¹ Na cava me da qai 'aya? Me da sai valavala ca ti'o qa me rawa ni tubu va'alevu 'ina no loloma? ² Me u'a sona. O 'edra sa mate tu ina i valavala ca, 'e da na bula rawa va'acova ti'o 'ina? ³ O 'ila be'a ni dra ma lewe levu edra ma papitaisota'i vei Jisu Karisito e dra ma papitaisota'i ina nona mate? ⁴ Eda sa bulu 'ina vata 'ei 'oya, ena vu'u ni noda sa papitaisota 'i 'ina nona mate. E yaco e ma ba'a na nona sa va'aturi ca'e viro mai na mate ena kaukauwa nei tamana, sa rawa viroga vei eda me da la'o ina bula vou. ⁵ Ia ie 'ebau 'eda sa duavata ei 'oya ena nona mate, 'eda na duavata viroga 'ei oya ena tuca'e viro mai na mate. ⁶ Eda 'ila eni noda bula taumada ma sa va'oti vata 'ei 'oya me rawa ni va 'arusai 'ina na yago i valavala ca. Ma yaco e me rawa me da 'ua ni qai bobula viro ti'o inai valavala ca. ⁷ O 'ya ma mate sa va'ato'ai me yalo dodonu, ni sa sere 'i mai nai valavala ca. ⁸ E bau 'eda sa mate vata 'ei Karisito, 'eda va'abauta ni da sa bula viro ga vata 'ei 'oya. ⁹ Eda 'ila me ba'u ni sa va'aturi viro mai na mate o Karisito, sa maqa ni rawa ni mate viro, sa maqa ni qai kaukauwa vei 'oya o mate. ¹⁰ Ni sa mate 'o 'oya, sa mate va'adua ga ena vu'u ni valavala ca. Ia na nona bula sa bula vata 'ei na Alou. ¹¹ Ena salevu vata ga e, mudou wili' mutou me mutou sa mate inai valavala ca, ia mudou sa bula vei 'oya na Alou ena vu'ui Karisito Jisu. ¹² O 'oya e, mudou 'ua ni va 'atara nai valavala ca me gumatua 'ina yagomutou sa mate rawa, me mudou muria 'ina na 'ena vei gagadre ca. ¹³ "Ua ni solia na veiti 'i ni yagomudou i na i valavala ca, me ca'a ina na 'aca. Ia mo soli i'o ga vei 'oya na Alou me tautauvata 'ei edra sa la'o tani mai na mate i na bula, qai solia na veiti'i ni yagomu me va'ayagata'i 'ina vei'a dodonu. ¹⁴ 'Ua ni va'atara nai valavala ca me lewai i'o ni mudou sa maqa ni lewai ena vunau, i'a eda lewai ga ena loloma. ¹⁵ Na cava meda qai 'aya? Me da i valavala ca ti'o be'a baleta ni da sa maqa ni lewai ena vunau, ia, eda lewai ga ena loloma? Me 'ua sara. ¹⁶ Mudou maqa be'a ni 'ila, ni'o 'oya amu mudou soli mutou 'ina me mudou nona bobula, 'o 'oya mudou sa talairawarawa 'ina, 'o 'oya ga ena e dodonu me mudou muria? E dina e veitalia 'e 'o bobula i na i valavala ca 'amu basi'a 'ina mate, se'o bobula ina talairawarawa 'amu basi'a ina i valavala doodnu. ¹⁷ Eda va'avinavina'a va'alevu vei 'oya na Alou! Ni 'eda ma bobula tu i na i valavala ca, i'a o ma muria tu ga na i valavala ni va'avuvuli ma soli vei i'o. ¹⁸ O sa va'agalalata'i mai na valavala ca, o sa yaco mo bobula na i valavala dodonu. ¹⁹ Au sa vosa me bau edua na tamata, baleta ni malumalumu na yagomudou. Me bau ni mudou sa solia na veiti'i ni yagomudou me bobula 'ina vei'a du'adu'a ei na vei'a ca, me bau viro ga ena, 'e na gauna e, mudou solia na veiti'i ni yagomudou me bobula ina ina valavala dodonu, me mudou va'adonui 'ina. ²⁰ Ena gauna 'o ma sa bobula tu 'ina i na i valavala ca, 'o ma galala tu mai na i valavala dodonu. ²¹ Ena gauna arai, na vua cava 'o ma rawata mai na vei'a o ma ca'ava 'o 'oya o sa maduatai' na tu e. ²² Ia ei, ni 'o sa galala mai na i valavala ca 'o sa wili mo bobula vei 'oya na Alou, 'o sa tauca na vua ni veiva'adonui. Na ena i sau na bula tawa mudu. ²³ Ni sa ena i sau ni valavala ca na mate, i'a sa i solisoli wale ga ni Alou na bula tawa mudu ena vu 'ui Jisu Karisito na noda Turaga.