¹ E dua vei emudou sa veivala vata ei dua leqa, medra lai lewai ena matadra a maqa ni valavala dodonu qa me ua ga ina matadra a tamata yalo savasava ni Alou. ² Dou maqa bea ni ila ni odra tamata yalosavasava ni Alou dra na lewai vuravura? eva a dou sa lewai vuravura, dou sa maqa ni yaga mo dou lewa a vei alalai sara? ³ Dou sa maqa bea ni ila nida na lewai edra agilosi? Sa maqa ni yaga valevu meda lewa a vei a ina bula ai? ⁴ E va'a dou sa ca, ava a omudou ani bula ena veisiga dou sa lesi edra ina a vaitutulaki ina loma ni soqosoqo lotu. ⁵ Au sa vosa modou madua ina. Ni sa maqa ni dua ei emudou e vu'u ca'e me lewai edra rawa a weana? ⁶ E dua sa dia a weana i na matadra a tamata maqa ni vabauta" ⁷ Sa qai aca dina vei emudou ni dou sa dau dia a ina mata vei lewai e ena vei me dou maqa rawa ni vosota ni dou sa va cacani? e ena vei dou sa maqa ni rawa ni vasota ni dou sa iawaitai. ⁸ Io emudou dau veivalialiai vata ei emudou dau lawalawai, vei edra a weamu dou! ⁹ Emu dou sa maqa bea ni ila, ni sa maqa ni rawatia a matanitu ni Alou o odra a tamata i valavalaoa? Dou ua ni valialiai emudou, o emudou a dau dara ei edra dau soro ina vei Alou matakau ei edra dau yalewa emodou ei emudou a dau veimaceri vatagane, ¹⁰ Ei emudou dou butao, ei emodou dau o caoco, ei emudou dau mateni, ei emudou dau veivacacani, ei emudou tamata lawalawai ena maqa ni rawata a matanitu ni Alou. ¹¹ Qa sa tautauvata inaimada eso vei emudou. Ni dou sa sili dou sa vaasasavatai, dou sa va doni, ena yaca ni turaga o Jisu Karisito eina yalotabu ni oda Alou. ¹² E tara ru vei au a tauco'o, qa maqa ni yaga tauco'o. E tara vei au a tauco'o io qai na maqa ni bitia me rawai au ina e dua a. ¹³ Sa ani ete magiti, Qasa ani magiti a ete," io na qai varusai edru ruarua a Alou. io a yago sa maqa ni a me dau dara. io me ona ga turaga, qasa yga turaga i na yago. ¹⁴ A Alou sa lavetia ca'e a turaga qa laveti eda ca'e leqa ga ina ona kaukauwa. ¹⁵ Dou maqa bea ni ila ni vei ti'i ni yagomudou sa yago ieqa ga i KArisito? me dia bea a ti'i ni yaga i KArisito, qa me ca'a me ti'i ai aya lewa dau tagane? me ua sara ga ¹⁶ Dou maqa bea ni ila oya sa notu vata ena yalewa dau tagane o edru sa dua ga? ni sa aya o oya o edru a lewe rua a odru yago su lewe dua ga? ¹⁷ o oya dru sa tu vata ei na turaga edru sa yalo vata ga. ¹⁸ Mo ubu tania tani mai a dau dara ai valavalaca tauco'o a tamata sa ani taudauga ni yago, o oya sa dau dara sa valavalaca ina a yagona ¹⁹ Dou maqa ni ila o emudou ni yagomu dou sa vale oi oya a yalo tabu, oya sa notu vata ei emudou oya dou sa rawatia mai vei oya Alou? Dau sa maqa ni ila ni o emudou sa maqa ni omudou? ²⁰ Emudou sa vili ena i vili oya mudou qai varo''oro'o tania a Alou ena yagomudou.