¹ Sa tio vei 'edra nai boqosoqo lewe ni lotu mai Anitioki eso na parofita 'ei nau va'avuvuli. O 'edratu o Panapasa 'ei Simioni, na yacana viroga o Nikier 'ei Lusiu na ai Kirini ei Manaini o oya edra sa susugi vata ei Eroti na Tuarga, ei Saula. ² I'a ni dratou sa ca'aca'a vei 'oya na Turaga, dratou lolo qai qa avi Alou ti'o, sa 'aya Yalo Tabu, lesi drau mai vei au o Panapasa 'ei Saula ina ca'a ca'a au sa 'acivi drau 'ina. ³ Ni dratou sa lolo masu, oti, 'edratou sa qai taba'i drau ina ligadratou dratou sa va'atalai drau ya'e. ⁴ Ia o Panapasa 'ei Saula sa va'atalai drau na Yalo Tabu, drau sa la'o i selusia; drau sa qai so'o tani mai 'ina i Kipiro. ⁵ I'a ni dratou sa ti'o mai Salamisa, drau sa vunauta'ina na vosa ni Alou ina nodra veivale ni lotu na Jiu; sa veivu'e viroga vei drau o Joni Marika. ⁶ I'a ni dratou sa la'ova tauco'o na yanuyanu a yaco i Pafo dratou sa qai raica edua na dau va'adraudrau, e parofita daci, e 'ai Jutia, e yacana o Pari Jisu. ⁷ Drau sa ti'o vata 'ei na turaga ni yavusa o Serikiu Paula e tamata yalomatua; O 'oya sa 'a civi Panapasa ei Saula ni ma dei rogoca na vosa ni Alou. ⁸ Sa tarovi drau o Elima na dau va'adradrau (ie nai balebale ni yacana) sa dau va'atovolea me moica tani na turaga me u'a ni dua me va'abauta. ⁹ I'a o Saula na yacana viroga o Paula sa sinai ena Yalo Tabu sa va'araici o'ya matua. ¹⁰ Sa tovola, "O i'o sa sinai ena dauveiva'aisini 'ei na 'a ca tauco'o, na luve ni tevoro na meca ni 'a tauco'o e 'asi'a, ena maqa be'a ni oti na nomu vu'ica nai na'i dodonu ni Turaga>? ¹¹ I'a raica sa bi'ai i'o na nene ni Turaga, Ona matabo'o 'ina, mo maqa ni raica rawa na matani siga me oti mada na siga eso. Sa qai lutu va'asauri vei 'o ya na 'abu'abu ei na butobuto; sa va'ayayamo voli ni va'araica eso me tubera. ¹² Ni sa qai raica na Turaga na'a sa ca'a sa va'abauta, ni sa urabui ena i va'avuvuli ni Turaga. ¹³ I'a o Paula ei dratou na nona i to'ani dratou sa so'o mai Pato me dratou la'o i Perika mai Pamifilia. Sa biuti dratou o Joni me lesu viro i Jerusalemi. ¹⁴ Ia ni drau sa la'o tani e Perika, drau sa la'o i Anitioki mai Pasitia, drau sa curu i na vale ni lotu e na siga ni va'acecegu; drau sa ti'o sobu. ¹⁵ Ni sa wili i nai vola ni vunau 'ei 'edra na parofita, sa qai lewa vei drau o 'edra na turaga ni vale ni lotu "e bau e ti'o eso na vosa ni va'avuvuli vei 'edra na tamata me drau tovola mai." ¹⁶ Sa qai tu ca'e o Paula a va'atabataba sa qai 'aya, "O Miau na Isireli 'ei miau sa rereva'ina na Alou, miau va'arorogo mai. ¹⁷ A nodra Alou na tamata eni io na nodra na Isireli sa digita'ini 'edra oti na nodra matua sa va'alevulevui 'edra na tamata nidra sa ti'o vulagi mai na vanua o Ijipita ma yadi 'edra mai 'ena ligana kakauwa. ¹⁸ Rauta ui yaba'i vasagavulu sa vosata o 'oya na nodra valavala mai na le'utu. ¹⁹ Ni oti na nona va'awabo'ota'ina na matanitu e vitu ena vanua o Kenani; sa qai vota vei 'edra na nodra vanua. ²⁰ Na vei'a tauco'o eni ma yaco ti'o ni Sivia e vanadrau limasagavulu na yaba'i. Ni oti na vei 'a eni, na Alou sa qai solia vei edra na duraga ni lewa me yacovi Samuela na parofita. ²¹ Sa oti eni edra sa qai gadreva me dua na nodra Tui. Na Alou sa soli Saula vei 'edra na luvei Kisi ma tamata 'aia yavusa i Penijamini, ma yaba'i vasagavulu. ²² I'a ni sa yadi 'oya tani, sa qai va'aturi Tevita me nodra Tui; ma sa tovoli 'oya viroga a'aya "Au sa raici Tevita na luvei Jese, e tamata sa bau na lomaqu o 'oya ena ca'ava viroga na noqu lewa. ²³ Mai na nona 'awa me bau na vosa ni yalayala sa va'atubura na Alou vei edra na Isireli nai va'abula, o Jisu. ²⁴ Sa taumadata'ini 'oya o Joni, me vunauta'ina na papitaiso ni veivutuni vei 'edra tauco'o na 'ai Isireli. ²⁵ I'a ni sa va'a otia na nona ca'aca'a o Joni sa 'aya, "Miau sa nanuma se o cei oau? Au sa maqa ni o 'oya au ma raica, edua sa muri au mai, i'a