¹ 'O 'oya e o mutou na veiwe'ani yalosavasava mutou wasea vata na vei acivi vaalomalagi. Va'ananumi Jisu, na Bete Levu ei na I Apositolo eda va'atusa ti'o. ² Dau yalodina o 'ya vei 'oya na Alou, 'amu ma digita'ini 'oya, me bau ga na yalodina nei Mosese i na vale ni Alou. ³ E dodonu me do'ai va'alevu o Jisu mai vei mosese, baleta ni sa do'ai va'alevu o 'oya e tara na vale mai na vale. ⁴ Na vale yadua e ti'o ga o 'oya e tara, ia na Alou e ca'avo na 'a tauco'o. ⁵ 'O Mosese e sa i talatala yalodina ina vale tauco'o ni Alou; ma va'ata'ila na i va'adinadina me baleta na vei'a e na tovoli mai muri. ⁶ Ia, o Karisito e Luvena yalodina o 'oya e lewa na vale ni Alou. Eda sa nona vale na Alou 'e bau 'e da sa tara dei na noda kaukauwa 'ei na i nuinui o 'oya 'eda va'atusa ti'o. ⁷ Ia, me bau e 'aya na Yalo Tabu; "Ni'ua, 'e bau 'o rogoca na domona ⁸ 'ua ni va'akaukauwata'ina na yalomu me bau ina veiva'anenei ena gauna ni veiva'atovolei ena loma ni le'utu. ⁹ E na gauna 'edra ma talaidredre ena nodra va'atovolei au 'o 'edra na nomutou matua, ia ena loma ni vasagavulu na yaba'i 'e dra ma raica ti'o na noqu ca'aca'a. ¹⁰ 'O 'oya 'arai na vuna au ma maqa ni taleitaina na i taba tamata 'arai. Au ma 'aya "E dra sa dau la'o tani tu ga na lomadra vei au. E dra maqa ni 'ila na noqu i valavala." ¹¹ "Me bau au ma bubului ena noqu rarawa. E dra na maqa va'adua ni vuru i na noqu i va'ava'acegu." ¹² Mutou qarauna o mutou na veiwe'ani, me 'ua ni ti'o ena 'emutou maliwa e so na yalo ca ni tawa - va'abauta, 'o 'oya ena yadi mutou tani mai vei 'oya na Alou bula. ¹³ Ia, mutou veiva'ayaloqaqata'i ga ena veisiga me bau ga ni tovoli "ni 'ua me rawa ni 'ua ni dua vei mutou me va'ayalokaukauwata'i e na veiva'aisini ni i valavala ca. ¹⁴ Ni sa yaco me da to'ani nei Karisito, 'e bau 'eda tara dei na noda va'abauti 'oya mai na 'ena te'ivu me yacova sara na 'ena i otioti. ¹⁵ Me baleta na 'e ma tovoli, "Niu'a 'e bau o dei rogoca na domona, 'ua ni va'akaukauwata'ina na yalomu me bauina veineneti. ¹⁶ 'O cei be'a o 'edra ma sa rogoca oti na Alou 'edra qai yalo kaukauwa? E maqa be'a ni'o 'edra ma yadi 'edra mai 'o Mosese mai Ijipita? ¹⁷ Vei cei ma nene 'ina 'o 'oya me vasagavulu na yaba'i? Maqa be'a ni'o 'edra na i valavala ca 'edra ma talaidredre vei 'oya? ¹⁸ O cei ma bubului 'ina o 'oya ni 'edra na maqa ni curu i na nona va'acegu, e ma maqa ni o 'edra ma talaidredre vei oya? ¹⁹ E da raica ni vuni nodra maqa ni curu i na nona i va'ava'acegu, baleta na nodra talaidredere.