¹ Ena gauna vata 'arai sa i'a i Eroti na Tui me va'ararawata'ini 'edra e so na tamata lotu. ² Sa va'amatei Jemesa na taci Joni e na i seleiwau. ³ Ni sa raica o 'oya ni dra marauta'ina na Jiu na 'a sa ca'ava sa vesu'i Pita vinoga ma yaco ti'o eni ena gauna ni 'ana madrai maqa ni va'aleveni. ⁴ Ni sa vesu'i 'oya sa qai biuti 'oya i valeniveivesu, sa soli 'oya vei dratou e lewe ra na mata yadra me dratou yadravi 'oya; ni sa naita o 'oya me yadi Pita mai vei 'edra na tamata ni ati na Lao Sivia. ⁵ Sa qai biu ti'o i valeniveivesu o Pita, ia, sa cabo ti'o na masa baleti 'oya vei 'oya na Alou mai vei 'edra na lewe ni soqosoqo lotu. ⁶ Na bogi ni bera ni yadi 'oya mai o 'Eroti me ma'i lewai, o Pita ma moce 'oto e na 'edrau maliwa e lewe rua na sotia ni valeniveivesu ni vesu ruarua tu na ligana e na sinucodo. Edra yadrava ti'o na dre'enita'avi i mada ni valeniveivesu. ⁷ Va'asauvi sa raivai vei 'oya e dua na agilosi ni Turaga qai dua na rarama ma cilava na wasewase ni vauna ma vesu ti'o 'ina o 'oya. Sa tavia na babai Pita me va'ayadrati 'oya qai 'aya vei 'oya, "Tuca'e va'atotolo," sa lutu tani mai na sinucodo mai na ligana. ⁸ Sa 'aya vei 'oya na agilosi, "Darama'ina na nomu i sulu qai to'ara na nomu vava." Sa va'ayacora o Pita, Sa qai 'aya viro vei 'oya na agilosi, "Darama'ina na nomu i sulu o dau to'ara i tub qai muri au." ⁹ Sa qai muria na agilosi o Pita me drau la'o i tuba. Ma maqa ni 'ila o 'oya ni ma yaco dina na 'a ma ca'ava na agilosi. Ma nanuma o 'oya ni ma raica ti'o na raivotu. ¹⁰ Ni drau sa la'o sivia na i matai ni va'atawa ni va'eniveivesu 'ei na 'ena i 'arua, drau sa yacova ya'e na matamata kaukaumea sa tadola i na 'oro levu; sa tado'a ga va'ata'ini 'oya. Ni drau sa curu i tuba me drau la'o sobu i na salevu, sa biuti 'oya va'asauri na agilosi. ¹¹ 'Ena gauna sa va'ilai 'oua mai 'ina o Pita, sa 'aya, :Au sa qai 'ila va'aidina ni noqu Turaga ma va'atala mai na nona agilosi me sere'i au mai na liga i Eroti 'ei na 'a tauco'o 'edra ma wara'ina, nanama'i ti'o 'ina o 'edra na Jiu. ¹² 'Ena gauna sa 'ila 'ina na 'a eni, sa qai la'o e na vale nei Meri na tinai Joni, o 'oya sa va'atoa'i o Marika, na vanua 'edra sa soqoni vata 'ina e lewe levu na tamata me dra masumasu. ¹³ 'Ena gauna sa tu'itu'i 'ina e na ta'ani ni matamata, edua na qiti yalewa dauveiqaravi na yacana, o Rota sa la'o mai me dolava na dre'enita'ari. ¹⁴ Ni sa rogoca na domo i Pita, sa 'a levu na nona marau a mani manisegafa'ina me dolava na ta'ari; ia, sa 'ada lesu viro i lomanivale me tovola ni sa tuca'e tu e na dre'enita'ari o Pita. ¹⁵ 'Edra sa 'aya vei 'oya, "O sa lialia?" Sa 'ucudre to'a ga o 'oya ni dina na 'a ma tovola. 'Edra sa 'aya, "I ena na nona agilosi." ¹⁶ Ia, sa tu'itu'i ti'oga o Pita, e na gauna 'edra sa dolava 'ina na ta'ari 'edra sa 'idroa ni dra sa raici 'oya. ¹⁷ Sa laveta na ligana o Pita vei 'edra me dra ti'o lo, sa qai tovola vei 'edra na nona ma sere'i 'oya mai valeniveivesu na Turaga. Sa qai 'aya, "Dou la'o i tovola vei Jemesa ei dratou na vo ni tisaipeli." Sa qai biubiu me la'o viro i na dua na vanua. ¹⁸ Ni sa siga na vanua, sa maqa ni dua na yavalavala ena 'edra maliwa na sotia ni valeniveivesa me baleta na 'a ma yaco vei Pita. ¹⁹ Ni oti na nona yasavi 'oya o Eroti, sa maqa ni raici 'oya, sa va'atarogi 'edra na va'atawa, sa qai va'arota me dra va'amatei. Sa qai la'o sobu mai Jutia i Sisaria me lai ti'o voli 'ina. ²⁰ E na gauna eni ma rarawata'ini 'edra va'alevu na 'a: Taia 'ei Saitoni, Edra sa la'o vata vei 'oya. Edra sa va'asagai Pilasito na nona vu'evu'e na Tui me vu'ei 'edra. Edra sa qai 'erea na veisaututa'i, baleta na nodra vanua sa dau rawata na 'edra magiti mai na nona vauna na tui. ²¹ Ena dua na siga sa lo'uci, sa va'a i sulu o Eroti e na nona i sulu va'a Tui, sa qai ti'o ena i iti'oti'o va'atui; sa qai vosa vei 'edra. ²² 'Edra sa 'aci e na domo levu o 'edra na tamata, "I eni na domo ni alou, sa maqa ni domo ni tamata." ²³ Va'asauri sa yaviti 'oya e dua na agilosi na Turaga baleta ni maqa ni va'alagilagia na Alou; sa 'ania na yagona na yavato sa qai mate. ²⁴ Ia, na vosa ni Alou sa tubu ga me levu sara. ²⁵ Ni drau sa va'a 'tia na nodrau ca'aca'a o Panapasa ei Saula, drau sa lesu mai Jerusalemi, drau sa yadi Joni mai, o 'oya sa va'ato'ai o Mirka.