¹ O Saula ma duavata 'ei na nona mate. Sa mani yaco 'ona e dua na veiva'ayarawata'i levu e na i soqosoqo lotu e Jerusalemi; o 'edra na tamata lotu 'edra sa talabusese e na veivanua va'a Jutia 'ei Samaria, qa vo ga o dratou na i apositolo. ² Eso vei 'edra na tamata lotu 'edra sa buluti Sitiveni edra qai lolosita'ina na nona mate. ³ Ia o Saula sa va'avuna e dua na mavoa levu i na i soqosoqo lotu; sa curuma na vei vale e so me yarata'ini edra mai na tagane 'ei na yalewa me dra biu i valeniveivesu. ⁴ Ena gauna vata eni, o 'edra na tamata lotu 'edra ma talabusese tu 'edra sa vurauta'ina na kosipeli. ⁵ Sa la'o sobu mai Samaria o Filipe me vunauta'ini Karisito vei 'edra. ⁶ 'E na gauna edra sa rogoca qai raica na lewe levu na i va'ata'ila'ila sa ca'ava o Filipe, 'edra sa tu me dra va'arorogo i na 'a ma tovola ti'o. ⁷ 'E lewe levu vei 'edra ma curumi 'edra tu na yalo velavela 'edra sa qoqolu e na domo levu ni dra la'o tani mai vei edra na yalo velavela; sa levu viroga vei 'edra na tauvi paralase 'ei na lo'i'oli sa va'abulai. ⁸ Sa dua na 'a na marau e na 'oro levu. ⁹ Sa dua na tamata na yacona o Saimoni ma ti'o ena 'oro levu; o 'oya sa dau ca'a i sausau voli mai e na dua na gauna; sa dau va'a'urabuita'ini 'eda na tamata mai Samaria, ni ma tovola voli ni o 'oya e dua na tamata va'a i tutu cecere. ¹⁰ O 'edra tauco'o na 'ai Samaria, o 'edra na tamata wale me yaco vei 'edra na tamata va'ai tutu cecere 'edra ra'arogoa" 'oya; 'edra 'ya, "Na tamata eni sa tu vei 'oya na kaukauwa ni Alou o 'oya sa va'ato'ai na kaukauwa." ¹¹ 'Edra va'arogoci 'oya na tamata baleta ni sa dau va'a 'urabuita'ini 'eda voli mai e na dau ca'a i sausau e na dua na gauna balavu. ¹² Ia 'e na gauna 'edra sa va'abauti Filipe ni ma vunauta'ina na kosipeli me baleta na matanitu ni Alou vata 'ei na yaca i Jisu Karisito, 'edra sa papitaiso o 'edra na yalewa 'ei 'edra na tagane. ¹³ O Saimoni sa va'abauta viroga, 'e na gauna sa papitaiso oti 'ina, sa dau ti'o vata voliga 'ei Filipe. Sa 'urabui va'alevu o Saimoni ni raica na i va'ata'ila'ila 'ei na vei ca'aca'a lelevu sa yaco ti'o. ¹⁴ Ni dratou sa rogoca na i Apositolo e Jerusalemi ni sa rogoca na vosa ni Alou o 'edra mai Samaria, 'edra sa va'atalai Pita ei Joni vei 'edra. ¹⁵ 'E na gauna 'edra sa la'o sobu 'ina i Samaria, 'edra sa masulaini 'edra me dra rawata na Yalo Tabu. ¹⁶ Me yacova mai na gauna 'arai se bera ni dua vei 'edra sa rawata na Yalo Tabu; 'edra ma sa papitaiso ga e na yaca ni Turaga o Jisu. ¹⁷ Sa qai taba'i 'edra 'e na ligana o Pita vata ei Joni, 'edra sa qai rawata na Yalo Tabu. ¹⁸ Ia ni sa raica o Saimoni ni sa soli na Yalo Tabu ena veitaba'i ni li gadrau na i apositolo, sa solia vei drau na i lavo. ¹⁹ Sa qai 'aya, "Solia viroga mai vei au na kaukauwa eni, baleta na tamata au na taba'a e na ligaqu me na rawata viroga na Yalo Tabu." ²⁰ Sa qai 'aya vei 'oya o Pita, "Me rusa vata 'ei io na nomu siliva ni o nanuma ni o na rawata na i solisoli ni Alou 'ena i lavo. ²¹ Sa maqa ni dua na nonu