¹ Ia ena i atinialima ni yabai sa tui ina o Tiperiu Siea a sa Kovana mai Jutia o Ponitio Pailato, a sa turaga mai Kalili o Eroti, a sa turaga mai Ituna ei na vanua o Tirakoniti o Filipi na tacina, a sa turaga mai Apilini o Lisania. ² Ni sa bete levu o Anasa ei Kaiafa, sa qai yaco na vosa ni Alou vei Joni na luve i Sakaraia e loma ni vanua. ³ A sa la'o mai o 'oya i na veiyasana tau co'o sa volea i na, Joritani, a sa vunautaina na nodra papitaiso o edra na veivutuni me bo'oci ina na i valavala ca. ⁴ Me bau sa volai ena i vola nei Aisea na Parofita, ni sa aya, "A domo ni dua sa aciaci e loma ni vanua. "Mutou samaina na salevu i Jiova, ca'ava me dodonu na nona salatu. ⁵ Ena va'acerei cae na buca tauco'o ena va'aloloviratai na qonioro ei na vanua delana tauco'o. E na va'adodonutai na'a sa veve. E na va'a logalogasiatai na salevu sa vu'usu'ura, ⁶ E na raica viro ga na vuni bula mai vua na Alou na tamata tauco'o." ⁷ Sa vosa o Joni vei edra na lewe levu medra mai papitaisotai vei oya. O emutou na awa ni gata! O cei sa va'asalataini miau, me miau vuli tani mai na vei'a rarawa sa bera mai? ⁸ "O oya, miau miau vuataina na vua e dodonu ei na veivutuni, 'eda aya ni tamada o Eparama; au sa tovola ni Alou e rawa ni va'atubuta na luve i Eparama mai na vei vatu eni. ⁹ Na matau sa ta ina na wa'a ni acu. Na acu tauco'o sa vua taina na vua ca sa dodonu me ta tani me biu i na bu'a." ¹⁰ Edra sa taroga tio na lewe vuqa, "Na cava me eimami ca'ava?" ¹¹ Sa qai sauma o'oya vei edra. "E bau e rua na nonu i sulu, mo wasea vei oya a maqa na nona, o oya e tio vei oya e so na magiti me ca'ava viro ga bau era." ¹² Sa lao mai vei oya o edra na dau umuna na i va'acavacava medra papi taisotai, edra sa tarogi oya, "Va'avuvuli na cava me eimami ca'ava?" ¹³ Sa qai aya vei edra, "Ua ni soqona vata na i lavo me solia mai na wiliwili ma tovoli vei io mo soqona." ¹⁴ E so na sotia edra sa tarogi oya, "Sa va'acava o eitou? Na cava me eitou ca'ava?" Sa qai aya oya, "Ua ni tara mai na i lavo ena salevu kaukauwa ua ni beitaina va'ailasu e dua. Mo va'acegu tio ina emu i sau." ¹⁵ Na gauna edra waraina tio ina me lao mai na Karisito, edra sa qai nanuma i lomadra ni sa i Joni na Karisito. ¹⁶ Sa qai sauma o Joni vei edra, "O au sa veipapitaisotai ena wai, ia e dua sa lao mai sa kaukauwa ca'e vei au, sa maqa ni rawa vei au me'u serea na wani nona vava. Ia ena veipapitaisotai ena Yalo Tabu ei na buawaqa." ¹⁷ Sa tara e ligana na i sivi ni sila, sa va'asavasavataina na sila ni nona rara, sa binia vata na sila ena nona lolo. E na qai va'atara na qana ena bu'awaqa ena maqa ni loaci rawa." ¹⁸ Sa levu viro na vunau sisia sa a'ya 'o ua vei edra na tamata. ¹⁹ Ni sa vunauci oti o Eroti na turaga me baleti Eroti asa na wati tacina, ei na aca tauco'o sa ca'ava o oya. ²⁰ Ma qai va'aiuritaina sara va'alevu, ni sa qai sogoti Joni i vale ni veivesu. ²¹ Ia ni sa papitaisotai na tamata tauco'o, sa papitaisotai viro ga o Jisu, ia ni sa masu tio o'oya sa qai tawase rua na lomalagi. ²² A sa lao sobu va'ayago mai vei oya na Yalo Tabu, me bau na vuve, sa qai rorogo mai edua na domo mai lomalagi." O'io na noqu yaqiti va'amareqeti au sa dau lomana va'avevu. ²³ Ni sa yabai tolusagavulu o Jisu, sa teivu me va'atavuvuli. O Oya na luvei Josefa, na luvei Ili. ²⁴ O oya na luvei Macati, na luvei Livai, na luvei. Meliki, o oya na luvei Janai, na luvei Josefa. ²⁵ O oya na luvei Maaceia, na luvei Emosi, na luvei Neumi, na luvei Esili, na luvei Nake, ²⁶ O oya na luvei Ma'aci, na luvei Mataceia, na luvei Semei, na luvei Josefa, na luvei Juta. ²⁷ O oya na luvei Joana, na luvei Risa, na luvei Serupepeli, na luvei Salacieli, na luvei Niri. ²⁸ O oya na luvei Meliki, na luvei Ati, na luvei Kosami, na luvei Elimotami, na luvei Eri. ²⁹ O oya na luvei Jose, na luvei Eliesa, na luvei Jorima, na luvei Macati, na luvei Levi. ³⁰ O oya na luvei Simioni, na luvei Jutasa, na luvei Josefa, na luvei Jonani, na luvei Elaiakimi. ³¹ O Oya na luvei Melea, na luvei Menani, na luvei Mataca, na luvei: Necani, na luvei Tevita. ³² O oya na luvei Jese na luvei Opeti, na luvei Poasi, na luvei Salimoni, na luvei Nasoni. ³³ O oya na luvei Aminatapi, na luvei Erami, na luvei Esiromi, na luvei Feresi. ³⁴ O oya na luvei Jekope, na luvei Aisake, na luvei Eparama, na luvei Tera, na luvei Neori. ³⁵ O oya na luvei Seruka, na luvei. Rekau, na luvei Peleki, na luvei Eperi, na luvei Sela. ³⁶ O oya na luvei Keinana na luvei Afakisati, na luvei Semi, na luvei Noa, na luvei Lemeki. ³⁷ O oya na luvei Macisela, na luvei Inoki, na luvei Jereti na luvei Malelili, na luvei Jeinana. ³⁸ O oya na luvei Inosi, na luvei Seci, na luvei Atama, na luveni Alou.