¹ ia ena vu'u ni vei a dou a vola waqe vei au. Sa a re vei oya a tagane me uwa ni yagovata ei oya yalewa. ² Ia me uwa a veibutaoci, me sa bau vawati a tagane yadua, qa me sa bau yawati leqa ga a yalewa yadua. ³ Me ia vei oa a yalewa a tagane a'a sa dodonu ena veilomani me tautauvata leqa ga ina a yalewa vei oya a tagene. ⁴ Sa maqa ni dodonu vei oya a yalewa me veitaliatainia a Onagau, sa lewa ga a watina. Sa tautauvata leqa ga ina a tagane va'awati s maqa ni veitaliatainia ona gau, sa lewa ga a watina. ⁵ Dou uwa ni tarovia a veimo'o va'ai emudou, me ia ni sa gutia ruarua ena gauna le'ale'a. Me ua ni baleqa mudou bula ni lolo ei na masu. Ia dou qai veimo'o leqa, de dauvereta'i emuou o setani ena vu'u ni omudou dau veidomoni. ⁶ Ia a'u vosatainia ai, ni sa tauria tu e maqa ni varoti. ⁷ Ia ausa gutia me tautauvata ei au a tamata tauco'o ga. Ia sa rawatia mai vei oya a Alou a tamata yadua ai solisoli e dui yaga, e dua sa vei au, e dua leqa sa ve'ana. ⁸ Au a vosatainia vei odra era maqa ni va'awati ei odra a yada. E yaga vei edra mera notu va'a ina me tautauvata ei au. ⁹ Ia eva'a sa dredre a odra tarovi edra; Ia medra yawati baleta ni sa a re a yawati e a ca ma daugagano. ¹⁰ Ia au sa vosatai edra sa vawati no, ia sa maqa ni tautauvata ei au, a Turaga ga, me uwa ni biutia a watina a yalewa sa vawati. ¹¹ Ia e tila sa ubu, me uwa ni vawati leqa o oya, se medru veiguti leqa ei watina. Ia a tagane sa yawati me uwa leqa ga ni biutia a watina. ¹² Ia ve edra ga sa vo au sa aya va'ai au, sa maqa vei oya a Turaga. Eva a e dua a weada sa maqa ni lotu a watina, a sa gutia notu vata ei na watina me uwa ni biutia tani. ¹³ Eava'a sa loma ni tagane tawa lotu me rau notu vata ei a watina, me uwa ni ubutainia ni oya yalewa. ¹⁴ Ni sa va'asavasavatai a tagane tawa lotu a watina asa va'asavasavatainia leqa ga a yalewa a sa maqa ni va'abautia oya a watina; ia eva'a sa maqa ni ve ai, edra sa maqa ni savasava a omudou gone, ia oya ai edra sa savasava. ¹⁵ Ia eva'a sa ubu o'oya sa maqa lotu, me ubu ga. Me qai veitalia a tagane se a yalewa sa lotu ni sa ve ai, ia a tarogi eda a Alou meda notu vacegu. ¹⁶ O sa ila vacava, o io yalewa se o na vabula a watimu, se maqa? Se o ila vacava o io a tageane, se o na va a bula a watimu, se maqa? ¹⁷ Ia me va'a sa solia yadua ve edra a tamata a Alou, me va'a a ona notu ni sa Tarogi oya a Turaga, me notu ga va'aina ena veisoqosoqo lewe ni lotu tau co'oga. ¹⁸ Eva'a dua sa acivi ni sa yavou me uwa ni biua yavou. E dua sa maqa ni yavou ni a acivi me a uwa ni yavou. ¹⁹ Ea wale a yavou, a wale leqa ga a tawa yavou, ia a maqa ni va'aina a talairawarawa i nai varo ni Alou. ²⁰ Me notu ga a tamata yadua me va'a. Ona notu ni sa tarogi. ²¹ O sa bobula be'a nio sa tarogi? Mo uwa ni leqa ina: ia eva'a a rawa mo sere'i, mo va'ayagatainia ga. ²² O