¹ Ma yaco na 'a eni, 'e na gauna 'edra ma asoti Jisu wavoi tu'ina na tamata me dra va'arogoca tu na vosa ni Alou, 'ena nona ma tuca'e tu i na yasa ni drano mai Kerisareti. ² Ma raica e rua na waqa ni draru sa 'ele mai i na bati ni drano. Edratou ma sobu mai 'ina na dauaoli me dratou mai savata na nodratou lawa. ³ A vodo 'o Jisu i na waqa nei Saimoni qai 'aya vei, 'oya me biuta rna nona lawa i qai, va'ayawa mai vanua mamaca. Sa qai ti'o sobu me va'avulici 'edra na tamata 'edra ma maqa ni vodo tu i naqa. ⁴ Ni sa oti na nona vosa, sa qai 'aya vei Saimoni, "Yadia na waqa i vanua nubu qai biuta 'ina na lawa me so na qoli." ⁵ A sauma 'o Saimoni qai 'aya, "Va'avuvuli, eitou ca'aca'a tu i na bogi tauco'o, 'eitou maqa ni rawata e dua na 'a, ia, 'e na nomu vosa, au sa na biuta sobu na lawa." ⁶ Ni dratou sa ca'ava 'arai dratou sa rawata e va'alevu na qoli, sa 'acabote na nodratou lawa. ⁷ Dratou sa qai 'aya vei dratou na nodratou i lala i na waqa 'a dua me dratou mai vu'ei dratou i na tobo qoli. Dratou sa la'o mai, dratou sa va'asinaita rurua na waqa i na qoli, sa teivu me lutu dromu na waqa ruarua. ⁸ Ia 'o Saimoni Pita ni sa raica na'a sa yaco, sa cuva sobu i na tuwai Jisu, qai 'aya. "Lao tani mai vei au niu sa tamata i valavala ca Turaga." ⁹ Sa 'idroa 'o 'oya vata 'ei 'edr na tu vata 'ei ' ya i na vanua ni qoli. ¹⁰ Ie, ma wili'ina 'o Jemesa 'ei Joni 'o draru na luvei Sepeti, drauru ma i lala vata 'ei Saimoni. Sa 'aya 'o Jisu vei Saimoni, "Uwa ni rere, baleta te'ivu e ni me la'o ya'e 'o na dau ni qoli ni tamata." ¹¹ Ni dratou sa yadia mai vanua na nodratou waqa, dratou sa biuta na 'a tauco'o me dratou muri Jisu. ¹² I na gauna ma tio, voli ina i na dua na oro levu, ma ti'o voli 'ina e dua na tamata tauvi vu'avu'a. Ni sa raici Jisu, sa cuva va'atoboicu qai va'amasuti 'oya qai 'aya, "Turaga, 'e o si'ata, 'o na rawa ni va'asavasavata'ini au." ¹³ Sa qai dodo'a ya'e na ligana o Jisu qai tarai oya qai 'aya "Ay sa si'ata mo savasava." Va'asauri sara sa leva na vu'avu'a i yagona. ¹⁴ Sa va'aroti 'oya me 'uwa ni tovola vei dua, qai va'aroti 'oya "Mo la'o vei 'oya na bete mo la'i va'araita'ini i'o 'ina, mo va'acabora na nomu va'avinavina'a e na nomu sa sava sava, me bau na i va'avo nei Mosese, me dua na tovoli yalo vei edra." ¹⁵ Ia, na i tovotovo me baleti 'oya sa robota ya'e na veivanua, 'edra sa la'o va'a lewe levu mai na tamata me dra rogoci 'oya. Me dra va'abulai viro ga e na nodra tauvi mate. ¹⁶ Ia, sa dau la'o tani ya'e i na vanua lala me la'i masu. ¹⁷ Ma yaco i na dua na siga, ni ma va'a tavuvuli ti'o, ma so na Farisi 'ei na so na qasenivuli ni lawa edra ma ti'o viro ga i 'arai 'edra ma la'o mai na so na vei'oro'oro ina veivanua va'a Kaleli 'ei Jiutia; ei na so viro ga mai na 'oro levu mai Jerusalemi. Na kaukauwa ni Alou ma sa ti'o vata 'ei 'oya me veiva'abulai. ¹⁸ Ia, dratou ma la'o mai e so na tamata, dratou ma laveta ti'o mai e dua na tamata tauvi paralasi i na dua na loga, dratou ma sasaga voli me dratou va'otori 'oya i na mata i Jisu. ¹⁹ Dratou ma maqa ni yadi oya rawa i loma ni vale ni ma sa 'osodrigi i na levu ni tamata 'edra qai sa veioso'osoti. Dratou sa qai 'aba ca'e i dela ni vale, dratou basu'a e dua na ti'i ni dela ni vale, dratou sa qai va'alutulututaini 'oya sobu mai i na nona loga, qai mai oto sara 'i na matai Jisu. ²⁰ Sa raica na nodratou va'abauta 'o Jisu, sa 'aya, "Tagane, so vosoti na nomu i valavala ca." ²¹ SA te'ivu me dra va'ataroga na Farisi 'ei 'edra na vunivola, 'e dra sa 'aya, " 'O cei eni sa vosa va'acacata'ina na Alou? 