¹ O 'oya e me da qaqarauni sara, me 'ua ni dua vei 'eda me maqa ni yacova na'a e yalatai, 'amu ma bi'u tu mai vei 'eda me rawa ni da curu i na nona i va'ava'acegu na Alou. ² Ni ma sa vunauta'i viroga vei 'eda na i tu'utu'u si'a me bau viroga ma vunauta'i vei 'edra. Ia, na i tu'utu'u e maqa ni yaga vei 'edra na maqa ni duavata e na va'abauta, vata 'ei 'edra na talairawarawa 'ina. ³ O 'edra ga na va'abauta 'e dra na curu i na i va'ava'acegu 'arai, me bau e 'aya, "Me bau au ma bubului e na noqu rarawa, 'edra na maqa sara ni curu ina noqu i va'ava'acegu." Dina ga ni sa oti na nona ca'aca'a mai na te'ivu'ei vuravura. ⁴ E vosa ti'o 'o 'oya me baltea na i 'a vito ni siga: "E va'acegu na Alou mai na nona ca'aca'a tauco'o e nai 'avitu ni siga." ⁵ E na yatuvosa ga arai e 'aya ina o 'oya, "E dra na maqa ga ni curu i na noqu i va'ava'acegu." ⁶ E dina ga ni sa macala tu ni so 'edra na curu ina nona i va'ava'acegu, ia o 'edra ma rogoca ni ma vunauta'i vei 'edra na i tu'utu'u si'a e, 'e dra na maqa ga ni curu 'ina baleta, na nodra talaidredre. ⁷ Ma qai lo'uca viro e dua na siga na Alou ma va'ato'a "Niua." Ni oti e dua na gauna sa qai vosa vei Tevita, me bau ma sa tovoli taumada, "Niua e bau o rogoca na domona, 'ua ni va'akaukauwata'ina na yalomu." ⁸ Me bau sa solia ve 'edra na i va'ava'acegu 'o Josua, na Alou e maqa ni vosata'ina viro e dua na siga. ⁹ E dina se ti'o ga na Siga Tabu, e va'arauta'i tu me nodra i va'ava'acegu na tamata ni Alou. ¹⁰ Ia, o 'oya sa curu ina nona i va'ava'acegu na Alou, sa va'acegu viro ga mai na nona ca'aca'a, me bau viro ga ni valacegu na Alou mai na nona. ¹¹ O 'oya 'arai me da gumatua sara meda curu ina nona i va'avoaacegu baltea me 'ua ni dua e co'o ina mataqali talaidredre 'edra ma ca'ava. ¹² Ni sa bula na Vosa ni Alou, qai kaukauwa, qai gata, e pucu ga na i sele i wau bati rua. E sua'a qai wasea rua na lomada, ei na veisema ni yago e'ei na dua, qai 'ila rawa na i na'i 'ei na va'anananu ni lomada. ¹³ E maqa ni dua na e ca'a me vunita'i i na mata ni Alou. Ia, na 'a tauco'o e 'unei sara tu ga va'amatata ina matai 'oya e da va'atutusa 'ina. ¹⁴ Ia, ni sa dua na noda Bete Levu o 'oya sa la'o ca'e i lomalagi 'o Jisu Karisito na Luve ni Alou, me da tara dei na noda va'abauta. ¹⁵ Ni sa maqa ni dua na noda bete levu me maqa ni lomani 'eda mai na noda malumalumu. Ia, e dua e tema'i viroga me bau o eda, ia o 'oya e maqa na nona cala. ¹⁶ 'O 'oya me da qai toro doudou i na i ti'oti'o va'aturaga loloma, me da une loloma ina, qai si'ati viro ga 'ina me vu'ei 'eda ena gauna 'eda gadreva 'ina.