¹ 'E dua na tamata e na 'oro levu o Sisaria na yacana o Kolinio, e dua na turaga e na mata sotia va'ayacani va'a Itali. ² O 'oya ma tamata dau lotu, sa rereva'ina na Alou, o oya vata 'ei 'edra tauco'o na nona matavuvale; sa levu na i lavo sa dau solia vei 'edra na dravudravua. Sa levu viro ga na nona dau masu vei 'oya na Alou. ³ Ni rauta na i 'aciwa ni ana e na Siga. Sa raica va'amatata e na raivotu e dua na agilosi ni Alou ni la'o ti'o mai vei 'oya. Sa 'aya vei 'oya na agilosi, "Kolinio!" ⁴ Sa va'araica matua na agilosi o Kolinio ni sa rere va'alevu, sa qai 'aya. "Na cava Turaga?" Sa 'aya vei 'oya na agilosi, "Na nomu masu 'ei na 'a ni loloma vei 'edra na dravudravua sa la'o ca'e e na mata ni Alou mo va'ananumi 'ina. ⁵ Va'atala e so na tamata i Jopa me yadia mai e dua tamata na yacana o Saimoni sa va'ato'ai viroga o Pita. ⁶ O 'oya e ti'o vata 'ei dua na matai ni 'uli ni manumanu na yacana o Saimoni, na nona vale e to'a e na bati ni baravi." ⁷ E na gauna sa lesu 'ina na agilosi ma vosa vei 'oya, sa 'aciva e mana nona dauveiqaravi o Kolinio 'ei na dua na sotia sa dau lotu mai vei 'edra na nona dauveiqaravi. ⁸ Sa tovola na 'a tauco'o ma yaco o Kolinio, sa qai va'atalai drau i Jopa. ⁹ Rauta ti'o na i 'aono ni auwa e na siga tarava e na nodratou i la'ola'o dratou sa vole'a ya'e e na 'oro levu, sa la'o e na dela ni vale o Pita me la'i masu. ¹⁰ Sa qai dei 'ana ni si'ata e dua na 'a me 'ania, ia, e na gauna 'edra va'asaga ti'o 'ina e so na tamata, sa soli vei Pita e dua na raivotu; ¹¹ Sa raica ni sa tawase rua na lolagi qai la'o sobu mai e dua na 'a bau e dua na i ubi levu, sa vesu na tutuna vava ni sa la'o sobu mai. ¹² 'E loma ma sinai 'ina na veimataqali manumanu tuwa i va 'ei na manumanu 'asi voli e vuravura 'ei na manumanu vu'a i na macawa. ¹³ Sa qai dua ua domo ma vosa mai vei 'oya "Tuca'e Pita, va'amatea mo 'ana!" ¹⁴ Ia, sa 'aya o Pita, "Maqa ni rawa Turaga niu se maqa va'adua ni 'ania e dua na 'a sa tabu se tawasavasava." ¹⁵ Ia, sa rogo viro mai va'ama na domo, "Na 'a sa va'asavasavata'ina na Alou, 'ua ni 'aya ni tawasavasava." ¹⁶ Ma yaco va'atolu na 'a eni. Sa qai yadi ca'e va'asauri i lomalagi. ¹⁷ Ni se veilecau'ai tu ga o Pita me baleta na raivotu ma raica 'ei na 'ena i balebale, dratou sa tu i matamata o dratou na tamata ma va'atalai dratou mai o Kolinio, ni dratou sa va'ataroga mai na salevu i na vale nei Saimoni. ¹⁸ Dratou sa 'aci'aci mai qai taroga de ti'o i va'e o Saimoni, o 'oya sa va'ato'ai viroga o Pita. ¹⁹ Ni sa va'ananuma ti'oga na raivotu o Pita, sa 'aya vei na Yalo Tabu. "E lewe tolu na tamata dratou va'araici ti'o. ²⁰ Tuca'e mo la'o sobu i ra mo la'o vata 'ei 'edratou. Ua ni lomalomarua me baleta na nomula na nomu la'o vata 'ei 'edratou niu sa talai dratou mai.: ²¹ Sa qai la'o sobu mai o Pita vei dratou na tagane qai 'oya, "O au o 'oya emudou sa yasava. Na cava na vu ni nomudou la'o mai?" ²² Dratou sa 'aya, " 'E dua na turagani valu na yacana o Kolinio, e tamata yalo dodonu qai rereva'ina na Alou, 'edra vosata'ina na 'a sia me baleti 'oya o 'edra na ti'o ena veivanua va'a Jiu; ma tovola e dua na agilosi ni Alou me 'eitou mai yadi i'o i na nona vale me rawa ni rogoca e dua na i tu'utu'u mai vei 'i'o. ²³ Sa sureti dratou i vale o Pita me dratou ti'o vata 'ei 'oya. Ena bogibogi a tarava sa yadra o 'oya me la'o vata 'ei dratou vata 'ei so na we'adratou mai Jopa me tomani dratou. ²⁴ Dratou yaco i Sisaria e na siga tarava. Sa wana 'ini dratou tu mai o Kolinio; sa 'acivi 'edra tauco'o mai na we'ana 'ei 'edra na nona i to'ani vole'a. ²⁵ 'Ena gauna sa curu 'ina i va'e o Pita, sa tava'ini oya o Kolinio, qai lutu sobu i tuwana me va'aro'oro'o vei 'oya. ²⁶ Ea, o Pita sa va'aturi 'oya ca'e qai qai 'aya vei oya "Tuca'e! o au, au tamata viroga." ²⁷ Ni se vosa ti'oga vei 'oya o Pita, sa curu i lomanivate sa qai raica e lewe levu 'edra sa