¹ Na cava me da qai 'aya ni o Eparaama na tamada va'a yago, raica? ² E bau sa va'adonui va'a yaga o Eparaama, sa qai dua na vuna me do'ai 'oya 'ina, ia e maqa e na mata ni Alou. ³ Na cava e 'aya na i Vola Tabu? "O Eparaama e va'abauta na Alou, qai wili vei 'oya me yalododonu." ⁴ Ie, vei 'oya e ca'aca'a na 'a e saumi ina, e maqa ni wili me loloma ia, sa 'ena i sau ga. ⁵ Ia, evi 'oya e maqa ni ca'aca'a, ia, e va'abauti oya e va'adonuya na 'a e maqa ni va-Alou, na nona va'abauta sa wili me i valavala dodo nu. ⁶ E 'aya viro ga 'o Tevita na 'ena 'alougata na tamata sa wili'a vei 'oya ne Alou na yalo dodonu, e maqa ni ca'aca'a. ⁷ Qai aya- "Sa 'aolougata 'o 'edra sa bo'oci na nodra i valavala ca, sa buluti na nodra ca'a ca'a. ⁸ Sa alougata na tamata sa maqa ni beita'ina vei 'oya na Alou na nona i valavala ca. ⁹ Ia, na 'alougata e ni e nodra ga na cilivi se o 'edra na maqa ni cilivi? Ni da 'aya "Na 'alougata ma wili me nei Eparaama 'e na nona yalo dodonu." ¹⁰ Ia sa qai o'ati va'acava? E na gauna ma cilivi 'ina 'o Eparaama se ma maqa ni cilivi? Ma maqa ni cilivi oit ni ma maqa ga ni cilivi. ¹¹ Ma soli vei Eparaama na i va'ata'ila'ila ni ni vei cilivi. E 'e na i va'ataila'ila ni yalo dodonu ni va'abauta o 'oya ma sa ti'o rawa vei 'oya ni bera ni ma cilivi. Na i sau ni va'ata'ila'ila eni na nona ma yaco me tamadra tauco'o na va'abauta, dina ga ni dra ma maqa ni cilivi. Ena i balebale na yalododonu ena o'ati vei 'edra. ¹² I e viroga 'ena i balebale ni 'o Eparaama ma yaco me tamadra na cilivi, vei 'edra, edra maqa walega ni cilivi, ia 'o 'edra viro ga 'edra muria na i va'arau ni valabauta nei tamada 'o Eparaama ni bera ni ma cilivi. ¹³ Na vosa ni yalayala nei Eparaama 'ei 'edra na nona 'awa, ni na i tau'ei e i vuravura, e maqa ni lao mai e na vu'u ni laqa, ia, e na vu'u ni valavala dodonu ni va'abauta. ¹⁴ Ia, e bau 'edra i tau'ei 'o 'edra, 'e dra bulata'ina na i vunau, sa qai 'a walega na va'abauta, qai va'atawayagata'i na vosa ni yalayala. ¹⁵ Ni vunau e yadia mai na veineneti, ia na vanua e maqa 'ina na vunau, e maqa ina na i valavala ca. ¹⁶ E na vu'u ni 'a e ni, e na vu'u ni vaabauta, me yaco na vosa ni yalayala me 'a ni loloma ,e va'adeita'i vei 'edra tauco'o na 'aqa i Eparaama, maqa ni vei 'edra walega sa tu vei 'edra na vunau, ia vei 'edra viro ga 'edra wasea na va'abau'ti Eparaama, 'o 'oya e tamada tauco'o; ¹⁷ Me bau sa volai, "Au sa va'ayaconi i'o mo tamadra na veimatanitu va'a levu." 'O Eparaama ma ti'o i na mata i 'oya sa va'abauta, i 'a rai na Alou, 'o 'oya e solia na bula vei 'edra na mate, qai 'aciva na vei'a e maqa ni bula me dra bula. ¹⁸ Ia ni sa maqa na 'a me va'anuinui 'ina, ni na yaco me tamadra na veimatanitu va'alevu, me bau na vei'a sa tovo li oti vei 'oya, "Me bau viroga na nomu 'awa." ¹⁹ Ni sa maqa ni malumalumu na nona va'abauta sa va'ananuma ni sa mate nayagona (baleta ni sa vole'a ni yaba i duanadrau) - qai va'ananuma na mate ni 'ete i Sera. ²⁰ Ia, baleta na vosa ni yalayala ni Alou, e maqa ni tarova na tawa va'abauta nei Eparaama. Ia, sa va'akaukauwata'ina na nona vea'abauta qai va'alagilagi a na Alou. ²¹ A sa va'adinata sara ni 'a yalata'ina na Alou, e na va'aycora viro ga. ²² 'O 'oya 'ina 'arai ma sa o'ati viroga vei 'oya na yalododonu. ²³ Ie, sa maqa ni volai walega me baleti 'oya ia sa o'ati viro ga 'ina. ²⁴ Ma volai viroga me baleti 'eda, ni sa o'ati viro ga vei 'eda, 'eda sa va'abauti 'oya, ma va'aturi Jisu na nona Turaga ma i na mate. ²⁵ 'O 'oya e ni, ma soli 'oya ca'e e na vu'u ni noda i valavala ca qai tu ca'e viro me da va'adonui 'ina.