1 Ia o Paula sa vosa ni veiva'arerei ti'o ga, ia, na nodra va'amatei o 'edra na tisaipeli ni Turaga, sa la'o vvei 'oya na bete levu, 2 me 'erea vei oya na i vola me na yadia e na veivaleni lotu e Tamasiko, baleta 'e bau e so 'edra lewe ni lawalawa sa va'ato'ai na Salevu se dra tagane se dra yalewa me vesu'i 'edra qai yadi 'edra i Jerusalemi. 3 'Ena nona i la'ola'o i Tamasiko, va'asauri sa cila va'avolivoliti 'oya e dua na rarawa ma: lomalagi e na gauma sa vole'a ya'e 'ina. 4 Sa lutu sobu i ra, qai rogoca e dua na domo ni vosa vei 'oya, "Saula, Saula na cava o sa va'acacani au 'ina?" 5 Sa sauma o Saula, "Turaga, o cei bea o emiau?" Sa sauma na Turaga," O au o Jisu o 'oya o sa va'acacana; 6 ia, mo tuca'e la'o i na 'orolevu, e na qai tovoli vei i'o ua 'a mo ca'ava." 7 O 'edra na tamata ma la'o vata ti'o 'ei Saula 'edra sa tu va'adigagalu ni dra rogora na vosa, ia, edra maqa ni raica e dua. 8 Sa tuca'e mai o Saula, ia, ni sa dolava na matana, sa maqa ni raica rawa e dua na 'a, 'edra sa qai tubera na ligana me dra yadi 'oya i Tamasiko. 9 'Ena loma ni tollu na siga ma maqa rai rawa, ma maqa viroga ni 'ana se unu. 10 e dua na tisaipeli ma ti'o mai Tamasiko na yacana o Ananaisa. Ma vosa vei 'oya 'e na raivotu na Turaga, "Ananaiasa,," sa sauma o 'oya, "Sa i au eni Turaga." 11 Sa 'aya vei 'oya na Turaga, "Tuca'e mo la'o i na salevu na yacana o Dodonu, e na vale nei Jutasa, taroga 'e ti'o 'ina e dua na tamata na yacana o Saula na 'ai Tasisi, ni o 'oya e masumasu ti'o. 12 Ni sa raica o 'oya e na raivotu e dua na tamata na yacana o Ananaiasani la'o mai loma, sa qai taba'i 'oya e na ligana, me rawa ni rai rawa viro na matana." 13 Ia sa sauma o Ananaiasa, "Turaga, au sa rogoca mai vei 'edra na lewe levu na 'a baleta na tamata eni, na levu ni 'a ca sa ca'ava vei 'edra na tamata lotu e Jerusalemi. 14 Sa tu vei oya na veiva'adonui mai vei 'edra na bete levu me vesu'i 'edra tauco'o na tamata 'edra 'aciva na yacamiau." 15 Ia, sa aya vei 'oya na Turaga "La'o baleta o 'oya na noqu tamata digita'i, me vunauta'ina na yacaqu vei 'edra na 'ai matanitu tani 'ei 'edra na Tui, 'ei 'edra na luve i Isireli, 16 baleta au na va'araita'ina vei 'oya na levu ni a rarawa e na sotava e na vu'u ni yacaqu." 17 Sa la'o o Ananaiasa, sa cuvu i loma ni vale. Sa taba'i 'oya ena ligana qai 'aya. Saula na we'aqu na Turaga o Jisu o 'oya ma rairai vei i'o e na tamonisalevu e na nonu ma la'o ti'o mai; sa va'atalai au mai me rawa ni o rai rawa, mo va'asinaiti viroga e na Yalo Tabu. 18 Va'asauri, e dua na 'a bau na vari ni qoli sa lutu mai mata i Saula; sa qai rai rawa na matana; sa tuca'e me papitaiso, 19 sa qai ana me kaukauwa. Sa ti'o vata 'ei 'edra na tisaipeli e Tamasiko me vica na siga. 20 Sa te'ivu sara me vunauta'ini Jisu e na vei valenilotu qai tovola ni o Jisu na Luve ni Alou. 21 O 'edra tauco'o na rogoci 'oya 'edra sa 'urabui 'edra qai 'aya, "A maqa li ni tamata eni ma va'amatei 'edra ma ti'o i Jerusalemi 'edra 'aciva na yaca eni? Sa la'o mai eni me mai vesu'i edra medra yadi vei edra na bete levu." 22 Ia, o Paula sa toso ca'e na nona kaukauwa, sa va'avuna na nodra taqaya o 'edra na Jiu 'edra ti'o e Tamasiko, ni va'adinadinata'ina ni o Jisu na Karisito. 23 Ni oti e vica na siga 'edra sa na'ita vata na Jiu me dra va'amatei 'oya. 24 Ia, sa siqema o Saula na nodra i na'i ca. 