soqoni vata mai. ²⁸ Sa qai 'aya vei 'edra, "O 'emudou va'ata'ini 'emudou dou 'ila ni maqa ni dodonu va'alawa me dua na Jiu me veimaliwai se sikava e dua na 'ai matanitu tani. Ia, na Alou sa va'araita'ina vei au ni maqa ni dodonu vei au meu 'aciva e dua na tamata me tabu se tawasavasava. ²⁹ Sa i 'oya eni au maqa niva'ataratutu ma'u la'o mai niu ma 'acivi mai. Au dei tarogi 'emudou 'ina se cava na vu ni nomudou 'acivi au mai." ³⁰ Sa qai 'aya o Kolinio, "Ena va ana siga sa oti, e na gauna vata sara ga eni au ma masumasu ti'o e nai 'aciwa ni auwa e na noqo vale; au qai raica e dua na tamata ni tu e mataqu sa va'isulu e na i sulu lumilumisa. ³¹ Qai 'aya vei au "Kolinio, na nomu masu sa rogoca na Alou, 'ei na nomu soli 'a ni loloma vei 'edra na dravudravua sa va'ananuma na Alou me baleti i'o. ³² Va'atala e dua i Jopa me la'i aciva mai vei i'o e dua na qiti tagane na yacana o Saimoni, sa va'aito'ai" o Pita. E ti'o vata 'ei dua na matai ni 'uli ni manumanu na yacano o Saimoni sa ti'o mai na bati ni baravi. ³³ 'E na gauna vata 'arai au va'atala ya'e mo la'o mai. O sa yalosi'a dina e na nomu sa la'o mai. E na gauna eni, 'eimami sa tu tauco'o eni 'ena mata ni Alou, me 'eimami rogoca na 'a tauco'o sa va'asalata'ini i'o ina na Turaga mo 'aya." ³⁴ Sa qai dolava na dra'ana o Pita me vosa. "E dina au sa va'ila ni maqa ni tota'ina e dua na Alou. ³⁵ Ia, e na veivanua tauco'o o 'oya va'ayadua sa lotu qai ca'a dodonu sa ciqoma o 'oya. ³⁶ Dou sa 'ila na i tu'utu'u ma va'ayadia vei 'edra na tamata na Isireli, nona ma 'aciva'ina na kosipeli ni veisaututa'i e na vu'u i Jisu Karisito, o 'oya sa noda Turaga na tamata tauco'o, ³⁷ o 'emudou dou 'ila va'asi'a na 'ena yaco na vei 'a eni, o 'oya ma yaco e na vauna va'a Jutia tauco'o ma te'ivu mai Kaleli, ni oti na papitaiso ma vunauta'ina o Joni. ³⁸ Na vei 'a me baleti Jisu na 'ai Nasareci, e na nona ma lumuti 'oya na Yalo Tabu 'ei na kaukauwa na Alou. Ma qai la'o o 'oya me ca'ava na 'a si'a, 'ei na veiva'abula i vei 'edra sa vesu'i 'edra tu na tevoro ni ma ti'o vata voli 'ei 'oya na Alou. ³⁹ 'Eitou sa va'adinadina i na vei'a tauco'o ma ca'ava o Jisu e na vanua 'edra va'aiti'otio'o 'ina na jiu 'ei Jerusalemi. 'Edra ma va'amatei 'oya ni dra ma va'aliliga e na dua na vu ni 'acu, ⁴⁰ ia na Alou ma va'atuvi 'oya ca'e viro mai na na mate e na i 'atolu ni siga qai va'avuna me dra raici 'oya, ⁴¹ a maqa ni o 'edra tauco'o na tamata, ia, o 'edra ga na va'adinadina 'edra ma sa digita'i oti tu ni bera ni yaco na vei 'a eni mai vei 'oya na Alou, mai vei 'eitou viroga 'eitou ma 'ana, ma unu viroga vata 'ei 'oya e na nona ma tuca'e mai na mate. ⁴² Sa va'aroti 'eitou o oya me 'eitou vunauta'ina vei 'edra na tamata me 'eitou va'adinadinata'ina viroga ni sa i 'oya eni o 'oya sa digita'ina na Alou. me turaganilewa vei 'edra na bula 'ei 'edra na mate. ⁴³ Ni sa i 'oya ga 'edra sa soli va'adinadina 'ina o 'edra tauco'o na parofita me rawa vei 'edra tauco'o 'edra va'abauti 'oya medra na tawata na 'ena vosoti ni nodra i valavala ca e na vu'u ni yacana. ⁴⁴ 'E na gauna sa vosata'ina ti'oga 'ina na vei 'a eni o Pita, sa lutuvi 'edra tauco'o na tamata 'edra ma va'arorogo ti'o i na nona vunau na Yalo Tabu. ⁴⁵ O 'edra na tamata ca'abauta edra wili ena vei cilivi o 'edra tauco'o 'edra la'o vata mai 'ei Pita 'edra sa 'urabui baleta na i solisoli ni Yalo Tabu sa sovara'i viroga vei 'edra na 'a i matanitu tani. ⁴⁶ Ni dra rogoci 'edra na 'a i matanitu tani ni dra vosa e na vosa ni veivanua tani ni dra va'avinavina'ata'ina ti'o na Alou. Sa qai sauma o Pita, ⁴⁷ " 'E rawa be'a me dua e na tarovi 'edra eni mai na wai me dra 'ua ni papitaiso, o 'edra na tamata eni o 'oya 'edra sa papitaiso e na Yalo Tabu me tautauvata 'ei 'eda?" ⁴⁸ Sa qai va'arota me dra papita'iso e na yaca i Jisu Karisito. Edra sa qai 'evei 'oya me ti'o viro mada 'ei edra me vica vata na siga.