¹ Ia a Melekiseteki na tui Seloni, na bete ni Alou cec'eru e sota vi Eparama e na nona lesu mai na matula'ina 'edra na tui qai vosa va'alougatata'ina ''oya. ² Ia vei 'oya sa solia o Eparama na 'atini ni nona 'a tauco'o. Na yacana "Melekiseteki:" sa 'ena i balebale na "Uti ni yalododonu." E dua vi ro na ena i 'acivi na "Tui 'ei Selemi," na ena i balebale na "tui ni veiva'acegui." ³ O 'oya a maqa ni tovoli na tamana se na tinana, se na nona i va'avu.Sa maqa ni dua na i te'ite'ivu ni nona gauna. Se cavacava ni nona bula. Ia, sa veiucui 'ei na Luve ni Alou baleta o 'oya se ti'oga me bete tawamudu. ⁴ Raica na 'ena cecere na turaga eni o 'oya turaga matua o Eparama ma solia na i atini ni nona i yau sa yadia mai e na nona qaqa e na valu. ⁵ O 'edra na luve i Livai, o oya sa soli vei 'edra me dra matabete, sa soli viroga vei 'edra na i va'aro mai na lawa me dra 'umuni 'atini mai vei 'edra na tamata, 'arai o 'edra na we'ana, me bau ga ni o 'edra, 'edra la'o viroga mai vei Eparama. ⁶ Ia o Melekiseteki, a maqa ni 'unei ni dra 'awa vata, sa ciqana na i 'atini mai vei Eparama qau vosa va'alougatata'ini 'oya, o 'oya na nona na vosa ni yalayala. ⁷ A maqa ni rawa ni ca'tia'i ni o 'oya na tamata qisi sa va'alougatata'i mai vei 'oya sa levu ca'e mai vei 'oya. ⁸ Me baleta na 'a eni, o 'edra na tamata bula 'edra ciqoma na i 'atini ia, me baleta viroga eni sa va'adinadinata'i ni o 'oya sa bula ti'o. ⁹ Me bau na 'ena vosavosata'i o Livai ma ciqoma na i 'atini e na vu'u i 'Eparama; ¹⁰ baleta ni o Livai ma sa ti'o e na loma ni yagoi nona i tubutubu ena gauna ma sotavi Melekiseteki 'ina o Eparama. ¹¹ Ia 'e bau ma rawa ni 'a si'a va'a oti na ca'aca'a va'abete e na matabele va'a, Livia, (ni 'edra ma ciqoma na lawa e na vu'u ni matabete eni) se cava viro ma gadrevi 'ina me dua viro na bete me la'o mai me bau o Melekiseteki, ia, sa maqa ni o'ati me bau na bete levu o Erani? ¹² Baleta na gauna e na veisau 'ina na matabete, sa dodonu me veisau viroga na lawa. ¹³ Ni o 'oya e tovoli ti'o eni, e lewe ni dua viro na yavusa, se bera va'adua ni dua vei 'eda ma dau veiqaravi 'ena i cabocabo ni soro. ¹⁴ Ia, sa matata va'asi'a, ni noda Turaga ma sucu mai na yarusa o Juta. Na yavusa ma maqa ni rogo mai vei Mosese ni 'aya e dua na 'a mo baleta na bete. ¹⁵ Na 'a 'eitou 'aya sa qai matata sara ia, e dua viro na bete e na tubu ca'e mai me tautauvata 'ei Melekiseteki. ¹⁶ Sa maqa ni vu mai na vunau na awa va'ayago 'ei na dra ni ma yaco o 'oya me bete, ia, ma vu ga mai e na kaukauwa ni bula tawamudu. ¹⁷ Ni sa va'adinadinata'ini 'oya na i vola Tabu, "O i'o sa bete tawamudu me bau na i valavalai Melekiseteki." ¹⁸ Baleta na i va'avuvuli taumada sa biu va'ati'iti'i baleta ni malumalumu qai maqa ni yaga, ¹⁹ (baleta na vunau sa maqa ni rawa ni va'atauco'ota'ina e dua na 'a), 'ei na dua na i nuinui e 'a si'a ca'e sara sa solia mai o 'oya ni da tovo vole'a sava vei 'oya na Alou. ²⁰ Ma maqa viroga ni maqa na 'ena vosa bulbului! Eso ma yaco me dra bete ni dra maqa ni bubului; ²¹ ia, ma yaco o 'oya me bete ni 'aya vei 'oya na Alou, e na maqa ni veisau na loomana. "O i'o o na bete tawamudu." ²² 'E na vu'u ni 'a eni sa solia 'ina o Jisu na i va'adei ni dua na veiyalayalati e 'a si'a ca'e sara. ²³ O 'edra na bete taumada 'edra ma lewe levu, ia, ma tarovi "'edra me dra ca'ava ti'o na ca'aca'a va'abete ni dra sa amte. ²⁴ Ia, o Jisu e na bula ti'o me yacova na tawamudu, ni sa nona na matabete sa tawamudu. ²⁵ O 'oya 'ina ena, o 'oya sa rawa viroga ni va'abulai 'edra va'adua o 'edra sa tovova na Alou 'e na vu'una baleta ni o 'oya 'ena bula ti'oga me nodra dauniveisorova'i. ²⁶ Na bete levu bau eni e rauti 'edra o edra sa tawa cala maqa ni dua na 'a e beita'i 'ina, savasava, tawasei mai 'edra na i valavala ca sa yaco me tubu sivita na lomalagi. ²⁷ A maqa ni gadrevi vei 'oya, me bau o 'edra na bete levu, me va'acaboisoro e na veisiga taumada me balete na no'va i valavalaca, qai tarava na nodra i valavala ca na tamata. Me ca'ava eni o 'oya va'adua ga e na nova ma soli oya me i soro. ²⁸ Baleta na i vunau sa digita'ina me bete levu na tamata e ti'o na nadra malumalumu. Ia, na vosa ni bubului, o 'oya sa la'o mai na na i vunau, sa digita'ina na Luvena tagane o 'oya na va'atauco'ata'i me tawamudu.