¹ Gauna au lao waqe i na vei emudou o taciqu, au maqa ni lao waqe na voso re se vosa ni vu'u . Ni no vunau tainia a vosa sa ai tai na a Alou. ² A oqu yalo me ua ni ila e dua a tani, Jisu Karisito duadua ni mai lauvao. ³ Au sa no tu vata ei io ena malumalumu ei na levu ni rere. ⁴ A oqu vunau na vosa na vei temai na vu'u ni vosa niu ila ina kaukaua ni yalo vata kaukaua ⁵ ni tu a omudou vabauta o dra vu'u a tamata, la a kaukaua ga ni Alou. ⁶ Ni eitou sa vosa e na vu'u ni edra maliwa odra sa yalomatua sara, e maqa ga na vu'u ni vuravura, se odra vu'u a turaga ni vuravura ai, ni oya sa lao tani. ⁷ Ni eitou sa vosa vei oya a Alou sa ai tai e na a vuni, i'o i yari qa vunitai i mada qa lesia a Alou ni sebere ni vele'e a vuravura a Alou. ⁸ Maqa ni dua a turaga ni vuravura ai sa ila, e dra sa maqa ni dra sa vaotia na kauveilatai a turago vai u'u'u'u ⁹ Baleto ni sa vola, Sa maqa mata sa une, se taliga me rogocia, qa sa maqa ni curu ina loma ni tamata, na veia sa varautainia a Alou me odra sa lomani oya. ¹⁰ Sa vataila mai a Alou ena yalo, ni sa kievia a atauco'o a yalo, io na vei a titobu ni Alou. ¹¹ O cei a tamata sa ila a nai tamata? A yalo, maqa ni dua e ila a titobu ni Alou do ciqo mia ga a yalo tabu ni Alou. ¹² Ia, eda maqa ni siqoma a yalo ni vuravura, a yalo ga mai vei oya a Alou. Meda ia i na a veia sa solia walega vei eda a Alou. ¹³ Vei a ari eitou sa aya leqa, ga, maqa ga ena vosa sa vatavulici na vu'u ni tamata o ya sa vatavulica a yalo tabu, ni eitou va tautauvata taini veia vo yalo ei na veia vayalo. ¹⁴ Ia a tamata sa vayago sa maqa ni vabautia a veia ni yalo ni Alou, ni sa a lialia vei oya ni dra sa ilai va yalo ga. ¹⁵ Ia, oya sa vayalo sa ila a tauco'o, ga sa maqa ni dua e ilai oya. ¹⁶ Io o cei e ila a loma ni turaga, me vatavulici oya ina? Ni sa tu vei eda a loma i Karisito?