¹ Ai a tamata me lomani eitou ina, ni eitou tamata ca'aca'a i Karisito ena i talala ni ve a vuni ni Alou. ² Ai sadodonu ina ve edra ai talatala medra unei ni dra tamata dina. ³ Sa dua a alailai vei au meu lewai mai vei emudou se ina mata veilewai ni tamata. Niu maqa mada ga niu lewai au vata i au. ⁴ O au maqa ni ila edua a me saumi me baleti au, lo au maqa mada ni vadonui au ina. Me lewai au ga Turaga. ⁵ O ya modou ua ni aciva a relewai ne sebere a ena gauna, ni se maqa ni se lesu mai a Turaga. Ena vararama tainia a ve a e vunitai tu nia iloilo qa varaitainia i na lamada. Edra saqai ciqama qa vei va caucau tai mai ve ea Alou. ⁶ Emiau a weaqu au sa vagolea a vei a ai vei au ei Apolosa me varaitai vei e miau, me miu vulicia mai vei eirua ai balebale ni dau aitai, "ua ni lao tani mai na a sa volai." Ai ina me ua ni dua vei emudou me ena i arua. ⁷ No ocei sa une a ena diudiu vei io ei edra enavo? A cava e notu vei io qa maqa ni soli vei io e soli ve io qa cava ga o qai lai doadaa ina. Me tautavata ga ni semaqa ni soli ve io? E sa soli vei io, a cava ga o qai lai doadoa ina me tauvata ni se maqa ni soli vei io? ⁸ E vavaca e sa notu tauco'o ari a via mau gutia! Qa sa yaco li mudou vutuniyau - Sa teivu me mudou lewa me tautauvata a tui! ni eitou sa maqa ni notu vata ei emudou' io au sa gutia me emudou sa lewa dina me da lewa vata leqa ga ei emudou. ⁹ Au sa nanuma ni sa lesi ei tou a Apositolo ni Alou me eitou muria sara, me eitou tautauvata ei edra sa lesi medra mate. Eitou sa i varatai i vuravura- ve edra a agilosi, ei edra tamata. ¹⁰ Eitou so lialia ena vu'ui Karisito, io o emudou sa vu'u ni dou sa tu vata ei Karisito, eitou sa malumalumu, io dou sa kaukauwa. Emudou sa varo'oro'otai, eitou sa beci. ¹¹ Sa yacova a gauna eitou sa mata ana qa ei tou mata somi, qa eitou sa liva i wale, qa eitou sa vamavoatai, q sa maqa a vanua eitou sa notu ina. ¹² Eitou sa ca'aca'a vakaukauwa ni eitou sa ca'aca'a ga ma ligai eitou. Nida sa vosa vacacatai, eitou sa ca'a are. Ni eitou sa vacacani, eitou sa vosota. ¹³ Ni eitou sa vosa vacacatai, eitou sa vosa vare. Eitou sa yaco me tautauvata ga i soqosoqo ni vuravura ai, ao a duka sa quati mai na a tauco'o ga qa yacovia a siga ni ua. ¹⁴ Ni sa maqa ni vola a ve'a ai me vamaduatai emudou, io au sa vatavulici emudou me mudou varaitainia ni o emudou a oqu gone vamareqeti. ¹⁵ E sa vatini a udolu tai a omudou i vavuvuli vei Karisito sa maqa ni levu a tamamudou qa sa yaco meu tamamudou ena vu'u i Karisito Jisu enai tu'utu'u re. ¹⁶ O oya au sa erei emudou ina mo dou vamurimuri au. ¹⁷ A ina a vuna au sa talai Timoci ina vei emudou, o oya na vananumia na oqu a au dau vele'e vei Karisito me tautau vata niu sa vavulici edra ma a vei vanua tauco'o ena vei soqosoqo lotu tauco'o. ¹⁸ Eso ve emudou sa dau viavialevu ena gauna au dau maqa ni lao waqe ina ve emudou. ¹⁹ Au na qai lao waqe ve emudou e sa lewa a Turaga io qau samaqa ni ila a odravosa o odra sa viavialevu ena kaukauwa ga. ²⁰ A matanitu ni Alou sa maqa ni ani vosa sa ani kaukauwa walega. ²¹ A cava mudou sa gutia? Meu lao waqe vei emudou ni sa tauria a emudou sao se meu lao waqe ina loloma eina yalomalua.