oya sa bobula ni sa tarogi oya a Turaga sa qai Ona tamata serei a Turaga, sa va a leqa ga ina o oya sa lalaga ni sa tarogi, sa bobula vei Karisito. ²³ Dou a voli ga ena i voli; dou uwa ga ni odra bobula a tamata. ²⁴ Ve edra a veiweani, me notu a tamata yadua ei na Alou, enai tutu sa notu ina ni sa tarogi. ²⁵ Ia ena vu'udra edra a maqa ni vawati, sa maqa ni tu vei au a lewa ni Turaga; ia au sa lewai au ga, me va'a e dua sa rawatia a loloma ni Turaga meu dina ina. ²⁶ A 'ai au a nanumia ni sa yaga ena gauna ni ca me notu walega a tamata va'aina. ²⁷ A sa dua be'a watimu o sa vawati taina? Uwa ni va'atovolea mo sere i leqa. Sa maqa be'a ni dua a watimu o sa vauci ina? Uwa ni vaigavia leqa e dua me watimu. ²⁸ Ia eva'a o sa vele'e a vawati, o a maqa ni cala ina; ia eva'a sa vawati e dua a goneuyalewa'e a maqa ni cala ina. Ia o oya e vawati ena sotavia dredre ena bula ar: ia oi au, au a lomani emudou. ²⁹ Ia ai au a aya, oi emudou a veiweani, sa va'alealeatai a gauna sa vo: ia me va'atai edra a maqa ni vawati o ira a tagne sa vawati. ³⁰ Ve edra sa tagi, medra tauvata ei edra sa maqa ni tagi: ei odra edra marau, medra tauvata ei edra sa maqa ni marau, ei odra a veivoli , mera va'atai odra a maqa odra vei'a. ³¹ Ei odra edra a va'ayagatainia a vei a va vuravura ai, me va'a tai odra edra samaqa ni vauagatainia va aca: ni sa lao tani waqe ai valavala ni vuravura ai. ³² Ia au a gutia mi'au uwa ni lomaocaoca. Ve edra a tagane edra maqa ni vawati sa daunanumia a vei a ni Turaga, se me a re vei oya Turaga. ³³ Ia a tagane vawati sa daunanumia ani va'avuravura ai, me va yalo re tai ni oya vei watina. ³⁴ E dua tani a goneyalewa ei na yalewa edra vawati. A yalewa a maqa ni vawati sa dau nanumia oya Turaga, me savasava Ona gau ei na ona yalo leqa ga: ia a yalewa sa vawati a daunanumia ina vei a ni vuravura ai, se gutia vacava a watina. ³⁵ Ia na vei a ai au a aya me yaga vei emudou, au a maqa ni via vataotaini emudou, au aya ni kilikili ei emudou, mo dou dauqaravia a Turaga em uwa a lomaocaoca. ³⁶ Io e tila a qase a nanumia ni a maqa ni lewa re a ena vu'u ni luvena-yalewa, eva asa devu a gauna ni gone, ena dredre ni tio wale, me veitalia ga; e a maqa ni cala o oya: medra vawati ga. ³⁷ Iao oya ena dei sara a lomana, ena maqa ni dredre ve eya me no wale, e sa rawatia ga a yalona, e sa lewa ga a onayalo me tauria no a luvena yalewa sa a re. ³⁸ Ia, ai, o oya sa solia a luvena yalewa me vawati sa vele'e a are; ia o oya ena maqa ni solia me vawati sa ca a are Ca'e. ³⁹ Sa vauci yalewa na lewa, ni sa bula no a watina, ia e a sa mate a watina, ena qai tara ve eya me vawati leqa ei na tagane sa gutia o oya; me notu ga vata ei oya Turaga. ⁴⁰ Ena oqu lewa ni sa alougata ca'e o oya, eva a sa notu ga va ai oya; ia au a nanumia leqa ga ni a notu vata ei au a yalo ni Alou.