nai vava ni tuwana au sa maqa ni yaga me'u seve'a. ²⁶ O miau na veiwe'ani na a'wa i Eparaama, 'ei 'edra tauco'o vei miau sa rereva'ina na Alou sa soli vei 'eda na vosa ni bula eni. ²⁷ O 'edra sa ti'o mai Jerusalemi 'ei na nodra Turaga, 'edra sa maqa ni i'lai o'ya se na nodra vosa na parofita sa wili ena veisiga ni, va'acecegu, e dra sa va'acacani oya, 'edra sa lewai oya me mate. ²⁸ Sa dina 'edra sa maqa ni raica edua na 'a sa dodonu me mate 'ina, i'a 'edra sa masuti Paulato me va'amatei o'ya. ²⁹ I'a nidra sa va'ayacova oti na'a tauco'o sa volai ena vu'una e'dra sa va'atu'utu utaina sobu mai na vuni a'cu qai buluta ena dua nai bulubulu. ³⁰ Sa va'aturi o'ya ca'e viro mai na mate na Alou. ³¹ Sa bogi vuqa sa rairai i'na o oya vei 'edra ma la'o vata mai Kalili i Jerusalemi edra sa dau tovoli o ya vei 'edra na tamata. ³² I'a drau sa tovola vei 'edra nai tu'utu'u si'a ni yalayala ma ca'a vei edra na matua. ³³ Ni sa va'ayacova na Alou vei edra na luveda, ni sa va'atuburi Jisu ca'e viro o 'oya; me bau na a'sa volai inai 'arua ni same "Oi'o na luvequ ni 'ua au sa yaco me Tamamu au sa va'atuburi i'o ena siga 'ua. ³⁴ I'a ena vu'u ni sa va'aturi 'ya ca'e mai na mate me u'a ni vuca viro na yagona sa tovola o 'oya, "Au na solia vei emudou na vei'a sa yalata'ina dina vei Tevita." ³⁵ Sa tovola viro 'ina o oya ena dua viro na same, "Ona maqa ni laiva na nomu Ledua sa yalosavasava me vuca mai. ³⁶ I'a o Tevita ni sa qarava oti na nonai tabatamata me bau na lewa ni Alou, sa qai moce, sa qai bubuti vata 'ei 'edra na nona matua, sa qai vuca mai. ³⁷ I'a o 'oya sa va'atura ca'e viro na Alou, sa maqa ni vuca mai. ³⁸ O 'oya eni me miau 'ila na veiwe'ani, ni sa vunauta'i vei miau na va'abo'oci ni valavala ca ena vu'una eni. ³⁹ Ena vu'una viroga sa va'adonui o 'edra tauco'o 'edra sa va'abauta, ena a tauco'o miau sa maqa ni va'adonui rawa 'ina ena vunau i Mosese. ⁴⁰ O 'oya eni me miau qai raici miau sara va'a sia, de yaco vei miau na a' sa vosa 'ina na parofita. ⁴¹ Raica, eo emudou sa dau beca ia mudou urabui, mudou vusa. Niu sa ca'a va edua na ca'aca'a ena no mudou gauna. Na ca'aca'a dou na maqa sara ni va'adinata 'ebau edua sa tovola vei emudou. ⁴² I'a nidra sa curu ti'o ya'e 'edra sa 'ere'ere me vunauta'i vei 'edra na vosa eni ena siga ni va'acecegu sa tarava mai. ⁴³ I'a nidra sa su'a tani o 'edra na soqoni vata, sa lewe levu na Jiu, edra sa mmuri Paula 'ei Panapasa, drau sa vosa vei 'edra, sa va'arota medra tara dei na loloma ni Alou. ⁴⁴ I'a 'ena siga ni va'acecegu tarava, sa volei'a ni lewe ni 'oro tauco'o 'edra soqoni vata medra rogoca na vosa ni Alou. ⁴⁵ I'a nidra sa raica o 'edra na Jiu nidra sa lewe levu, 'edra sa sinai ena vuvu dra sa tovola ni maqa ni a'a dina na'a e tovola o Paula; 'edra vosa va'acacata'ina. ⁴⁶ Drau sa qai doudou o Paula 'ei Panapasa me drau tovola. "Ni dodonu ga me vunauta'i taumada vei 'edra na vosa ni Alou. I'a ni miau sa biuta tani, qai lewai mudou na maqa ni yaga vei 'emudou na bula tawamudu, vaica, eirau sa la'o vei edra na 'ai mataunitu tani. ⁴⁷ Ni sa va'arota bauwena vei eitou na Turaga, "Au sa va'aturi i'o mo nodra rarama na vei matanitu, mo yaco mo vu ni bula i nai yalayala 'ei vuravura." ⁴⁸ I'a nidra sa rogoca o' edra na 'ai matanitu tani 'edra sa re'i, dra va'aro'oro'o taina na vosa ni Turaga; edra sa va'abauta tauco'o o edra sa digita'i, tu medra rawata na bula tawamudu. ⁴⁹ Sa va'atetei ya'e na vosa ni Turaga ina vei yasana tauco'o sara. ⁵⁰ Edra sa qai va'auqeti 'edra na yalewa lotu, ei 'edra na marama, 'ei 'edra na turaga ni o'ro o edra na Jiu, dra sa ia na vei va'acacani vei drau o Paula 'ei Panapasa qai 'utumi drau ya'e 'ina yalayala ni oro levu. ⁵¹ Drau sa u'reta'ina vei 'edra na dre'a mai na yavadrau drau sa la'o i Ikoniona. ⁵² I'a o 'edra sa lotu 'edra sa sinai ena marau 'ei na Yalo Tabu.