'O cei e rawa ni vosota na i valavala ca, na Alou duaduaga?" ²² Ia, 'o Jisu ni sa qai 'ila na nodra va'anananu sa 'aya vei 'edra, "Na cava na vuna miau sa taroga ti'o ina na taro eni i na lomamiau?" ²³ Na cava e rawarawa me tovoli "sa vosoti na nomu i valavala ca" ; se me tovoli "Tu ca'e mo la'o?" ²⁴ Ia, mo rawa viroga ni ila ni tiovei 'oya na luve ni tamata na kaukauwa me vosota na i valavalala ca e vuravura; sa 'aya vei 'oya na tamata tauvi paralasi. Au sa 'aya vei i'o, "Tu ca'e tara na nomu loga, la'o i na nomu vale." ²⁵ I na gauna vata ga 'arai sa tu ca'e i mata dra na tamata, tara ca'e nona loga ma 'o tora 'oto qai la'o tani ya'e i nona vale, qai va'alagilagia na Alou. ²⁶ E dra ma 'idroa tauco'o na tamata, e dra qai va'alagilagia na Alou. Sa curumi 'edra na rere, 'edra qai 'aya. "Eimami sa qai raica va'adua e dua na 'a duatani ni ua." ²⁷ Ni sa yaco oti na vei'a eni, sa la'o tani mai 'arai 'o Jisu qai raica Livai, e dua na dau'umuni va'acavacava ni ti'o voli i na nodra vale laca na dau 'umuni va'acavacava. Sa 'aya vei 'oya, "Muri au." ²⁸ Sa tu ca'e o Livai, biuta tu na 'a tauco'o qai muri 'oya. ²⁹ Sa qai va'arautaina 'o Lovai e dua na magiti levu me baleti Jisu i na nona vale. E le levu na dau 'umuni va'acavacava 'e i na so viro ga na tamata 'e dra ma ravi ti'o i na ru'u ni tepeli me dra 'ana. ³⁰ Ia, o 'edra na Farisi 'ei 'edra na vuni vola 'e dra ma va'a tovotovo ti'o vei dratou na tisaipeli, "Na cava na vuna mutou sa 'ana mutou unu 'ina vata 'ei 'edra na dau'umuni va'acavacava 'ei 'edra na tamata i va'avala ca?" ³¹ Qai sauma 'o Jisu vei 'odra, "A maqa ni yaga na vuniwai vei 'edra na buta si'a, o yaga ga vei 'edra na tauvi mate, ³² Au maqa ni la'o mai meu 'acivi 'edra na yalododonu, 'o edra ga na tamata i valavala ca me dra veivutuni." ³³ E dra sa 'aya vei 'oya, "O edra na tisaipeli nei Joni 'edra dau lolo, 'eo dra dau masu, 'e 'edra viro ga na tisaipeli ni Farisi 'e dra dau ca'ava. Ia, o 'edra na nomu tisaipeli 'edra dau 'ana, 'edra dau unu." ³⁴ Sa 'aya vei 'edra 'o Jisu, "E rawa ni dua e ca'ava me dra lolo na we'a ni tagane sa qai va'awati ni sa ti'o tu ga vata 'ei 'edra na tagane sa qai va'awati?" ³⁵ Ia, 'ena yaco mai na siga 'e na yadi tani 'ina mai vei 'edra na tagane sa qai va'awati, ia, e na siga 'ara i 'edra na qai lolo." ³⁶ Sa qai 'aya vei 'edra e dua na vosa va'atautauvata o Jisu, "A maqa ni dua e dresu'a mai na ti'i ni sulu vou qai va'ayagata'ina me potana 'ina na i sulu matua- E bau 'a ca'ava 'arai, e na dresu'a na i sulu vou, e i na ti'i ni sulu mai na i sulu vou, qai maqa ni semati vata tawa ni ti'i ni sulu vou vata ei na ti'i ni sulu matua. ³⁷ A maqa nidua e biuta na waini vou vata i na 'uli ni vaini matua. E ca'ava arai, na waini vou e na basu'a na 'uli ni vaini, 'e na qai tasove na waini, e na qai va'acacani na uli ni vaini. ³⁸ Na waini vou e dodonu me biu i na uli ni vaini bulabula. ³⁹ A maqa nidua sa unuma oti na waini matua me si'ata na waini vou, qai aya, "E a sia cae na waini matua."