda turaga o Jisu Karisito, sa caa ina a a taucoo, o oda ina vuuna. ⁷ Ia sa maqa ni odra taucoo a tamata a vuu ai, io e sa e dra na numia ni dina a matakau, e dra ania me tautauvata sa vacabori ina matakou, qa sa dukadukali ina a yalodra ni sa malumalumu. ⁸ Ia a magiti e maqa ni di eda va volea vei oya a Alou ia e da sa ana, e da na maqa ina ni are cae, e da s maqa ni ana e da na maqa ni a ca ina. ⁹ Ia me dou igavia va re e yaco a omudou caacaa vaveitalia i na vei a ai, me uwa qa ni dra tarabe ina odra a malumalumu. ¹⁰ E dua e sa igavi io, sa tamata vuu qo sa noto ina vale ni matakau mo ana, sa maqa li ni doudou a loma i oya sa malumalumu me ania a vei a sa vacabori ina matakau? ¹¹ Ia a omu vuu, ena vuni ona rusa a weada e sa malumalumu, qa sa mate ina a Karisito. ¹² Ia ni dou sa cala ve ai, vei edra a vei weani, qa va cacania a lomadra, se malumalumu, dou sa cale vei Karisito. ¹³ O oya e tautau vata ni sa tocaqe a weaqu ina magiti, au na maqa sara ni ania a lewe ni manumanu qa tawa mudu, laolao qa tarabe ina vuuqu a weaqu.