¹ Me bau nida sa va'adonui e na va'abauta, e da sa veiduavatata'i ei na Alou, e na vu'u ni noda Turaga 'o Jisu Karisito. ² E na vu'una viroga, sa rawa vei eda me da torova ina va'abauta na loloma e da tu ina e, e da qai marautaina na i nuinui ni nona veiva'alougatatai na Alou. ³ Maqa ni o 'oya wale ga e, e da marau viroga 'e na gauna 'eda sotava 'ina na vei'a rarawa eseo. E da 'ila ni rarawa e tubu 'ina na dau vosota. ⁴ Na dau vosota e tubu 'ina na dauveiva'atovolei, 'ei na dauveiva'atovolei e tubu 'ina na i nuinui, ⁵ 'ei na i nuinui 'arai e maqa ni veiva'amaduata'i baleta ni loloma ni Alou sa sovara'i ina lomada e na vu'u ni Yalo Tabu sa soli mai vei 'eda. ⁶ E na gauna 'eda ma sa malumalumu tu 'ina, sa mai mate na Karisito e na vu'u ni valavala ca, e na 'ena gauna donu. ⁷ Ni sa maqa ni dua me mate me baleta na tamata yalo dodonu, ia e dua e doudou me mate e na vu'una e dua na tamata si'a. ⁸ Ia, na Alou sa va'adinadinata'ina na nona loloma vei 'eda, baleta ena gauna 'eda i valavala ca tu 'ina, na Karisito sa mai mate e na vu'uda. ⁹ Ia, ie ni da va'adonui e na vu'u ni nona dra 'e da sa bula mai na nona nene na Alou. ¹⁰ E na gauna 'e da ma veimeo'ai tu 'ina, 'eda ma sa veiva'aduavatata'i oti vei 'oya na Alou, e na vu'u ni nona mate na Luvena, e da sa va'abulai. ¹¹ Maqa ni o 'oya wale ga e, 'e da va'avinavina'a viro ga vei 'oya na Alou ena vu'ui Karisito Jisu na noda Turaga, eda sa rawata ina na veiva'aduavatata'i e. ¹² Ia, ei me bau na nona i valavala ca e dua ga na tamata sa curu i vuravura, ino salevu voroga e sa basi'a 'ina o mate e na vu'u ni valavala ca. Sa qai yaco na mate vei 'edra tauco'o na tamata e na vu'u ni valavala ca. ¹³ Ni ma sa bera na vunau, sa tu i mada na i valavala ca i vuravura, ia e maqa ni o'ati me i valavala ca ni ma sa maqa nai vunau. ¹⁴ Ma maqa ni dua na'a tu 'o mate mai na gauna i Atama me yacova na gauna i Mosese, vei edra mada ga edra maqa ni valavala ca me ba'a na talaidredre nei Atama, ma e na i va'araitai 'o 'oya ena la'o mai. ¹⁵ Draru maqa ni tautauvata na i solisoli soli wali 'ei na talaidredre. E bau sa mate e dua e na vu'u ni nodra talaidredre e levu na tamata, sana qai va'acava na loloma ni Alou, 'ei i solisoli ni loloma ni lewe dua na tamata, 'o Jisu Karisito, ma mate e na vu'udra na lewe levu. ¹⁶ Na i solisoli e maqa ni bau na'a e yaco e nona i valavala ca na lewe dua na tamata. Na veilewai e muria na i valavala ca e yadia mai na veiva'acacami, ia na loloma e vuraia na i valavala ca, e yadia mai na vei va'adonui. ¹⁷ E bau na nona i valavala ca'e lewe dua ga, sa na gumatua 'o mate ena vu'una, sa na qai va'acava 'o edra na coqoma na loloma ei na i solisoli ni yalododonu, me dra gumatua e na bula e na vu'una na lewe dua 'o Jisu Karisito. ¹⁸ O 'oya 'arai, e na nona i valavala ca e lewe dua, sa yaco 'ina na mate vei 'edra tauco'o na tamata. Sa bau viro ga 'ina na nona i valavala dodonu e dua, sa yaco viro ga 'ina na veiva'adonui 'ei na bula vei 'edra tauco'o na tamata. ¹⁹ E na vu'u viro ga ni nona taleudredre e dua, e levu 'edra sa valavala ca 'ina, 'e bau viro gai 'e na nona talairawarawa 'e lewe dua, e levu 'edra sa va'adonui 'ina. ²⁰ Sa qai yadi mai na i vunau me uasivi, ca'e mai na i valavala ca, sa qai levu ca'e sara na loloma. ²¹ E yaco e baleta, ni sa gumatua na i valavala ca ina mate, sa gumatua viro ga na loloma e na vu'u ni veiva'adonui ina bula tawa mudu e na vu'u i Jisu Karisito na noda Turaga.