'Edra sa yadrava to'a na matamata e na siga 'ei na bogi me rawa ni dra va'amatei 'oya. 25 Ia, ena bogi, 'edra sa yadi 'oya na tisaipeli me dra biuti 'oya ena dua na sova, 'edra qai va'atu'utu'uta'ini oya sobu e na bai. 26 Ni sa yaio i Jerusalemi, sa sasaga o Saula me duavata 'ei dratou na tisaipeli, ia, 'edra sa rerava'ina 'oya tauco'o, ni dra maqa ni va'abauta ni 'oya e dua na tisaipeli. 27 Ia sa yadi 'oya mai o Panapasa vei dratou na apositolo, sa qai tovola vei dratou na nona ma sofa vata 'ei na Turaga e na tamo ni salevu, 'ei na nona ma vosa vei 'oya na Turaga 'ei na nona doudou ni vosa e na yoca ni Turaga. 28 Sa sota vata 'ei 'edra e na nodra ma la'o ti'o mai 'ei na nodra ma lesu viro ti'oga mai Jerusalemi. Sa vosa doudou o 'oya e na yaca ni Turaga o Jisus. 29 Sa vosa qai veileti 'ei 'edra na Jiu 'edra la'o mai na veimatanitu tani, ia, 'edra sasaga ti'oga me dra va'a metei 'oya. 30 E na gauna 'edra sa rogoca 'ina o 'edra na we'ana, 'edra sa yadi 'oya sobu i Sisania me dra va'atalai 'oya tani i Tasisi. 31 Sa yaco na i Soqosoqo lotu e na vanua tauco'o o Jutia, Kaleli, 'ei Samaria me dra ti'o va'acegu, ma tarai ca'e viroga viroga na nodra bula; 'edra bulata'ina na bula ni rereva'ina na Turaga 'ei na va'acegu ni Yalo Tabu, sa tubu ca'e na i wiliwili ni soqosoqo lotu. 32 Ni sa oti 'arai, e na nona la'o voli o Pita e na veivanua tauco'o sa la'o sobu viroga mai vei 'eda na tamata lotu 'edra va'aiti'oti'o e na 'oro levu o Lita. 33 Mai Lita sa sota vata 'ei na dua na tamata na yacano o Inia, sa dau 'oto voliga e na nona i 'oto 'oto me walu na yaba'i ni nona tauvi paralase. 34 Sa vosa vei 'oya o Pita. "Inia, sa va'abulai i'o o jisu Karisito. Tuca'e mo sama'ina na nomu 'oto'oto." Ena gauna vata ga 'arai sa tuca'e o 'oya. 35 Edra sa raica na tamata eni o 'edra tauco'o 'edra va'aiti'oti'o e Lita 'ei Sarona, 'edra sa sauma'i mai vei 'oya na Turaga. 36 A sa ti'o mai Gopa e dua na tisaipeli na yacana o Tapaica, 'ena i balebale "To'asa." Na yalewa eni sa dau levu na ca'aca'a si'a 'ei na ca'a loloma vei 'edra na dravudravua. 37 A mani yaco e na gauna 'arai ni ma tauvimate qai mate sara; ena gauna 'edra sa va'asilima oti 'ina na yagona, 'edra sa va'atora e na dua, na ti'ina 'e na tabarua ni vale e ca'e. 38 Baleta ni volea' to'a ga o Lita mai Jopa, ni edra ma rogoca viroga na tisaipeli ni ma ti'o 'ina o Pita, 'edra ma va'atala e lewe ma na tamata vei 'oya me drau va'amasuti 'oya, "Ua ni va'abebena, mo la'o mai vei 'eitou." 39 Sa tuca'e o Pita me la'o vata 'ei drau. 'Ena gauna sa yaco ya'e 'ina dratou sa yadi 'oya e na taba ni lomanivalei ca'e, edra sa tagi o 'edra na yada edra sa vole'ati 'oya ni dra va'araita'ina vei 'oya na Kote 'ei na i sulu ma cula o Torika e na gauna ma bula vata voli 'ei 'edra. 40 Sa va'atalai 'edra tani mai lomanivale o Pita, sa qai te'iduru sobu me masu; Sa qai vu'i i na yago i Torika qai 'aya "Tapaica, mo tuca'e." Sa qai dolava na matana o 'oya sa qai ti'o ca'e mai ni sa raici Pita. 41 Sa qai dodo'a na ligana vei 'oya o Pita me tube ri 'oya ca'e; sa 'acivi edra ma na tamata lotu 'ei 'edra na yada, sa qai soli Tapaica vei 'edra ni sa bula mai na mate. 42 Na ca'aca'a mana eni sa 'uruseta na 'ena i tu'utu'u e na vanua va'a Jopa, sa levu sara na tamata 'edra sa va'abauta na Turaga. 43 Sa ti'o i Jopa o Pita 'ei Saimoni na matai ni uli ni manumanu me vica vata na siga.