i votavota e na ca'aca'a eni baleta sa maqa ni donu na yalomu vei 'oya na Alou. ²² O 'oya eni mo veivutuni mai na nomu i valavala ca; mo masu vei 'oya na Turaga de na la'ola'o e na vosoti i'o 'ei na va'anananu ca ni yalonu. ²³ Baleta au raica ni sa rui gaga na yalomu 'ei na yalo ca, 'ei na i vesu ni valavala ca. ²⁴ Sa qai sauma o Saimoni, "Masula'ini au vei 'oya na Turaga me 'ua ni yaco na vei 'a drau tovola ni na yaco vei au. ²⁵ Ni oti na nodra tovola 'ei na vunauta'ina na vosa ni Alou o Pita vata 'ei Joni, drau sa lesu i Jerusalemi, drau sa vanauta'ina la'o na kosipeli e na levu na vei'oro'oro va'a Samaria. ²⁶ Sa qai vosa vei Filipe 'edua na agilosi ni turaga, "Mo tuca'e mo la'o i na to'alau ni salevu 'oya sa la'o mai Jerusalemi i Kesa." (Na salevu eni e ti'o 'e na vanua dravuisiga.) ²⁷ Sa tuca'e qai la'o. Sa dua na tamata na 'ai Iaciopea, na matanivanua levu sa ca'aca'a ti'o e na vu'ui Kadasi na ranadi ni Iciopea. Sa lewa o 'oya na nona i yau tauco'o na ranadi ma la'o ca'e mai Jerusalemi me mai lotu. ²⁸ 'E na nona sa lesu ti'o 'ina ni vodo ti'o e na nona qiqi ni turaga, sa wili'a ti'o na i vola nei Aisea na parofita. ²⁹ Sa 'aya na Yalo Tabu vei Filipe, "La'o mo vole'ata na qiqi ni turaga." ³⁰ Sa 'ada o Filipe vei 'oya; sa rogoci 'oya ni wili'a ti'o na i vola nei Aisea na parofita; sa aya, "O ila be'a na cava o wili'a ti'o?" ³¹ Sa qai sauna na 'ai Iciopea "Me'u 'ila va'aacava va'aro e dua e va'atavulia au?" Sa va'amasuti Filipe me vodo vata 'ei oya 'e na qiqi ni turaga. ³² Na ti'i ni vola Tabu ma wili'a ti'o o 'oya, "Ma tuberi o 'oya me bau e dua na sipi me la'o i va'amatei, me bau na luve ni sipi e na mata i 'oya na dau 'oti vuti ni sipi sa galu ga ni sa maqa ni dolava na dra'ana me vosa. ³³ 'E na nona va'amaduata'i sa yadi tani mai vei 'oya na va'atauci ni lewa dodonu. O cei e na rawa ni va'amacalata'ina tauco'o na nona 'awa? Ni ma yadi tani na nona bula e vuravura. ³⁴ Sa torogi Filipe na mataivanua, "Au va'amasuti i'o, o cei a vosa ti'o 'ina na parofita, o 'oya se dua tani viro na tamata?" ³⁵ Sa qai te'ivu me vosa o Filipe, me te'ivu mai na ti'i ni vola Tabu eni, sa vunauta'ina na kosipeli baleti Jisu vei 'oya. ³⁶ Ni drautou sa la'o ti'o i tamonisalevu dratou sa raica na wai, sa 'aya u'a matanivanua, "Raica tu eni na wai.Na cava sa tarova na noqu papitaiso?" ³⁷ Sa 'aya o Filipe, "E bau o va'abauta e na yalomu tauco'o, sa rawa ni o papitaiso "Sa sauma na 'ai Iciopea, "Au va'abauta ni o Jisu Karisito na Luve ni Alou." ³⁸ Sa va'arota na qiqi ni turaga na 'ai Iciopea me tu va'adua. Drau sa la'o sobu i wai, o Filipe 'ei na matanivanua, sa qai papitaisota'ini 'oya o Filipe. ³⁹ E na gauna drau sa cabe mai 'ina i wai, sa yadi Filipe tani na Yalo Tabu, sa maqa ni qai raici 'oya viro na matanivanua, ia, sa la'o e na nona i la'ola'o e na marau. ⁴⁰ Ia o Filipe sa raici mai Asota; ni sa la'o curuma na vanua 'arai sa vunaita'ina la'o na kosipeli i na vei'oro lelevu tauco'o me yacova ni sa yaco i Sisaria.