¹ Ia ai, omudou a taciqu, au maqa ni rawa ni vosa vei emudou, tautauvata a tamata va yalo, ia me tautauvata ga a tamata va qago, qa tautauvata ei edra a va gonegonea vidra tu vata ea Karisito. ² Au a solia vei emudou a wainisucu, maqa ni magiti dina, ni ma se maqa ni ganiti emudou. ³ Baleta ni mudai sa va yago ta, ni se tuga vei emudou a vuvu ei na veileti, dou se maqa li ni se bula tu ga va yago, qa mudou maqa ni la'o voli ma vatagode ni bula va tamata? ⁴ Ni dua e qya, au muri Paula, qa aya leqa e dua, au muri Apolosa, mudou maqa li'i ni tamata ga? ⁵ Ocei li'i o Apolosa? Ocei li'i o Paula? A dau vuqavava walega dou sa vabauta ma vu'udra, me tautau vata ga a itavi sa solia a tuvaga i na tamata yadua. ⁶ Au sa tea ia sa vasuasuataina a Apolosa, ia a Alou ga sa va tubunia. ⁷ Maqa ni dua a a o oya e tea, se o oya e va suacua taina. Ia a Alou ga o oya e solia a bula. ⁸ Ai o oya e tea ei ea e va suasua tainia dra tautauvata ga tolva na dai touria ga a edru isau me tautauvataga a odru caacaa. ⁹ Ni da sa dau caucua vota ei na Alou. Mudou sa were ni Alou, dou sa vale ni Alou. ¹⁰ Me tautauvata ga a loloma ni Alou ma soli vei au me tautau vata ga a qusenivuli ni ena dau tara vale. Au ma va alonia a evia yavu, qai lao mai e dua lequ qai mai tava ma. ¹¹ Maqa leqa ni dua erawa ni va atonia leqa e dua a yavu, o oya ga ma sa yavu tai tu o Jisu Karisito. ¹² Ai e dua leqa e tara ina yavu ai a kaula ena silivia, vatutalei, acu, coco madu, se vani sila. ¹³ Ona caacaa ena vatailai mai, mai na siga ena va raitaina- ni na va tailai mai na yame ni re'a. A qome ni ve'a ena va tovolei ina ai va tagedegede ni a ma vele'e u tamata yadua. ¹⁴ E dua e maqa ni qeavu a ona caacaa, oya ena tavi a ena isau. ¹⁵ Qa dua e qeavu a ona caacaa, o oya ena va'ila ona dra'a, ia oya vota'i eya ena vabulai, me tautauvata ni vabulai mai no yame ni ve'a. ¹⁶ O maqa li ni ila ni o i'o a vale ni Alou, qa bula no i lomamu a vale ni Alou? ¹⁷ E dua e va rusa a vale ni Alou, a Alou ena va vusa a tamata ana. Ni sa tobu a vale ni Alou, ia sai emudoiu ga. ¹⁸ Me ua ni dua e va calai ea. E dua vei emudou e nanumia ni sa va'u ma ai, me biuti ea me tautauvata a lialia me rawa ni vu'u mai ina. ¹⁹ Baleta a vu'u ni vuravura ai e lia lia vei ea a Alou Ni sa volai sa toba edra a vu'u mai na odra vadi ca. ²⁰ Qa dua leqa, A Turaga so i'la a odra nanuma a vu'u ni maqa ni yaga. ²¹ Oya ai a vana, me ua ina ni dua e vosa doudou ina vu'udra a tamata. A a taucdo e emudou. ²² Se o Paula se o Apolosa se o kifa, se o vavavura se bula se mate se a satu ai se a ena yaco mai. A a tauco'o e omudou. Ia mudou sa oi Karisito, ²³ Qa a Karisito sa ona a Alou.