¹ Ni sa sinai o Jisu ena Yalo Tabu, ena loma ni leutu. ² E na loma ni vasagavulu na siga sa veretaini oya na Tevoro. Sa maqa ni ania e dua na a ena veisiga, sa oti sa qai dei ana. ³ Sa qai tovola na Tevoro vei oya, "E bau o sa luve ni Alou, mo viuca na veivatu eni mei buli madrai." ⁴ Sa qai sauma o Jisu, "Ni sa volai, sa maqa ni bula na tamata ena madrai duaduaga." ⁵ A sa yadi Jisu cae i na ulunivanua na Tevoro qai va'araitaina vei oya na matanitu tauco'o e vuravura! ⁶ Sa qai vosa na Tevoro vei oya, "na lewa ni a tauco'o au na solia vei io ei na edra i u'uu'u tauco'o ni sa soli mai vei au, au na qai solia vei oya au siata. ⁷ E va'a, o va'aro'oro'o vei au ena qai nomu." ⁸ Ia qai sauma o Jsiu, "ni sa volai mo va'a ro'oro'o vei Jiuva, mo qaravi oya duadua ga. " ⁹ Sa yadi Jisu i Jerusalemi na Tevoro qai biuti oya ena dela ni vale ni soro ma qai tovola na Tevoro vei Jisu. "e va'a nio sa luve ni Alou, mo ula sobu mai ra. ¹⁰ Ia ni sa volai, 'Ena va'asalataini edra na Agilosi mecha na qai maroroi io.' ¹¹ Ia, "Ena qai laveti io ca'e ena ligadra me ua ni tavutu na tuwamu ena vatu." ¹² Sauma mai o Jisu qai aya, "mo ua ni va'atovolea va'aca na nomu Alou." ¹³ Ia ni sa va'atovolei Jisu oti na Tevoro, a sa lao tani mai vei oya me yacova viro na dua na gauna. ¹⁴ A sa leso o Jisu e Kalili ena kaukauna ni Yalo Tabu, ia nai tu'u tu'u baleti oya e sa vobota na veivanua tauco'o. ¹⁵ A sa veiva'atavulia o oya ena nodra vei valenilotu, edra sa doai oya na tamata tauco'o. ¹⁶ A sa yaco i Nasareci, na vanua ma susugi ina, ia me bau na nona i valavala, e curuma na valenilotu ena siga ni va'a cecegu a sa tu cae me wili vola. ¹⁷ A sa soli vei oya na i vola nei Aisea na Parofita. Ia sa tevua na i vola qai raica na ti'ina sa volai ina. ¹⁸ "Sa tu vei au na yalo i Jiova, baleta ni sa lumuti au me'u vunautaina na i tu'u tu'u sia vei edra na dravudravua. Meu vunautaina na veiserei vei edra na bobula, ei na rai viro vei edra na matabo'a. me'u serei edra era sa mavoa. ¹⁹ Me'u vua taina na yabai oia i Jiova. ²⁰ A sa viviga na i vola, qai solia vei oya na i Talatala a sa tio sobu. E dra sa raici oya matua na tamata tauco'o edra tio ena vale ni soro. ²¹ Sa qai vosa vei edra o oya, "Ni ua sa na va'ayacori na vosa ni vola Tabu me mudou rogoca." ²² E dra sa va'adinadina vei oya o edra tauco'o ena vu'u ni vosa sia sa lao mai dra'ana. Edra sa aya, "sa maqa li ni luvei Josefa o oya eni?" ²³ Sa aya vei edra o oya, "E dina ga ni mutou na vosataina vei au na i bole eni, Vuniwai, va'abulai io mada. Ei na atauco'o eimami rogoca ni o ca'a va tio mai Kapenaumi, mo coia va viro ga ina nomu tanua." ²⁴ Sa qai aya, o oya, Au sa tovola va'adina vei mudou, sa maqa ni yaga na Parofita ena nona vanua. ²⁵ Au sa tovola dina vei mudou ni sa levu na yada e Isireli ena gauna i. Ilaijia, sa donuya ni sa tasogo ina na lomalagi ena yabai tolu ono na vula sa qai lao mai na dausiga levu sa robota na vanua tauco'o. ²⁶ A sa maqa ni talai o Ilaijia vei dua vei edra eni, vei oya ga na yada mai Sarepita, ena vanua va'a sai toni. ²⁷ Edra lewe levu na vuavua e Isireli ena gauna i Ilaisa na parofita, e maqa ni dua vei edra ma va'a savasavatai o Nemani ga na ai Siria." ²⁸ Edra tauco'o na tio i vale ni Lotu edra sa rere ni sa rogoca na i tu'u tu'u. ²⁹ Sa qai tucae, qai biligi oya ena i taucau ni oro, edra sa yadua ena bati ni qonioro sa tara tu ina na nodra oro, me ra biligi oya mai na bava ni savu. ³⁰ Sa lao siviti edra me lao viro ena dua na vanua. ³¹ A sa lao sobu i Kapenaumi, na oro mai Kalilis qai teivu me va'atavuvuli ena siga ni va'acecegu. ³² E ra sa urabui ena nona va'atavuvuli, baleta ni oya e vosa ena nona kaukauwa. ³³ Ena loma ni vale ni Lotu sa tio ina e dua na tamata e curumi Tevoro, qai tagi ena domo levu. ³⁴ "Na cava me eitou ca'ava vei io, Jisu na ai Nasareci. O, lao mai mo mai va'acacani eitou? au sa ilai io-na nona Le Duan Va' Alou. ³⁵ Jisu sa adavatani na Tevoro, qai aya "Ua ni vosa" lao tani mai vei oya. "Sa qou viritaini oya na Tevoro ina edratou maliwa, sa lao tani mai vei oya, a sa maqa ni va'amavoatai. ³⁶ Edra urabui na tamata, edra sa qai veitalanoataina na vei a ma yaco. Edra qai aya? Na vosa cava bea e? Qai va'aroti ira na yalo velavela ei na lewa e i na kaukauwa. ³⁷ A sa rogo levu na i Tu'u tu'u me baleti oya ena veiyasana tauco'o. ³⁸ Sa lao tani mai na valeni soro o Jisu me lao i na vale nei Saimoni. Ma tauvimate na vugoi Saimoni, tauvi oya edua na ata'ata, sa qai masuti oya ena vu'una. ³⁹ Edra qai tusae qai va'arota na ata'ata qai biuti oya. Va'asauri sa qai bula, tuca'e sa teivu me qaravi dratou. ⁴⁰ Ni sa dromu na siga, edra sa yadia mai na veimataqali tauvimate vei Jisu. A sa tabai edra ena ligana qai levu vei edra sa va'abulai. ⁴¹ Sa levu na Tevoro sa lao tani vei edra, era tagi qai, aya! O io na luve ni Alou ! Sa qai va'arota o Jisu na Tevoro, edra maqa ni laiva medra vosa, ni sa ila ni sa Karisito o oya. ⁴² Ia ni sa ida mai na siga, Sa qai lao tani ena dua na vanua lala. Edra lewe levu edra va'araici oya ena vanua ma tio ina. E dra saga me tio voli ga, vata ei edra o Jisu me ua ni lao. ⁴³ Sa qai vosa vei edra, "O au, me'u lao me'u lai vunautaina na i tu'utu'u sia ni matanitu ni Alou ina veivanua, baleta i e na au ma talai mai ina." ⁴⁴ Sa va'ateivu o oya me vunau ina veivale ni Lotu ina vanua tauco'o o Jiutia.