¹ 'O 'oya e dodonu me da dau va'ananuma va'atevu sara ina vei'a 'eda rogoca, me rawa ni 'ua ni leva vei eda. ² E bau e va'adinadinatai va'alevu na i tu'utu'u 'e dra ma vosata'ina na agilosi, 'ei na i valavala yadua, 'ei na talaidredre me saumi va'adodonu. ³ 'e da na qai bula rawa va'acava e bau 'eda va'awaleta'ina na bula levu e? Na bula e ma 'aciva'ina taumada na Turaga qai va'adeewata'i vei 'eda mai vei 'edra na rogoca. ⁴ E na gauna vata 'arai, na Alou ma va'adinadinata'ina vei 'edra ena veiva'ata'ila'ila eso, 'ei na 'a veiva'urabuita'i eso, 'e na ca'aca'a mana eso, 'ei na veisoliy'ai ni Yalo Tabu me bau na nona lewa. ⁵ Ma maqa ni solia vei 'edra na agilosi na Alou me dra lewa na vuravura sa bera mai, o 'oya 'eitou ma vosata'ina. ⁶ Ia, e dua ma vosata'ina mai na dua na vanua, "E cava na tamata me miau dau nanumi 'oya 'ina, se, na luve ni tamata me miau dau talevi'oya 'ina." ⁷ Miau ma bulia na tamata me uasivi sobu va'aqisi mai vei 'edra na agilosi, miau ma va'aisalataini 'oya i na u'uu'u 'ei na va'aro'oro'o? ⁸ Mi'au sa solia na 'o tauco'o me va'amalumalumuta'i i na ru'u ni tuana. Ena vu'una na Alou sa va'amalumaluta'ina na 'a tauco'o. E maqa ni dua na 'a me maqa ni va'amalumaluta'i vei 'oya. Ia, e, 'e da maqa ni sa raica na'a tauco'o me va'amalumalumuta'i vei 'oya. ⁹ Ia, ei 'eda sa raica ni'o Jisu ma buli me uasivi sobu va'aqisi wale ga mai vei 'edra na agilosi, ia e maqa ni walili, sa va'asilata'i e na i sala va'a i u'uu'u 'ei na va'aro'oro'a ena vu'u ni nona va'ararawata'i 'ei na vosota na mate, e na vu'u ni loloma ni Alou, me dra bula na tamata tauco'o. ¹⁰ Ni sa 'ili'ili vei 'oya na Alou ni sai taue'i ni tauco'os, sa va'abuna na'a tauco'o, me yadi va'aiu'u u'u. Ni sa 'ili'ili 'ei 'oya me ca'ava na i liuliu ni nodra va'abulai va'a oti, e na vu'u ni nona va'ararawata'i. ¹¹ Ni drau sa dua ga 'o 'oya e va'asavasavata'i 'ei 'oya e veiva'asavasavata'i, 'o 'oya e sa maqa ni madua 'ina o 'oya me 'acivi 'edra me dra tacina. ¹² E 'aya, "Au na tovola na yacamu vei 'edra na taciqu. Au na lagasereta'ini i'o e na loma ni soqosoqo lotu." ¹³ Sa qai 'aya viro, "Au na va'abauti 'oya." Qai 'aya viroga, "Raici au 'ei 'era na taciqu e solia mai vei au na Alou." ¹⁴ Raici me bau ni dra sa lewe vata qai dra vata 'e 'edra na yaqiti me bau viro ga 'ina 'o 'oya, sa rawa vei 'oya ena vu'u ni nona mate, me va'amalumalumuta'ini 'oya 'amu tu vei 'oya na kaukauwa ni mate, o 'oya na tevoro. ¹⁵ Ma yaco e me rawa vei 'oya me sere'i 'edra tauco'o 'o edra rerevaina tu na mate, 'edra bobula tu 'ina i na nodra bula tauco'o. ¹⁶ E maqa ni 'auwai o 'oya vei 'edra na agilosi, ia, vei 'edra ga 'awa nei Epara'ama e 'auwai 'ina. ¹⁷ 'O 'oya e ma sa 'ili'ili ina 'ei 'oya me tautauvata 'ei 'edra na we'ana e na 'a tauco'om me bete levu dau loloma, qai yalodina ina vei'a va-Alou, me rawa ni yadia mai na veivosoti vei 'edra na tamata i valavala ca. ¹⁸ Me bau nio Jisu ma vereta'i qai va'ararawata'i, sa rawa vei 'oya duadua ga me vu'ei 'edra na dauvereta'i.