¹ O 'edra va'ayadua na bele levu s digita'i mai vei edra na tamata, sa lesi me dra matata'ini 'edra na tamata e na vei 'a me balesa na Alou, me dra na va'acabora na 'a ni loloma 'ei na 'a ni va'acabo isoro ni valavala ca. ² Sa rawarawa vei 'oya me lomani edra na sesewa 'ei edra sa va'acalai, baleta ni o 'oya sa rawa viroga me malumalumu. ³ Me baleta na 'a eni o 'oya virogo e dodonu me va'acabora na i madrali ni nona i valavala ca me bau ga ma ca'ava e na nodra i valavala ca na tamata. ⁴ Ena maqani dua na tamata e na va'aro'oro'ota'ini 'oyaga va'ata'ini 'oya. Ia, sa 'acivi na Alou me bau ga o Eroni. ⁵ Me bau viroga eni sa maqa ni do'ai 'oya na Karisito me dua na bete levu, ia ni dua sa vosa e na vu'una, sa 'aya, "O i'o na Luvequ; ni 'ua au sa wili me Tamamu." ⁶ Me bau ga na nona vosa, "O i'o na bete tawamudu me bau ga o Melikiseteki." ⁷ E na veisiga ni nona bula voli va'atamata na Karisito, sa va'acabora oti na masumasu 'ei na dau 'ere'ere, 'ei na nona tagi va'ararawa, 'ei na wai ni matana vei 'oya na Alou, o 'oya sa rawata me va'abulai 'oya mai na mate; ma rogoci ga e na vu'u ni nona Dula savasava. ⁸ Sa dina ga ni sa Luvena o 'oya, sa vulica na talairawarawa mai na vei 'a rarawa ma sotava. ⁹ O 'oya ma va'arauco'ota'i, me yaco vei 'eda tauco'o sa va'abauti oya me vu ni bula tawamudu. ¹⁰ Sa 'acivi 'oya na Alou me bete levu me bau na i valavala nei Melekiseteki. ¹¹ E levu na 'a 'eitou dei tovola me baleta Jisu, ia, sa dredre ni 'eitou va'amacalata'ina baleta ni maqa vei emudou na taliga rogo. ¹² Sa dodonu 'ena gauna eni me mudou va'avuvuli, sa gadrevi e dua me va'atavulici 'emudou e na i va'a vuvuli ni tu'utu'u ni Alou. Dou gardreva na wai ni sucu, maqa na magiti kaukauwa. ¹³ O 'oya sa unuma na wai ni sucu, sa maqa ni 'ila va'as'ia na i va'avuvuli ni yalododonu baleta ni sa yaqiti ga. ¹⁴ Na magiti kaukauwa sa 'edra na matua. Ieni o 'edra, baleta ni dra sa matua sa ti'o na nodra 'ila me dra va'arauta'ina na yalodra mai vei 'oya na vu ni ca.