¹ Ia me da biuta tani na va'ateivu ni va'avuvuli 'ei Karisito me rawa ni da toso i mada me da rawata na matua ni bula. Me da 'ua viro ni tara na yavu ni vei vutuni mai na ca'aca'a sa mate tu 'ei na va'abauta na Alou, ² maqa e na yavu ni va'avuvuli ni papitaiso, se na veitaba'i ni liga na tuca'e viro mai na mate vata 'ei na veilewai tawa mudu. ³ 'Eitou na ca'ava viroga eni 'e va'atara na Alou. ⁴ Ni sa maqa ni rawa vei 'edra ma sa va'araramata'i oti, o 'edra sa tovolea na i solisoli mai lomagali, o 'edra ma va'aivotavota 'e na Yalo Tabu, ⁵ vata 'ei 'edra sa tovolea na 'a si'a ni vosa 'si'a ni Alou, 'ei na kaukauwa ni gauna 'e na nuri mai, ⁶ ia 'edra ma sa vu'i tani mai- sa bau dredre ma dra va'a lesu i viro mai me dra rawata na veivutuni. Na vuna eni baleta ni dra va'aota viro na Luve ni Alou me baleti 'edra, 'edra qai va'amadua ta'ini 'oya e na matadra na lewe levu. ⁷ Ni vanua e na unuma na uca, sa dau tau va'atausoso ti'o qai va'asucuma na vei acu yaga me baleti edra na tamata ma ca'aca'ata'i me baleti edra na dre'a - na dre'a eni 'e na va'alougatata'ina na Alou. ⁸ Ia, 'e bau a tubu 'ina na a'cu va'avotona 'ei na soni, sa maqa na 'ena yaga ni sa vole 'ata na veineneti. Na 'ena i tinitini na 'ata 'e na bu'a waqa. ⁹ Ia 'eitou sa va'adeita'ina na vei 'a si'a me baleti 'emudou na daulomani, na vei 'a me baleta na nomudou va'abulai dina ga ni 'eitou vosa ti'o bau eni. ¹⁰ Baleta na Alou sa maqa ni tawadodonu sara me na manisegata'ina na nomudou ca'aca'a 'ei na loloma dou sa va'araita'ina e na vu'u ni yacana, baleta na nomudou qaravi 'edra na tamata lotu me yacova mai eni. ¹¹ 'Eitou godreva va'alevu vei 'emudou va'ayadua mudou gumatua me yacova na i va'ata oti oti me rawa ni va'adeita'i na nomudou i nuinui. ¹² Na vuna eni me 'emudou na 'ua ni vucesa ia mudou va'amurimuri 'edra sa tau'ei ni vosa ni yalayala e na vu'u ni nodra va'abauta 'ei na nodra dau vosota. ¹³ Ni gauna ma vosa ni yalayala 'ina na Alou vei Eparayama, ma bubului ga va'ata'ini oya, baleta ni maqa ni rawa ni bubului vei 'oya e levu ca'e mai vei 'oya. ¹⁴ Sa 'aya, "Au na va'alougatata'ini i'o va'adina, au na qai va'alevulevui i'o sara va'alevu." ¹⁵ 'E na salevu vata eni ma rawata 'ina i 'Eparayama na 'a ma yalata'i ni oti na nona ma vosota to'a me wawa. ¹⁶ Ni o 'edra na tamata 'edra bubului vei 'oya e levu ca'e mai vei 'edra. 'E na gauna e dau oit 'ina na nodra veileti, sa dau 'ena i va'adei na vosa ni bubului. ¹⁷ 'E na gauna dau va'ita 'ina na Alou me va'araita'ina va'amatata vei 'edra na i tau'ei ni vosa ni yalayala, na 'ena tudei na tauco'o ni nona i na'i, sa dau va'adeita'ina e na vosa ni bubului. ¹⁸ Sa dau ca'ava eni baleta mai na rua na 'a sa maqa ni veisau rawa - o 'oya sa maqa ni rawa 'ina vei 'oya na Alo me daci - o 'eimami sa vuli tani mai me va'a yasava na navua ni va'acegu, e na va'ayaloqaqata'ini 'eimam'i me 'eimami tara dei to'a na i nuinui sa tu e na mata i 'eimami. ¹⁹ Sa tu vei 'eimami e dua na 'a dei qai va'anuinuita'i me 'ele'ele ni yalo na i nuinui sa curuma na loqi tabu sara 'e na ta'u ni lati, ²⁰ na vanua ma curuma taumada o Jisu, sa curu 'ina 'e na vu'uda. Sa yaco o 'oya me bete levu tawamudu 'e na i tuvatuva nei Melekiseteki.