¹ 'Ena gauna eni o dratou na i apositolo 'ei 'edra na veiwe'ani edra ma ti'o voli mai Jutia 'edra rogoca ni 'edra sa cciqoma viroga na vosa ni Alou o 'edra na' a i matanitu tani. ² 'Ena gauna sa yaco mai 'ina i Jerusalemi o Pita 'edra sa va'alewai 'oya o 'edra na colivi; ³ 'edra 'oya "O 'emudou sa va'ailawalawa vata 'ei 'edra na tawacili, mudou sa 'ana vata viro ga 'ei 'edra!" ⁴ Ia, o Pita sa te'ivu me va'amacalata'ina va'amataqiqisi vei 'edra; sa 'aya; ⁵ Au ma masumasu ti'o e na 'oro levu o Jopa au qai raica e dua na raivatu ni dua na'a e bau na i ubi levu sa la'o sobu mai lomalagi e na tutuna e va. Sa la'o sobu mai vei au. ⁶ Au sa va'adigova tu au qai va'asamata'ina ti'o. Ai taica na manumanu va na tuwana e vuravura, manumanu 'ila, manumanu 'asi 'ei na manumanu vu'a. ⁷ Au sa qai rogoca e dua na domo ni vosa vei au, "Pita, tuca'e va'amatea mo ana!" ⁸ Au qai 'aya, "Maqa Turaga; ni maqa ni dua na 'a ta bu se tawasavasava au sa bau aniia." ⁹ Ia sa rogo viro mai lomalagi na domo. "Na 'a sa tovola na Alou ni savasava, 'ua ni aya ni tawasavasava." ¹⁰ Sa yaco va'atolu na 'a eni sa qai yadi ca'e i lomalagi. ¹¹ Va'asauri e lewe tolu na tamata 'edratou sa tuca'e tu e na matanivale 'eitou ti'o 'ina dratou ma va'atalai mai Sisaria me dratou la'o mai vei au. ¹² Sa va'aroti au na Yalo Tabu me'u la'o vata 'ei 'edratou, meu 'ua ni va'aduiduita'ini 'edratou. 'Eitou sa qai la'o vata 'ei na lewe ono na veiwe'ani me 'eitou la'o vata i na vale nei Kolinio. ¹³ Sa qai tovola o 'oya ni ma raica na agilosi ni tuca'e tu e na lomanivale qai aya, "Va'atala e so na tamata i Jopa me dratou la'i yadi Saimoni mai, o 'oya sa va'ato'ai o Pita. ¹⁴ O 'oya ena mai tovola vei 'emudou e dua na i tu'utu'u mudou na va'abulai 'ina - o emudou vata 'ei 'edra na nomudou matavuvale. ¹⁵ Niu sa te'ivu meu vosa vei dratou, sa la'o mai vei edratou na Yalo Tabu tautauvata na 'ena ma yaco viroga vei 'eitou e na i matai ni gauna. ¹⁶ Au qai nanuma na nona vosa na Turaga ni ma 'aya, e dina ni o Joni e na veipapitaisota'i e na wai; ia, o 'emuou dou na papitaisata'i e na Yalo Tabu. ¹⁷ Ia e bau sa solia na Alou na 'a ni loloma sa tautauvata 'ei 'amu ma solia vei 'eda e na gauna eda ma va'abauta 'ina na Turaga o Jisu Karisito, o cei o au me'u na veisaqawaqa vata 'ei na Alou?" ¹⁸ 'E na gauna 'edra sa rogoca 'ina na vei 'a eni sa maqa ni dua na vosa medra sauma rawa, ia, 'edra sa va'acerecere'a na Alou 'edra qai 'aya, "Na Alou sa solia na veivu'runi ni bula vei 'edra viroga na 'a i matanitu tani." ¹⁹ O 'edra sa veisebaya'i e na vu'u ni veiva'a rarawata'i ma tubu ca'e mai baleti Setevini sa tete sara i Finaisi, Kipiro 'ei Anitioki ni dra vunauta'ina ua vosa ni Alou vei 'edra walega na Jiu. ²⁰ Ia ma so vei 'edra na tamata mai Kipiro 'ei Kirini sa la'o mai Anitioki me dra vunau viroga vei 'edra na 'a i matanitu tani, ni vunauta'ina na kosipeli me baleta na Turaga o Jisu. ²¹ Sa ti'o vata 'ei 'edratou ua liga ni Turaga; Sa lewe levu 'edra sa va'abauta, 'edra sa vu'i mai vei 'oya na Turaga. ²² Sa yaco mai na i Soqosoqo lotu e Jerusalemi na i tu'utu'u me baleti 'edra; 'edra sa qai va'atalai Panapasa sara i Anitioki. ²³ 'E na gauna sa la'o mai 'ina, sa raica na loloma savu ni Alou, sa marau va'alevu; sa qai va'ayaloqaqata'ini 'edra taco'o me dra ti'o ga vata 'ei na Tuvaga e na yalodra tauco'o. ²⁴ Ni ma tamata si'a o 'oya qai sinai ena Yalo Tabu 'ei na va'abauta sa levu na tamata 'edra sa va'abauta na Turaga. ²⁵ Sa qai la'o i Tasisi o Panapasa me la'i va'araioi Saula. ²⁶ 'Ena gauna sa sotavi 'oya 'ina sa yadi 'oya mai Anitioki. Sa mani yaco e na lana nidua na yaba'i 'edra sa soqoni vata 'ei 'edra na i soqosoqo lotu me dra veiva'atavuli oi vei 'edra na lewe levu na tamata. O 'edra na isaipeli ma va'ato'ai me dra lotu va'a Karisito taumada mai Anitioki. ²⁷ Sa yaco e na gauna eni 'edra ma la'o sobu mai Jerusalemi i Anitioki e so na parafita. ²⁸ Ma dua vei 'edra o Akapo na yacana ma tuca'e me bau ma va'auqeti 'oya na Yalo Tabu qai 'aya ni na dua na lauqa levu e na roboti vuravura tauco'o. Sa yaco na 'a eni e na gauna nei Kilatia. ²⁹ O 'edra na tisaipeli, mai na 'a 'edra dui rawata 'edra sa na'ita me dra va'ayadia e so na 'a ni veivu'e vei edra na veiweani mai Jutia. ³⁰ Na 'a 'edra ma ca'ava eni, edra va'ayadi lavo vei 'edra na matua e na ligai Panapasa vata 'ei Saula.